Isaiah 28:19 - Bible Ni Thothup

¹⁹ Ra aw ngomed bayay nge bayay, u reb e kadbul ngu reb. Ma thingar mu athamgilgad riy ni rran nge nnep’. Ra reb e thin nib be’ech ni yib rok Got mra fek i yib ku reb e marus nrib ga’!

Isaiah 28:19 Referans Kwoze

Habakkuk 3:16

Gu rung’ag e pin’ey ni gubin, mu gu t’on; me da’da’ dap’il’ugunag ko marus. Me m’ay yileg, me m’ing e bug u eg. Bay gu sonnag u fithik’ e gumaen’ e ngiyal’ ni bayi taw ngay me gechignag Got e pi’in kar maelgad ngomad.

Daniel 8:27

I gag Daniel e gu par ni gowa nchuchuyeg nga but’ mu gu par ni in e rran ni gub m’ar. Ma aram mu gu sak’iy nggu sul ko maruwel nike pi’ e en ni pilung ngog, machane gu par nike balyangan’ug ko tin ni kug guy ya de yag ni gu nang fan.

Daniel 7:28

Kemus murung’agen e tin ni gu guy. I gag Daniel e ri gu rus nge m’ay racha’en owcheg, machane mu gu tay rog ni gubin nda gu weliy.

Jeremiah 19:3

I SOMOL e yog ngog ni nge lungug, “Mu telmed e pi pilung nu Judah nge girdi’ nu Jerusalem ko tin ngugog, I Gag, fare SOMOL ni Gubin ma Rayag Rok, ni gag e Got rok piyu Israel. Aram e nggu fek i yib ba riya’ nga daken e re gin’ey ni urngin e pi’in yad ra rung’ag murung’agen e ra gin lanin’rad ngay.

Isaiah 50:4

SOMOL ni Th’abi Tolang e fil ngog e n’en nggog, ya nge yag ni gu pi’ e athamgil nga laniyan’ e pi’in ke mulan’rad. Gubin e kadbul nma pasignag lanin’ug ni nggu motoyil ko n’en ni nge fil ngog.

Isaiah 37:3

Irera’ e thin ni pi’ ngorad ni ngar weliyed ngak Isaiah: “Daba’ e rran ko gafgow; kan gechig nagdad ke m’ay fadad. Gadad bod be’ ni bpin nike taw nga nap’an ni nge gargel ma dabyag u gelngin.

Isaiah 36:22

Me guchithiy Eliakim, Shebna, nge Joah e mad rorad ni kari taganan’rad miyad yan ngar thapaged ngak e en pilung fapi thin nike yog fa’en ga’ ko salthaw nu Assyria.

Isaiah 33:7

Pumo’on nib falu’ e yad be pong ni ngan ayuwegrad! Pi’in owchen reb e nam nga reb e nam ni yad be guy rogon ni nge aw e gapas u thilin e nam, e ba gel e meyor ni yad be tay.

2 Kings 24:2

Me pi’ SOMOL yu raba’ i salthaw nu Babylonia, Syria, Moab, ngu Ammon ngar maelgad ngak Jehoyakim ngar thirifed yu Judah u but’, ni bod nike yog SOMOL u daken e pi tapigpig rok ni pi profet nra rin’.

BABYOR NI JOB 18:11

Ma marus e ke liyeg ni be sonnag; gubin ngiyal’ nra yif’ ay ma be lek e marus.

2 Kings 21:12

Ere Gag SOMOL ni Got rok yu Israel, e bay gu fek e riya’ nga daken yu Jerusalem ngu Judah ni gubin e pi’in yad ra rung’ag murung’agen e ra balyangan’rad ngay.

2 Kings 18:13

U lan e bin ragag nge aningeg e duw nike pilung Hezekiah, me m’ag Sennakerib ni Pilung nu Assyria e mael ko fapi binaw nu Judah, ni ka ni yororiy ni fan ko mael, nge kol.

2 Kings 17:6

ni aram e duw ni mereb ko gagiyeg rok Hoshea, me kol fare pilung nu Assyria yu Samaria u tan e mael, me fek piyu Israel nga Assyria ni yad bogi kalbus, me tay boch i yad ngar pired u lan fare binaw nu Halah, ma boch e ra pired u to’oben fare Lul’ ni Habor u lan fa re gi nug nu Gozan ma boch e ra pired u lan fapi binaw nu Media.

1 Samuel 3:11

Me ga’ar SOMOL ngak, “Bay gu ngongliy ban’en ngak piyu Israel nrib gel e gafgow riy, ni gubin e girdi’ ni bay rrung’aged murung’agen e yad ra dada’ ngay.

BABYOR NI JOB 6:4

Got ni Gubin ma Rayag Rok e ke yip’eg ko gan e gat’ing, ni yub riy e kenad u fithik’ i dowag. Ke k’afeg Got e marus be aw ngog.

BABYOR NI JOB 24:17

Ma yib loren e tamilangen e rran ngorad, ma lumor e darir rusgad ngay.

Psalms 55:4

Ku gu rus, doguwen e yam’ e ke dil’iyeg.

Psalms 88:15

Ka nap’an ni kug bochi pagal, ni ug gafgow ngi i chugur ni nggum’; ku gu me’waer u malngin e pi gechig rom.

Jeremiah 6:24

Be ga’ar e girdi’ nu Jerusalem, “Ku gu rung’aged murung’agen, ma ke ul pa’mad; ma ke kolmad e marus, nge amith ni bod rogon be’ ni bpin ni nge gargel.

Lamentations 2:22

Mu pining e to’ogor rog nga ba madnom ko k’ar marus u to’obeg i yan, Ma dariy be’ nrayag ni nge thay nge mil u fithik’ e damumuw rom e rofen nem. Kar thanged e pogofan rok pifakag, ni ug chugliyrad ni yad ba t’uf rog.

BABYOR NI JOB 41:9

En nra guy e Leviathan e ra m’ath e liyab ngak nge aw nga but’ ko marus.

Jeremiah 4:5

Mu thoyed e rappa u ga’ngin yang u lan e nam! Mu tolulgad nib ga’ lungmed ma bmatabogol! Moged ngak e girdi’ nu Judah ngu Jerusalem ni ngar milgad ko fapi binaw ni kan yororiy ni fan ko mael.

Jeremiah 4:9

I SOMOL e ga’ar, “Re rran nem e ra mulan’ e pilung nge pi tayugang’; prist e ra rus mra gin e pi profet.”