Isaiah 27:8 - Bible Ni Thothup

⁸ I SOMOL e gechignag e girdi’ rok ni pi’rad ni kalbus nga wuru’ e nam. I tharbegrad nga fithik’ e nifeng nib gel ni yib ko ngek.

Isaiah 27:8 Referans Kwoze

Hosea 4:1

I SOMOL e bay e n’en ni nge yog ni ba togopluw ko girdi’ nu Israel ni be par ko re nam ney. Israel, mu telim ko n’en ni be yog ni be ga’ar, “Dariy e yul’yul’ nge t’ufeg u daken e re nam ney, ma dakriy e girdi’ ni be yog ni Gag Got.

Ezekiel 19:12

Machane u fithik’ e damumuw, min pug lik’ngin ngalang nga non’ nga daken e but’. Meb nifngin e ngek nge fengfengnag wom’ngin. Me m’ingm’ing papa’ngin; nge mlik’ min orfeg.

Jeremiah 10:24

SOMOL, mu t’ar e girdi’ rom, machane dab yugu mu almarin ngomad fa mu gechig nagmad u nap’an ni ga ba damumuw; ya ra math owchamad.

Jeremiah 4:11

Bay i taw nga bangiyal’ nap’an yira yog ko girdi’ nu Jerusalem ni bay bang i nifeng nib mo’oruf gowalngin ni be yib u lan e ted ni desert i yib ngorad. Gathi bang i nifeng nib waer ni kemus ni chabung e nge changagnag

1 Peter 1:6

Ere mfelfelan’gad ngay, ni yugu aray rogon e chiney ndabisiy ni nge taganan’med nib ngoch nap’an ni bochan e bo’or mit e gafgow ni gimed be tay nib sikeng ngomed.

Hosea 13:15

Yugu aram rogon ni be fel’ rogon yu Israel i yan ni bod rogon e pan ni be tugul i yan nib machreg, ma bay gu pi’ e nifeng nib gowel u ngek nge yib u daken e ted ni desert, ma bayi mlik’nag e pi alublub nge pi luwed rorad. Bayi fek urngin ban’en nib t’uf ma ba tolang puluwon.

Jeremiah 46:28

Bay gub ngomed nggu ayuwegmed. Bay gu thirif gubin e nam u but’ ko yungi n’en ni gu weregmed riy i yan, machane dab gu thang owchamed. Ma dab gu pagmed ngam marod ni dab ni gechig nagmed; machane gu ra gechig nagmed, mab mat’aw rogon ni gu ra rin’. I Gag SOMOL e kugog e pi thin ney.”

Jeremiah 30:11

Bay gub ngomed nggu aywegmed. Bay gu thirif urngin e nam u but’ ko yung i n’en ni gu werweregmed riy, machane gimed e dab gu thang owchamed. Dab gu pagmed ngam thay gad ko gechig; machane gechig ni gu ra tay ngomed, e ba mat’aw rogon ni gu ra rin’. I Gag SOMOL e gu be non.”

Jeremiah 4:27

Keyog SOMOL ni ga’ngin e fayleng ni bayi par ndakriy e wulgo’ riy, machane dabi kirebnag e fayleng ni ga’ngin.)

1 Korinth 10:13

Urngin e n’en nma waliy e girdi’ nge denen nike yib ngomed e ireyer e mit i n’en ni ka ma yib ngak e girdi’. Ya Got e dabi thiliyeg e tin ke yog nra rin’ ngodad, ma dabiyag ni nge pagmed nge yib ngomed e pin’en nma waliy e girdi’ nge denen nge pag rogon ndabkiyag romed ni ngam taleged gimed riy; machane re ngiyal’ i n’em e ra pi’ gelngimed ngam k’adedan’med riy, ni aram e ke pi’ e kanawo’ ngomed ni ngambad riy nga wuru’ e pin’em.

Isaiah 57:16

Gu pi’ e yofos ko girdi’ rog, ma dab ug par ni yuggu be puwan’ ngorad ara gu par ni gub damumuw ngorad ndariy n’umngin nap’an.

Isaiah 54:7

“Kug pagem u lan ba talab, bay gu fulwegem ngog ya ri gab t’uf rog.

Isaiah 50:1

Be ga’ar SOMOL, “Mogned, gimed be finey ma gu n’agmed e girdi’ rog ni bod be’ ni n’ag le’engin? Ere bu uw babyoren e machuw? Gimed be finey ma gu pi’med nchuway’ ngam kalbusgad ni bod be’ nib mo’on ni pi’ pifak nchuway’ ngar manged sib? Danga’, ni fekmed nga reb e nam ngan kalbus nagmed ni bochan e denen romed; ni fekmed ngam marod ni bochan e kireb romed.

Isaiah 10:12

Machane Somol e ga’ar, “Nap’an ni gu ra mu’nag e n’en gu be rin’ ko Burey ni Zion ngu lan yu Jerusalem, ma bay gu gechignag e emperor nu Assyria ni bochan e ufanthin nge tolngan’ rok.”

Isaiah 1:5

Mangfan ni kayugu mpired ni gimed be togopluw? Mogned, gimed ba’adag ni ngan gelnag e gechig ngomed? Israel, lolugmed e ke polo’ i maad’ad, ma lan gum’ircha’med nge lanin’med e ke m’ar.

Psalms 103:14

Manang e n’en nni ngongliydad ngay; kamnang ni gadad e fiyath.

Psalms 78:38

Machane Got e ma runguy e girdi’ rok. I n’agfan u wan’ e denen rorad made thang owcharad. Ba yo’or yay ni i k’adan’ ko damumuw ngi i par nga daken gelngin e damumuw rok.

Psalms 76:10

Damumuw ko girdi’ e kemus ni be gelnag feni sorom; ma pi’in de yim’ ko mael e bay ur madnom niged gur.

Psalms 38:1

A SOMOL, dab mu gechig nigeg u fithik’ e damumuw rom!

Psalms 6:1

SOMOL, dab mu puwan’ ngog ni ga ba damumuw, ma dab mu gechig nigeg u fithik’ e damumuw.

BABYOR NI JOB 23:6

Gur polo’ i gelngin Got nra togoluwnag ngog? Danga’, ya ra motoyil ngog.

Psalms 103:9

Der ma par ni yugub puwan’; ma der ma par nib damumuw ni dariy n’umngin nap’an.

Isaiah 64:5

Bfel’ u wun’um e pi’in yad ba’adag ni ngar rin’ed e tin nib mat’aw, ni pi’in ndarir paged talin rogon nib m’agan’um ngay ni ngu’ur ngongolgad. Mu damumuw ngomad, ma gamad pi’ nga daken ngu’ug denengad; yugu aram rogom ni mpar ni kar mu damumuw ngomad, ma kayug gu pi’ed nga daken gamad be rin’ e kireb ni kab kakrom i yib.

Lamentations 3:31

I Somol e rib marunguy ma dabi n’ag dad ni manemus.

Lamentations 3:32

Yug bay i feke kireban’ i yib ngodad, machane t’ufeg rok ngodad e rib mich ma ba gel.