Isaiah 25:8 - Bible Ni Thothup

⁸ Ma SOMOL ni Th’abi Tolang e bayi kirebnag gelngin e yam’ ni manemus! Bayi faley e lu’ u owchen gubin e girdi’, me girdi’ rok ni yad ba yath u wan’ e fayleng ni ga’ngin ni ur gafgowgad riy e bayi museg. I SOMOL, e ir e be yog e pi thin ney.

Isaiah 25:8 Referans Kwoze

Revelation 21:4

Ma bayi n’ag urngin e lu’ u owcherad. Ma aram e dab ku unim’, ma dabki i kireban’uy, ma dab ku un yor, ma dab ku un amith. Ya tin kakrom ban’en e ke chuw.”

Revelation 7:17

ya fare Fak e Saf ni bay u lulukngun i tagil’ e ir e bay i gafaliyrad ni bod e en nma gafaliy e saf, me pow’iyrad ko fapi alublub ni bay e ran ko yafos riy; ma bay n’ag Got e lu’ u owcherad.”

1 Korinth 15:54

Ere nap’an ni yira yin’ e n’en ndab ki yim’ nga daken e n’en nra yim’ ni bod e munmad, ma aram e bay yib i m’ug nib riyul’ fare bugithin ni bay u lan e babyor nib thothup ni fa’an ke ga’ar: “Got e ke kirebnag gelngin e yam’; mi Got e ke gel!”

Hosea 13:14

Dab gu ayuweg e pi girdi’ ney u pa’ e fayleng ko yam’ ara gu lagrad u gelngin e yam’. Gur fayleng ko yam’ mfek e riya’ rom i yib! Dabki kireban’ug ko pi girdi’ ney.

1 Korinth 15:26

Ma bin th’abi tomur e to’ogor ni nge gel ngak e yam’.

Revelation 20:14

Mi nin’ e yam’ nge gin nma par e pi’in ni karm’ad riy ngalan fare lipath i nifiy. (Re lipath i nifiy nem e ireram fa bin l’agruw yay e yam’.)

Isaiah 35:10

Ma bay ra tawgad nga Jerusalem nike felan’rad, ni yad be tang ma yad be tolulnag e felfelan’. Ma bay ur pired ni yad be felfelan’ ndariy n’umngin nap’an, ndabki yib e kireban’ nge gafowan’ ngorad.

2 Timothy 1:10

ma chiney e kan dag kad guyed ni fan e ke yib i m’ug e en nma thapegdad ngak Got, ni aram Kristus Jesus. Ya Kristus e ke taleg gelngin e yam’, ma Thin Ni Bfel’ nike yib Kristus i weliy ngodad e ir e ke tamilang nagdad u murung’agen e yafos ndariy n’umngin nap’an.

Isaiah 30:26

Pul e ra ga’ ra’en nge bod e yal’, ma ra’en e yal’ e ra ga’ ni medlip yay nga ra’en ni immoy, ni bod ga’ngin e tamilang u medlip e rran ni kan puthuy nga ta’reb e rran. Ran’ey e ra yodroy ko ngiyal’ nra taflay nge golnag SOMOL e maad’ad ni tay ko girdi’ rok.

1 Peter 4:14

Mu felfelan’gad ni fa’anra nog e thin nib kireb ngomed ni fan e gimed girdi’en Kristus; ya ra errogon ma fare Kan nib sorok ni aram fare Kan Nthothup rok Got e ke yib nga dakenmed.

Isaiah 61:7

Tamra’ ni um ted nge moning ni un tay ngomed e bayi m’ay. Bay um pired ko nam romed, ma pi machaf romed e bayi mun daken; ma felfelan’ romed e bay i par ndariy n’umngin nap’an.

Isaiah 54:4

Dab mu rus, ya dab kun darifan nigem bayay; dab kun tamra’ nigem. Bay mu pag talin e yul’yul’ ni da um tay ngak e pumo’on rom ko ngiyal’ ni kagab rugod, ma ku er i tay e kireban’ rom nib gel ko ngiyal’ ni yim’ figirngim.

Isaiah 30:19

Gimed e girdi’ ni gimed ma par u Jerusalem e bay mu pired ndab kum yorgad. Ya SOMOL e rib wurngan’, nap’an ni gimed ra yornag e ayuw ngak, ma ra fulweg taban e meybil romed.

Psalms 69:9

Rogon feni pasigan’ug ni nggu tiyan’ug ko Tempel rom e be gak’ u lan ngorongoreg ni bod ba nifiy; thin ni kireb ni yibe yog ngom e be kun ngog.

Isaiah 65:19

Me gag e ri bay gu felfelan’ ni bochan yu Jerusalem nge girdi’ rok. Bayi par ndakuriy e meyor u rom, ma dab kun ning e ayuw.

Isaiah 60:15

“Ma gathi bay kum par ni kan n’agem ma yibe fanenikayem, Nib binaw ni kan n’ag ma dakuriy e girdi’ riy. Bay gu gagiyeg nigem nge gilbuguwam me fel’ ya’am, Nib binaw ni bay un felfelan’ riy ndariy n’umngin nap’an.

Isaiah 51:11

Pi’in mu lagrad ko gafgow e bay ra tawgad nga Jerusalem u fithik’ e felfelan’, yad be tang ma yad be garusnag e felfelan’. Bay ra pired ni yad ba felfelan’ ndariy n’umngin nap’an, ni ka ra pufgad ni urun ko kirban’ nge gafgowan’.

Isaiah 37:3

Irera’ e thin ni pi’ ngorad ni ngar weliyed ngak Isaiah: “Daba’ e rran ko gafgow; kan gechig nagdad ke m’ay fadad. Gadad bod be’ ni bpin nike taw nga nap’an ni nge gargel ma dabyag u gelngin.

Isaiah 66:5

Motoyil ko mang e be yog SOMOL, gimed e pi’in bay madgun romed ma gimed ma fol rok: “Bochan e gimed ba yul’yul’ ngog aramfan ni boch e girdi’ romed e ke dabuymed ni dakriy ban’en ni ba’adag romed. Yad be moning nagmed yad be ga’ar, ‘Mu paged SOMOL nge dag feni ga’ me aywegmed, ya ngug guyed ni kam felfelan’gad.’ Machane yad e bayi m’a’y farad!

Luke 1:25

Mi i yog ni be ga’ar, “Rib gol Somol ngog, ya tamra’ ni ug gafgow riy e ke chuweg!”

Isaiah 26:19

Girdi’ rodad ni karm’ad e yad ra fos bayay! Dowef rorad e ku ra sul e yafos ngay. Urngin e pi’in yad bmol u lan e low rorad e bay ra odgad miyad tangnag e felfelan’. Bod nma gal ra’en e wa’angchol ko garbeb nge kak’lingnag e fayleng, aram rogon SOMOL ni bayi faseg e pi’in karm’ad kakrom.

Isaiah 51:7

“Mmotoyil ngog, ni gur e en gamnang e n’en nib mat’aw, nike rich e machib rog nga fithik’ i lanin’um. Dab murus ko ngiyal’ ni be kak’aringem e girdi’ ma yad be yog e thin nib kireb ngom;

Jeremiah 31:16

Mu talgad ko meyor, ngam n’iged e lu’ u owchemed. Urngin e tin ka mu ngongliyed ni fan ngak pifakmed e dabiyag ni nge yan ndab ni fulweg labgen; bay ra sulod ngar chuwgad ko nam rok e pi to’ogor.

Psalms 116:8

I SOMOL e ke chuwegeg ko yam’; ke taleg lu’ag ke teg nde yag ni nga ni gel ngog.