Isaiah 27:12 - Bible Ni Thothup

¹² Rofen nem, e feng Got e girdi’ rok ni be’ nge be’ ni tabab u Eufrates ngeb ko mathil nu Egypt, ni bod e parde’ wheat nma ki’eg lemmun ko keru’.

Isaiah 27:12 Referans Kwoze

Genesis 15:18

Chirofen nem e ngongliy SOMOL reb e m’ag u thilrow Abram, ni ga’ar, “Nggog ngom ni bay gu pi’ e re nam ney ni ga’ngin ngak e pi’in owchem, ni mus ko fare lul’ ni bay ko mathil u Egypt nge yan i mada’ ko fare lul’ ni ba ga’ ni Eufrates fithingan,

Isaiah 56:8

SOMOL ni Th’abi Tolang ni fek e girdi’ rok nu Israel ni u ra kalbusgad u wuru’ e nam rorad nga taferad, e micheg ni bay ki fek boch e girdi’ nge chagiy ngorad.

Nehemiah 1:9

Ma fa’an gimed ra sul ngog ngu’um folgad ko tin gog ngomed ni ngu’um rin’ed, ma gu ra fulwegmed ko gin gag e kug turguy ni ngu’un liyor ma yibe meybil ngog riy, ni yugu aram rogon ni kam wergad kam mada’gad ko gin ni mus e fayleng ngay.’

John 10:16

Bay yugu boch e saf ni saf rog, machane dar moyed u fithik’ e tiney e saf. Ere thingar kug fekrad i yib; ya bay ra matealgad nga lungug, miyad peth ko tiney ngar pired nta’ab ran’ i saf ma ta’abe’ e be gafaliyrad.

John 6:37

Urngin e girdi’ nra pi’ e Chitamag ngog e bay rabad ngog. Ma en nra yib ngog e ri dab gu n’ag.

Luke 15:4

“Susun e aray rogon ma bay bigimed ni bay ra’ay i saf ni fak me yan reb ngabang — ere mang e ra rin’? Ra pag fa mereb i ragag nge mereb nem ko gin’en ni yad be kay e pan riy me yan ni be changarnag fare saf nike yan ngabang nge mada’ ko ngiyal’ ni fin ra pir’eg riy.

Amos 9:9

“Bay gu non me rur e girdi’ nu Israel ni bod e grain ni yima rurug u lan ban’en ni bay mugut’fen. Bay gu rurugrad u fithik’ e pi nam nge chuw urngin e pi’in dariy ban’en ni yad bfel’ ngay.

Jeremiah 3:14

“Mu sulod ngog, gimed e girdi’ ni dam yul’yul’gad; yab mil famed ngog. Bay gu mel’eg ta’ab gimed u ra reb fa yochi binaw nge lalag’ruw i gimed u ba kan e girdi’, nggu fulwegmed ko burey nu Zion.

Isaiah 17:6

Kemus ni in e girdi’ e ra magach nib fos’, yu Israel e bayi bod ba ke gek’iy ni olive ni gubin wom’ngin ni kant’ar min pag l’agruw ara dalip u tamal’gin, ara nni pag in ko yupa’ ni sobut’ u papa’ngin. I Gag, SOMOL ni Got rok yu Israel e gu be non.”

Psalms 72:8

Gagiyeg rok e yan u bang e day nga bang e day, me tabab ko lul’ ni Eufrates nge yan i taw nga tungun e fayleng.

Psalms 68:22

Ke ga’ar Somol, “Bay gu fulweg e pi to’ogor rom u Bashan; Bay gu fulwegrad u t’ay e rigur,

Isaiah 49:5

Dawor ni gargel nigeg ma ke mel’egeg SOMOL; ke teg ni nggu mang tapigpig rok ya nggu fulweg e girdi’ rok, ni nggu fulweg e girdi’ nu Israel ni ka ra weargad i yan. I SOMOL e gagiyegnag ngan tayfag; ir e en ni be yib gelngig rok.

Jeremiah 44:28

Machane ri’in i gimed e ra thay ko yam’ nge sul u Egypt nga Judah. Ma aram e fapi girdi’ ni de yim’ e bay ra nanged ko mini’ e yib i m’ug e thin rok nib riyul’, ko gag fa yad.

Ezekiel 20:34

Bay gu dag gelngig nge damumuw rog ngomed ko ngiyal’ ni gu ra kunuymed nga ta’bang mu gu fulwegmed u gubin e pi nam nni weregmed nga daken.

Ezekiel 20:41

Tomuren ni gu fekmed nga wuru’ e pi nam nni weregmed ngay nggu kunuymed nga ta’bang, ma bay i fel’ u wun’ug e pi maligach ni mo’oruf romed, me guy e pi nam ni Gag e gub thothup.

Ezekiel 39:25

I SOMOL ni Th’abi Tolang e ga’ar, “Machane chiney e bay gu par ni bay e marnguy rog nga daken e pi’in owchen Jakob, ni fapi girdi’ nu Israel, ma bay gu gagiyegnag ngar fla’abgad bayay. Bay gu yororiy fithingag nib thothup.

Ezekiel 47:19

“Mathil u yimuch e yan u Tamar nib sor ko yimuch ni ngal nge yan ko lul’ nu Kadesh Meribah me sor u rom ko lel’och ni ngal ko mathil yu Egypt nge mada’ ko day ni Mediterranean.

Zekariah 8:7

Bay gu chuweg e girdi’ rog ko pi nam ni kan fekrad ngay,

Joshua 15:4

me yan u rom nga Azmon, me lek fachipa’ i lul’ ni bay ko mathil nu Egypt me yan i mus ko Day ni Mediterranean, ni aram e gin ni mus e fare mathil riy. Aram e mathil rok Judah ko yimuch.

1 Kings 8:65

Me madnomnag Solomon nge urngin e girdi’ nu Israel fare Madnom ko Nochi Na’un ni medlip e rran. Pire’ e girdi’ ni yigi tabab u Hamath Pass ko lel’och nge mada’ ko mathil nu Egypt ko yimuch.