Isaiah 29:17 - Bible Ni Thothup

¹⁷ Dabki n’uw nap’an ma fare loway nu Lebanon e bayi par ni bangi flang ko woldug, ma fare gi flang ko woldug e bay ki sul nge buchwo’ i gek’iy bayay.

Isaiah 29:17 Referans Kwoze

Isaiah 32:15

Machane bay ki pi’ Got ngodad e kan nthothup rok. Ma yungi ted nder tugul ban’en riy e bayi yong’ol, ma yungi woldug e bayi yib e ggan ngay ni pire’.

Matthew 19:30

Machane bo’or e girdi’ ni yad bm’on e chiney ni bay ra tomurgad, ma bo’or e girdi’ ni yad ba tomur e chiney ni bay ra m’on gad.

Hebrews 10:37

Ni bod rogon ni keyog e babyor nib thothup ni be ga’ar: “Dabki n’uw nap’an ma en ni nge yib e bay yib, ni dabi sowath.

Haggai 2:6

“Dabki n’uw nap’an ma bay gu rurug e tharmiy nge fayleng, nge binaw nge day.

Habakkuk 2:3

Mu yoloy, ya dawori taw nga nap’an ni nge yib i m’ug. Machane ngal’an e be yib nib machreg, ma n’en kugog ngom e bay yib i m’ug. Bay mu leamnag nib sowath ni be yib, machane ngam sonnag; ya ra yib i m’ug ko ngiyal’ ni kug turguy, ma dabi sowath.

Mikah 3:12

Ere yu Zion e bay ni gi’ e but’ riy ni bod bangi ted ni yibe gi’ ni nga ni yung e woldug ngay ni bochan e kireb romed, ma yu Jerusalem e bayi par ni go’ ke puth e naun riy, ma gin nib tolang ni bay e Tempel riy e bayi par ni ba chuwo’ i gargaer.

Hosea 3:4

Fan e ren’ey e bayi par e girdi’ nu Israel nib n’uw nap’an ndariy e pilung rorad ara pi’in ni nga urogned e thin rorad, ma dariy e gamanman ni maligach ni yad be pi’ ngak Got, ma dariy e malang nib thothup ni kan suweg, ma dariy e liyos ara fon ban’en ni yima bey ngay.

Isaiah 63:18

Pi to’ogor romad e ke chugur ni ngar tharbeged e girdi’ rom ni urngin u daken e nam, ma kar darifan niged e tempel.

Isaiah 55:13

Yungi n’en ni go’ pan ni bay rachangalen e bayi tugul e gek’iy ni cypress riy; gek’iy ni myrtle e bayi tugul ko yungi n’en ni immoy e pan riy ni bay rachangalen. Ren’ey e ba pow ni bay i par ndariy n’umngin nap’an, ni ban’en ni ngi i puguran e pin’en ni Gag SOMOL e kug rin’.”

Isaiah 41:19

Bay gu gagiyegnag e gek’iy ni cedar nge tugul u daken e ted ni desert, nge gek’iy ni acacia nge myrtle nge olive. Yu chuwo’ i gek’iy e bayi tugul u daken yungi ted nder ma tugul ban’en riy, ni yu chuwo’ i gek’iy ni pine nge juniper nge cypress.

Isaiah 5:6

Mu gu pag nge yib e pan ngay ni bay rchanglen. Dab kug theth’ab papa’ngin ni nge tamilang fithik’ ara ug gi’ e but’ riy, ya bay gu pag nge tugul e pan riy ni bay rchanglen nge upunguy. Mu gog ngak e manileng nge dabki aw e n’uw ngay.”

Psalms 107:35

I pilyeg e ted ni desert nge ngal’ ni lipath, nge but’ ni mlik nge yib e ran riy.

Psalms 107:33

I SOMOL e mliknag e yu pa’ i lul’, me taleg e pi alublub.

Psalms 84:6

Ma yad ra yan u lan e loway nu Baka nib mlik’, me ngal’ ni bang i ban’en ni bay e ran ni alublub riy, som’on ko n’uw nma aw e ma sugnag yu yang riy ko ran.

Matthew 21:43

Me ul ul Jesus ngay nge ga’ar, “Ere nggog ngomed ni gagiyeg rok Got e bay ni chuweg romed ngan pi’ ngak girdi’en reb e nam ni yad e bay yib wom’engirad ni bfel’.”