Isaiah 29:12 - Bible Ni Thothup

¹² Ma fa’an ga ra pi’ ngak be’ ndabiyag ni nge be’eg e babyor magog ngak ni nge be’eg ngom, ma ra yog ngom ni de nang rogon.

Isaiah 29:12 Referans Kwoze

Isaiah 29:18

Ra taw ko rofen nem, ma pi’in yad bbiling e yad ra rung’ag e tin yibe be’eg u babyor nib ga’ lunguy, ma pi’in ma’ew ni ur pired u fithik’ e lumor e ra mab owcharad ngar guyed ban’en.

Hosea 4:6

Girdi’ rog e kan thirifrad u but’ ya dakriy madgug u wun’rad. Gimed e pi prist e kam pi’ed keru’med ngog, are nggu n’agmed ni dabkum manged prist rog. Ma bochan e kam paged talin e motochiyel ko Got romed, ma aram e bay kug pag talin pifakmed ni pumo’on.

Jeremiah 5:4

Ma aram mu gu leam, mug ga’ar, “Pi girdi’ ney e kemus ni pi’in gafgow ma dar nanged ban’en. Yad ba ngongoli balyang; der nanged ko mang e be yog e Got rorad ni dabisiy ni ngan rin’, fa mang e ba’adag SOMOL ni ngar rin’ed.

Isaiah 8:16

Pi gachalpeg e thingar ur ayuweged fapi thin ni Got e ke pi’ ngog.

Isaiah 29:11

Gubin fan e tin ke yi’iynag e pi profet e bayi par nib mith fan rom; bod bang i babyor ni yima bachiy ni kanning. Ma fa’an ga ra fek i yan ngak be’ ni manang rogon e pow babyor ngamog ngak ni nge be’eg ngom, mra yog ngom ni dabiyag ni bochan e kanning ko hang.

Isaiah 29:13

Ke ga’ar SOMOL, “Pi girdi’ ney e yad be yog ni yad be liyor ngog, machane thin rorad e bm’ay fan, ya lanin’rad e basap ngabang. Pigpig ni yad be tay ko raba’ i taliw rorad ney e dariy rogon ya kemus ni motochiyel ko girdi’ nge yalen rorad, ni aram e tin ke mit ngorad yakar filed ke mit ngorad ni churu’.