Isaiah 26:20 - Bible Ni Thothup

²⁰ Gimed girdi’eg, marod ngalan e naun romed ngam man’ niged e mab nga fitikeru’med. Mi gimed mith bochngiyal’ nge taw ngilan’ nike m’ay e damumumuw rok Got.

Isaiah 26:20 Referans Kwoze

Psalms 30:5

Ya damumuw rok e ta’boch ngiyal’, ma feni gol e nap’an e yafos. Ra map e lu’ nnep’, me yib e felelan’ ni kadbul.

Psalms 27:5

Ra taw e oloboch ngog ma ir e manaf rog; me teg u lan e Tempel rok ni dabi buch ban’en rog, me teg nga daken ba war nib tolang ko gin ndariy ban’en nra buch rog riy.

Matthew 6:6

Machane fa’an ga ra meybil, ma ga yan nga senggil rom ngam ning e mab, ma ga meybil ko Chitamam ni be’ ndanir guy. Ma Chitamam ni be guy e n’en ni kam rin’ nde nang e girdi’ e bayi pi’ puluwon ngom.

Psalms 91:4

Ra upunguyem nga pon; ga ra par u tan pa’ ni dabi buch ban’en rom; feni yul’yul’ e ra yororiyem me n’ufegem.

Proverbs 18:10

I SOMOL e bod ba wulyang ni tafen e damit nib gel; ni gin rayag ni nge yan e pi’in nib mat’aw ngay ma dabi buch ban’en rorad.

Psalms 17:8

Mu ayuwegneg ni bod ni ga ma ayuweg e tir u marwam; mmithaggeg ko taglul’ u tan pom,

2 Korinth 4:17

Re gafgow ney ni gadad be tay nib gafgow nib achig ma dabi n’uw nap’an me m’ay e bayi fek i yib ngodad ba fla’ab ni ba ga’ ni dabi m’ay bi’id, nri kab gel feni ga’ ko re gafgow ney.

Isaiah 10:25

Dabki n’uw nap’an ma bay gu lebuguy e gechig romed, ma aram e bay gu thirifrad u but’.

Psalms 32:7

I gur e gu ma mith nga fom; bay mu chuwegneg u fithik’ e oloboch. Gu be tangnag ni ba ga’ lamag rogon ni ga ma ayuwegney, ni bochan e gur e ka mu yororiyeg.

Isaiah 51:4

“Mmotoyilgad e girdi’ rog ngog, murung’aged e n’en ni nggog: Ku gu pi’ e machib rog ko pi nam; pi motochiyel rog e bay i fek e tamilang i yib ngorad.

Psalms 91:1

En nra yan ngak SOMOL ni nge dabi buch ban’en rok, en be par u tanggin gelngin e ayuw rok e En ni Gubin ma Rayag Rok,

Psalms 31:20

Ga ma mithagrad u p’eowchem ndariy ban’en nra buch rorad rok e pi makath ko girdi’; kam mithagrad nga tan ba manaf ndabi buch ban’en rorad ko pi yaba’ ni be tay e pi to’ogor rorad.

Ezekiel 11:16

“Mog e chiney ngak pichongim ni yad ba kalbus e n’en ni gu be yog, I gag e gu pi’rad ko pi nam u palog mu gu weregrad ngalan boch e nam. Ma chiney i yan ngaram e bay ug par rorad ko yungi n’en ni karanod ngay.

Isaiah 51:16

Gu fileth lanelang mu gu ayliy deaf ko fayleng; gu be ga’ar ngak Jerusalem, ‘Gimed e girdi’ rog! Kug pi’ ngomed e thin rog, ma gu ma yororiy pa’ag ngomed.’”

Psalms 143:9

SOMOL, gu be yib ngom ni ngam yororiyeg; mu ayuwegneg u pa’ e pi to’ogor rog.

Psalms 57:1

A Got, nge wurngan’um ngog, ma ga runguyeg, ya kugub ngom ni nggu naf nga tan pa’am. taglul’ u tan pom e kug naf ngay nge taw ko ngiyal’ nike m’ay e yoko’.

