Isaiah 28:28 - Bible Ni Thothup

²⁸ Dar ma kirebnag e wheat ni nge pirdi’ir nib gal, manang rogon i bilig ni ngi i pi’ e cart u daken ndabi tagannag fapi grain.

Isaiah 28:28 Referans Kwoze

1 Korinth 3:9

Ya gamow ngabang ni gamow be maruwel rok Got u ta’bang, ma gimed e gimed e milay’ rok Got. Ma ku errogon ni gimed e naun rok Got.

John 12:24

Gu be yog e tin nib riyul’ ngomew: ba awochngin e wheat e yugu ra i par ni ka ta’ab awoch ni fa’anra dab nin’ nga fithik’ e but’ nge pil nge wod, ya fa’anra pil ma aram e ra pi’ e awoch ni pire’.

Matthew 3:12

Ma bay talin e maruwel rok ni nge chuweg urngin fitiyru’ i wom’ngin e woldug ni grain; me kunukunuy limngun ni yima ngongliy e flowa riy nge tay nga naun rok, me urfiy fapi fitiyru’ u fithik’ ba nifiy ni dabi math bi’id!”

Amos 9:9

“Bay gu non me rur e girdi’ nu Israel ni bod e grain ni yima rurug u lan ban’en ni bay mugut’fen. Bay gu rurugrad u fithik’ e pi nam nge chuw urngin e pi’in dariy ban’en ni yad bfel’ ngay.

Isaiah 21:10

Girdi’ rog nu Israel, ka ni pirdi’iymed ni bod e wheat, machane chiney e nggu weliy ngomed ba sabethin ni bfel’ ni ku gu rung’ag rok SOMOL ni Gubin ma Rayag Rok ni Got nu Israel.

Numbers 7:3

e rfeked e pi maligach rorad i yib ngak SOMOL: ni nel’ e wagon nge ragag nge l’agruw e garbaw ni pumo’on, ra l’agruw i yad fapi tagugang’ ma reb e wagon, ma ra taabagayad ma reb e garbaw ni pumo’on. Nga tomuren ni kar pi’ed e pin’em,

Isaiah 28:27

Dar ma fanay yulay i gul nib tomal ni nge pirdi’iy awochngin e dill ara cumin ngay; ke mang yoch ley i gek’iy ni achichig ni bfel’ ga’ngin e be fanay.

Isaiah 28:29

Gubin e pi gonop ney e ma yib rok SOMOL ni Gubin ma Rayag Rok. Tin ni tanomnag Got e go’ bfel’, ma urngin ngiyal’ mma yan i aw ni bfel’.

Jeremiah 10:24

SOMOL, mu t’ar e girdi’ rom, machane dab yugu mu almarin ngomad fa mu gechig nagmad u nap’an ni ga ba damumuw; ya ra math owchamad.