Isaiah 26:10 - Bible Ni Thothup

¹⁰ Ni yug aram rogon ni gab gol ko pi’in kireb, ma darir nanged rogon i rin’ e tin bmat’aw. Mus u roy u lan e nam ko girdi’ nib mat’aw makyad be ngongol ni de mat’aw; yad be siyeg ni ngar nanged feni sorom.

Isaiah 26:10 Referans Kwoze

Hosea 11:7

Ri yad be guy rogon ni ngar pi’ed keru’rad ngog. Bay ra yorgad ngalang ni bochan fare mat’ ni bay u porad, ma dariy be’ nra chibiy nge chuweg rorad.

Revelation 2:21

Kug pi’ e tayim ngak ni nge pi’ keru’ ko denen ni be rin’, machane dabun ni nge pi’ keru’ nga ngongolen e darngal ni be rin’.

Mikah 2:10

Mu sak’iy gad ngam chuwgad; ya gathi irera’ tagil’ e toffan romed. Bochan e denen ni gimed be ngongliy ma aram e bay yib e riya’ ngaray nrib gel e gafgow riy.

Jeremiah 2:7

Mu gu fekrad i yib nga ba nam nib yong’ol e but’ riy; ni ngar felan’gad ko woldug riy nge tin ni bfel’ ban’en ni bay riy. Machane fa’an rabad miyad kirebnag e nam rog; ya ka ra sonogor niged fare nam ni gu pi’ ngorad.

Eklesiastes 3:16

Gathi kemus ara’, ku er rogon ni ku gguy ni denen ni kireb e be yin’ luwan e tin yal’uw nge tin mat’aw ko biney e tamilang.

Proverbs 1:32

Girdi’ ndawori yo’or ban’en nikar guyed e yad be yim’, ya bochan e yad be siyeg e gonop. Girdi’ ni pinat e yad be yim’, ni bochan e dariy ban’en ni bay fan u wan’rad.

Psalms 106:43

Bo’or yay ni ayuweg SOMOL e girdi’ rok, machane yad e ra turguyed ni ngar togopluwgad ngak ngar mak’gad nga fithik’ e denen.

Deuteronomy 32:15

“Girdi’ rok SOMOL e i pire’ ban’en rorad, machane ba gel e togopluw ni ur ted; ra sugsuggad ya pire’ e ggan ni yad be kay. Miyad pi’ keru’rad ngak Got ni ir e sunumiyrad, ma en ni ta’ayuw rorad nib gel gelngin e ra pi’ed keru’rad ngak.

Exodus 9:34

Ma fa’ani guy Farao nike tal e n’uw nge ayis ni be mul nga but’, ma dakir chub e dirra’, me denen bayay ni aram e ke gelnag laniyan’, ni ir nge pi tolang u tan pa’.

Exodus 8:15

Fa’ani guy fare pilung nike manigil boch gubin ban’en, me gelnag laniyan’ bayay nge daki fol ko tin keyog Moses nge Aron, ni bod rogon ni yog SOMOL.

Hosea 13:6

Machane fa’an mmarod ngalan fare nam ni bfel’, mi gimed abich ngam fosgad, mi gimed ufanthin ngam paged talig.

Hosea 9:3

Girdi’ nu Israel e dabra magach gad u lan fare nam rok SOMOL, machane bay rsulod nga Egypt ma bay ra ked e ggan nib togopluw ko motochiyel u lan yu Assyria.

Jeremiah 31:23

I SOMOL ni Gubin ma Rayag Rok, ni Got rok piyu Israel e be ga’ar, “Nap’an ni bay gu fulweg piyu Israel ko nam rorad, ma aram e bay rogned bayay u daken e nam nu Judah ngu lan e yochi binaw u rom ni bayi lungurad, ‘I SOMOL e nge fal’eg wa’athan fare burey nu Jerusalem nib thothup, ni fa gin nib thothup nma par riy.’

Isaiah 27:13

Ra taw ko rofen nem, ma bay ni thoy e rapa ni nge pining nge sul gubin e girdi’ nu Israel ni yad ba kalbus u lan yu Assyria ngu Egypt. Ma aram e bay rabad ngar liyorgad ngak SOMOL u lan yu Jerusalem, ko fare burey rok nib thothup.

Isaiah 24:5

Girdi’ e ka ra alit niged e fayleng ni bochan e yad be th’ab e motochiyel rok Got miyad be kirebnag fare m’ag ni ngongliy ni nge par ni manemus.

Isaiah 5:12

Pi mur ni gimed be tay e bay talin e musik riy ni harp nge tambourines nge ngal, nge wayin. Machane dar tamilangan’med ko mang e be rin’ SOMOL,

Isaiah 2:10

Bay ur mithgad ngalan bogi yiy ko yochi burey ni go’ war ara ra kired bogi low nga fithik’ e but’ ni yad be guy rogon ni ngar milgad ko damumuw rok SOMOL miyad mith u gelngin nge feni maluplup’!

Psalms 143:10

I gur e Got rog; mu fil ngog rogon ni nggu rin’ e tin nib m’agan’um ngay. Mu gol ngog, ma ga pow’iyeg ko kanawo’ nib pach.

1 Samuel 15:17

Me fulweg Samuel ngak ni ga’ar, “Yugu er rogon ni ga be leamnag ndariy rogom, ya gur e pilung ko pi ganong nu Israel. I SOMOL e ke gapgep nagem ni gur e pilung nu Israel,

Isaiah 32:6

Be’ nib balyang e ma yog e thin ko balyang, mma leamnag e pin’en nib kireb ni nge rin’. N’en ma rin’ nge n’en ma yog e ba togopluw ngak SOMOL, ma dar ma pi’ e ggan ngak e girdi’ ndariy e ggan rorad ara pi’ e garbod ngak e girdi’ ndariy ban’en ni yad ra unum.

Matthew 4:5

Me fek fare mo’onyan’ Jesus ngalan fare binaw nib thothup, nge yan i tay nga daken e gin’en nth’abi tolang ko fare Tempel,

Exodus 9:30

Ya gu manang ni gur nge pi tolang rom ni bay u tan pa’am e dawori yib madgun SOMOL ni Got u wun’med.”

Psalms 69:27

Mu tay urngin e denen rorad u wun’um; dab mu unegrad nga fithik’ e pi’in ka mu mat’aw nagrad ngom.

Isaiah 32:7

Ir be’ nib kireb mma rin’ e kireb; ma lifith l’ugun ni aram e be ngongliy e makath ni nge gafgownag e pi’in gafgow nge dabiyag ngorad mat’wunrad.

2 Kings 13:6

Machane ku dar paged fapi denen nike waliyrad Jeroboam ni Pilung nu Israel nga fithik’, ya ku ra pired ni aram ngongolrad’; ki par fare liyos ni ya’an Asherah u lan yu Samaria.

Eklesiastes 8:11

Mangfan ni girdi’ e kaygi par ni be ngongliy e kireb? Bochan e kireb e danir gechignag ni aram feni papay.

Isaiah 1:21

Fare binaw ni i par nib yul’yul’ e be ngongol e chiney ni bod be’ ni bpin nib gathar! Bay ba ngiyal’ ni girdi’ nib mat’aw e i par riy, machane chiney e kemus ni go’ pi’in tamathang pogofan e kar magechgad riy.