Genesis 7:1

Me ga’ar SOMOL ngak Noah, “Mmarod girdi’en e tabinaw rom ngalan fare barkow; ya kug pir’eg ni kemus ni gur u fithik’ e girdi’ e ka gab fel’ u wun’ug.

Jeremiah 31:14

Ma bay gu suguy e pi prist ko tin th’abi fel’ e ggan, mu gu chum’ernag e girdi’ rog ko urngin e tin bt’uf rorad. I Gag SOMOL e kugog e pi thin ney.”

Genesis 7:16

ni bod rogon ni yog Got ngak Noah. Ma aram me ning SOMOL fare mab nga ftikeru’ Noah.

Matthew 23:37

“Jerusalem, Jerusalem! Kam thang e pogofan rok e pi profet, ma kam malangnag e pi’in ni l’oegrad Got ngar feked e thin rok i yib ngom! Nge gaman e in yay ni kug guy rogon ni nggu kunuy urngin e girdi’ rom, ni bod ba alabal ni chugumiy pifak nga tan pon, machane da mpageg nggu rin’!

Jeremiah 7:23

Machane gu ning chiylen ngorad ni ngu’ur folgad rog, ni fan e ngu’ug par ni gag e Got rorad ma yad e girdi’ rog. Mu gog ngorad ni ngu’ur ngongol gad ni bad rogon ni ku gu ning chiylen ngorad, ma aram e ur pired ni bfel’ rogorad.

BABYOR NI JOB 14:13

Gu be athpeg ni yigum mithageg u lan e fayleng ko yam’; nggu par ni gu be mith nge taw ko ngiyal’ nike m’ay e damumuw rom, ma ga duwgiliy bangiyal’ ni ggub ngan’um.

Proverbs 22:3

Girdi’ nib sul lanin’rad ngorad e yad ra guy e oloboch ni be yib miyad pilo’ riy, ma be’ ni der leam e ra yan nga fithik’, ma tomuren e ra kalngan’.

Isaiah 10:5

I SOMOL e ga’ar, “Gu tay yu Assyria nib dumow rog ni nggu gechegnag e pi’in ku gu damumuw ngak.

Isaiah 13:5

Yad be yib u bogi nam nib palog u tungun e fayleng. SOMOL e be yib u fithik’ e damumuw rok ni nge gathay e nam ni ga’ngin.

Isaiah 34:2

I SOMOL e ke damumuw ngak gubin e nam nge gubin e salthaw rorad. Ke gechig nagrad ni ngan thang e pogofan rorad.

Isaiah 66:14

Nap’an ni gimed ra guy ni arrogon ma gimed ra felfelan’; ma ra sulweg gelngimed mi gimed gol bayay. Ma aram e gimed ra nang ni Gag SOMOL ni gu be ayweg e pi’in be fol rog, ma gu be dag e damumuw rog ngak e pi to’ogor rog.”

Daniel 11:36

“Pilung nu Syria e bayi rin’ nrogon ni ba’adag. Bayi ufanthin ngi i leamnag ni ir e ba ga’ ngak e pi got ngi i weliy ni kab tolang ngak fare Got ni Ir e Th’abi Tolang. Bay i par ni be rin’ nge mada’ ko ngiyal’ ni bayi pi’ Got e gechig ngak. Ma bayi rin’ Got e pin’en nike duwgiliy ni nge rin’.

Zefaniah 2:3

Mu sulod ngak SOMOL, gimed gubin girdi’en fare binaw nib sobut’an’med, ni gimed ma fol ko tin ni yog. Mu rin’ed e tin bmat’aw, mi gimed sobut’ nagmed u p’eowchen SOMOL. Ma aram e sana gimed ra thay ko gechig ko fare rran ni nge dag SOMOL e damumuw rok.

Psalms 57:2

Gu be pining Got, ni ir e ba Th’abi Tolang, Got nma pi’ urngin e tin bt’uf rog.

Psalms 94:13

Ga ma pi’ e toffan ngorad u tomuren fa pi rran ni ba gel e gafgow riy nge taw ko ngiyal’ ni kan ker ba low ni nge mul e pi’in kireb ngay.