Isaiah 28:4 - Bible Ni Thothup

⁴ Fla’ab rok e pi’in yad be yog e thin ni yad ba uf e bayi m’ay ni bod e tin som’on i wom’ngin e fig ko ngiyal’ nma k’uf e fig riy, yugu ra lol min t’ar ngan unum.

Isaiah 28:4 Referans Kwoze

Nahum 3:12

Urngin e pi yoror rom ko mael e bod e gak’iy ni fig nike lol wom’ngin, mu rurug fapi gek’iy me munugun wom’ngin nib pluw ngalan langam!

Mikah 7:1

Kari math e liyab! Ya kug bod be’ nike yim’ ko bilig nder pir’eg wom’ngin e gek’iy ni yima kay nike magey u l’ugun e gek’iy, ma ku er i tay wom’ngin e grape ni dariy. Urngin e grape nge urngin wom’ngin e fig nib fel’ lamen e kan t’ar.

Hosea 6:4

Be ga’ar SOMOL, “Israel nge Judah, be mang e nggu rin’ ngomew? Rogon ni gub t’uf romew e kem’ay ni bod e ath ni sum ko garbeb ni kadbul me m’ay ngabang nib machreg; bod e wa’angachal ni kab kadbul me m’ay ngabang.

Isaiah 28:1

Nam nu Israel e kan turguy e gechig ni nge aw ngak! Fla’ab rok e be chuw ni bod yu kiy i te’eliyaw ni floras ni bay u lolugen e pi’in yad be yog e thin riy ni karm’ad ko rrum. Lolugrad nib uf e ka ni floridanag ni bfel’ rogon, machane kar thiggad nga but’ ni kar balyanggad ko rrum.

Revelation 6:13

me mul e t’uf u lanelang nga but’, ni bod wom’ngin e fig ni kab yacha’ ni mul u l’ugun e gek’iy ni fig ko ngiyal’ ni rurug e nifeng nib gel.

Hosea 13:15

Yugu aram rogon ni be fel’ rogon yu Israel i yan ni bod rogon e pan ni be tugul i yan nib machreg, ma bay gu pi’ e nifeng nib gowel u ngek nge yib u daken e ted ni desert, ma bayi mlik’nag e pi alublub nge pi luwed rorad. Bayi fek urngin ban’en nib t’uf ma ba tolang puluwon.

Hosea 13:1

Kakrom e ra non fare ganong rok Efraim me rus urngin e ganong nu Israel, ya yad ma tayfan fare ganong rok Efraim. Machane miyad denen ni bochan e ur tedfan Baal, ma aram fan ni bay ram’ad.

Hosea 9:16

Girdi’ nu Israel e yad bod bake gek’iy nike mroray lik’ngin ni dakir k’uf. Dab ku ra fakyed e bitir, machane fa’an yad ra fakay, ma gu ra thang e pogofan rok pifakrad nrib t’uf rorad.”

Isaiah 8:4

Ra dawori yag ni nge pining e re tir nir e Nina’ nge Papa’ ma urngin e pi machaf nu Damaskus nge urngin e chugum nu Samaria e bayi fek e pilung nu Assyria u fithik’ e yargal.”