Isaiah 28:9 - Bible Ni Thothup

⁹ Yad be gathibthib nigeg. Yad be ga’ar, “I mini’ e be leamnag re mo’on nir ni nge fil e llowan’ ngak? Mini’ e ra rung’ag e tin e thin? Kemus ni bitir ni kafin ra paged e thuth e bfel’ ngorad!

Isaiah 28:9 Referans Kwoze

Psalms 131:2

Ma kug gapas ma ke paslag lanin’ug. Bod bbitir nike paslag ni be unum e thuth ko chitiningin, ma ku aram rogon lanin’ug nike gapas.

Jeremiah 6:10

Mu gu fulweg nug ga’ar, “I mini’ e cha’ nra motoyil ngog ni fa’anra gu non ngorad nggu machib ngorad? Ya yad ba gelan’ ma dubrad ni ngar motoyilgad ko thin rom; ur minmingad ko n’en ni u mog ngog ni nggog.

John 12:38

ni fan e nge yib i m’ug nib riyul’ e tin ni yog Isaiah ni profet ni ga’ar: “Somol, i mini’ e ke mich u wan’ e thin rom ni kug weliyed? I mini’ e ke dag Somol gelngin ngak ke guy?”

Matthew 11:25

Ngiyal’ nem me ga’ar Jesus, “Chitamag, ni gur e Somol nu tharmiy ngu fayleng! Kari mmagaer ya kam dag ngak e pi’in ndar sukulgad e n’en ni kam mithag rok e pi’in yad ba llowan’ nge pi’in yad ba sukul.

1 Peter 2:2

Mpired ni gimed bod e bitir ni kafin nni gargeleg, ni gubin ngiyal’ ma be yib lamen e milik ngomed, ni milik nib machalbog ni fan nga lanin’med, ya ra um unumed mi gimed ilal ngam thapgad ngak Got.

John 3:19

Ba’aray rogon nma yib e gechig: fare tamilang e yib ngak e girdi’ nu fayleng, machane girdi’ e kab t’uf e lumor rorad ko fare tamilang, ya ka yad be rin’ e tin nib kireb.

Jeremiah 5:31

Pi profet e go’ ban e yad ma tay, ma prist e yad be gagiyeg u rogon nike yog e profet, ma girdi’ e dariy ban’en niyad be yog riy. Machane mang e yad ra rin’ ko ngiyal’ nike taw gubin ban’en ko tungun?”

Isaiah 54:13

“I gag e bay gu machibnag e girdi’ rom, mu gu pi’ e fel’ rogon nge gapas ngorad.

Isaiah 53:1

Me fulweg e girdi’ ni lungurad, “I mini’ e ra mich u wan’ e ren’en ni gadad ra weliy murung’agen e chiney? Mini’ e rayag ni guy pa’ SOMOL ni be maruwel u fithik’ e ren’ey?

Mark 10:15

Mu ted fanmediyan ko re bugithin ney! En ni dabi bodnag ir bochi tir nge pag ir nga pa’ Got nge mang Got e i gagiyegnag e dabiyag nra yan ko gin nsuwon Got.”

Isaiah 50:4

SOMOL ni Th’abi Tolang e fil ngog e n’en nggog, ya nge yag ni gu pi’ e athamgil nga laniyan’ e pi’in ke mulan’rad. Gubin e kadbul nma pasignag lanin’ug ni nggu motoyil ko n’en ni nge fil ngog.

Proverbs 1:29

Gimed be par ndariyfan u wun’med e gonop nge llowan’, ma gubin ngiyal’ ni gimed be siyeg ni ngam folgad rok SOMOL.

Psalms 50:17

Ka mu siyeged e fonow rog; ka mu n’iged e tin kug ta’chiylen.

Isaiah 48:17

Fare Got nib thothup nu Israel, fare SOMOL ni ayuwegmed e ga’ar: “I Gag SOMOL ni Got romed, fa en ba’adag ni nge fil ngomed e tin ni bfel’ me pow’iymed ko fare kanawo’ ni ngam marod riy.

Isaiah 30:20

Ra pagmed Somol ngu’um marod u fithik’ e mo’maw’, machane ir e bay u rom ni bay i fanow nagmed, ni dakriy rogon ni ngam gaweged i yan ngabang.

Isaiah 28:26

Manang rogon ni nge rin’ e maruwel rok, ni bochan e ke fil Got rogon ngak.

Isaiah 2:3

ma girdi’ ko pi nam nem e bayi lungurad, “Ngdarod ko fare burey rok SOMOL, ko Tempel rok fare Got nu Israel. Ya ngad filed e n’en ni ba’adag ni ngad rin’ed; mu u darod ko yu pa’ i kanawo’ nike turguy. Ya thin rok SOMOL e yib u Jerusalem; u Zion e non riy ko girdi’ rok.”