Isaiah 28:6 - Bible Ni Thothup

⁶ Bayi pi’ e leam nib yal’uw ngak e pi’in bay ra pired ni yad e tapuf oloboch, me pi’ e athamgil nga laniyan’ e pi’in ngar sabthiyed e cham ko fapi garog ko binaw.

Isaiah 28:6 Referans Kwoze

John 5:30

“Dariy ban’en ni gu ra rin’ ni gag e leam rog; gu ma pufthinnag e girdi’ ni bod rogon nike yog Got ngog, ere tin ni gu ma turguy e bmat’aw, ya gathi tin ni gub adag e ir e gu be guy rogon ni nggu rin’, ya kemus ni tin ni ba’adag e en ni l’oegeg ku gub.

Joshua 1:9

Mu tay u wun’um ni kugog ngom ni ngam par ni ga ba gel ma dab mu rus! Dab mu tamdag ma dabi mulan’um, ya Gag, SOMOL ni Got rom, e gu bay rom ko yungi n’en ni bay um man riy.”

John 3:34

En ni Got e ke l’oeg ke yib e be weliy e thin rok Got; ya Got e ke pi’ fare Kan ni Thothup rok ngak ni polo’.

1 Korinth 12:8

Kan Nthothup e bay n’en me pi’ gelngin be’ nge yag rok fa’anem ni nge fonownag e girdi’ u fithik’ e gonop, ma ku re Kan Nthothup nem e pi’ gelngin yugu be’ nge yag rok fa’anem ni nge tamilangnag fan e thin rok Got u wan’ e girdi’.

Proverbs 20:8

Ra par e pilung nga tagil’ ni nge pufthin, mra guy e kireb ma manang.

Psalms 46:1

I Got e ir e manaf rodad me ir gelngidad, gubin ngiyal’ nike fal’eg rogon ke par nra yib e oloboch ngodad me ayuwegdad.

2 Kronicles 32:8

Ir e gelngin e girdi’ gelngin, machane gadad e bay SOMOL ni Got rodad nra aywegdad nge cham ni pa’dad ko mehl.” Pi thin ney ni yog e pilung rorad e pi’ gelngin lanyan’ fapi girdi’.

1 Kings 3:28

Fa’ani rung’ag piyu Israel e tin ke duwgiliy Solomon, miyad par nike yib madgun u wun’rad, ya kar nanged ni Got e ke pi’ e gonop ngak ni nge pithig e oloboch nge yan i aw ni tin ke turguy e ba yal’uw.

Deuteronomy 20:4

Ya SOMOL ni Got romed e be un ngomed, mra pi’ e to’ogor romed nga pa’med.’

Psalms 46:11

SOMOL ni Gubin ma Rayag Rok e bay rodad; fare Got rok Jakob e ir e yoror rodad!

2 Kronicles 32:6

I tay gubin e pumo’on u lan fare binaw nga tan pa’ e pi tolang ko fa raba’ i salthaw rok me kunuyrad nga wean nga langan e garog ko fare binaw. Me ga’ar ngorad,

Isaiah 4:4

Fare gelngin Somol e bayi pufthinnag me machalbognag fare nam me maluknag nge chuweg machan e kireb rok yu Jerusalem nge rracha’ ni u ni pu’og u rom.

Isaiah 25:4

Pi’in gafgow nge pi’in dariy ban’en nrayag rorad e ra milgad ngom made buch ban’en rorad ko ngiyal’ e gafgow. Gur e ga ma pi’ e gin ngar gifgad ngay ko yoko’ nge taglul’ ni nge aywegrad u nifiyen e gowal. Pi to’ogor nib kireb e yad ma cham ni bod e yoko’ u nap’an e ayis.

Isaiah 33:5

Ke sorok SOMOL! Ya ir e be gagiyegnag urngin ban’en. Bayi sugnag yu Jerusalem ko tin nib mat’aw nge yal’uw,

Zekariah 12:5

Ma aram e fa yuke girdi’ nu Judah e bay ra ga’ar gad ngorad, ‘Fare SOMOL ni Got ni Gubin ma Rayag Rok e pi’ gelngin ngak e girdi’ rok nma par u lan yu Jerusalem.’