Isaiah 25:12 - Bible Ni Thothup

¹² Bayi buthug e pi yoror rok yu Moab nga but’ nib gel ni fan ko mael nib mu’un e yungi rungrung riy ngay nib totolang nge aw nga but’ nga fithik’ e ab.

Isaiah 25:12 Referans Kwoze

Revelation 18:21

Ma aram me fek ba engel nib gel bmalang ni bod ga’ngin fare malang ni ba ga’ ni yima bilig e wheat ngay ngan ngongliy e flowa riy, me yin’ nga daken e day, ni be ga’ar, “Fare binaw nu Babylon nib gilbuguwan e bay ni pag nga but’ nib gel merin ni aray rogon, ma aram e dab ku ni guy bayay.

Isaiah 26:5

I sobut’nag e pi’in nib tolangan’; ke buthug fare binaw nib gel gelngin ni ur pired riy, ma ke tharbeg e pi rungrung riy ke aw nga fithik’ e ab.

Hebrews 11:30

Michan’ rok e girdi’ nu Israel ngak Got e muruwliy fare yoror nu Jeriko nge muchubu’ nga but’ u tomuren nike liyeg yu Israel ni nga medlip e rran.

Jeremiah 51:64

ma gog ni ngam ga’ar, ‘Irera’ e n’en ni bayi buch rok yu Babylon — bayi ligil ni dakriy e ngiyal’ nra for ngalang ni bochan fare riya’ ni nge pag SOMOL nga daken.’” Aray e gin ni mus e thin rok Jeremiah riy.

Jeremiah 51:58

Fapi yoror rok yu Babylon nib gel e bay ni buthug nga but’, nge pi garog riy ni totolang e ngan urfiy nga but’. Maruwel nma tay e pi nam e gubin ni dariy rogon; tin ur athamagiliyed e ke daramram. I Gag fare SOMOL ni Gubin ma Rayag Rok e kugog e pi thin ney.”

Isaiah 15:1

Irera’ e thin ni murung’agen yu Moab. Binaw nu Ar ngu Kir e nni gathay u lan ta’ab nep’, me aw e cho’ u lan fare binaw nu Moab.

Isaiah 14:23

Bay gu pilyeg yu Babylon nge bod lan ba mu’ut ni go’ ran, arche’ ni owl e bayi par u rom. Bay gu wolguy yu Babylon ko wolguw nge chuw gubin ban’en riy. I Gag, fare SOMOL ni Gubin ma Rayag Rok e gu be non.”

Isaiah 2:15

nge gubin e pi wulyang ni tafen e damit nib tolang, nge rungrung ko yungin kan yororiy ni fan ko mael.

Isaiah 25:2

Ka mu gathay fapi binaw ma ka mu buthug e pi yoror rorad nib gel ni fan ko mael. Fapi tafen e pilung ni toy e pi to’ogor romad e kan thirif u but.

Lamentations 2:2

I Somol e gathay gubin e yochi binaw u Judah ni de runguyrad Me buthug nga but’ e yungin kan yororiy nib gel ni fan ko mael u lan fare binaw. Me m’aynag fan nge thiyernag e binem e lung nge pi tagagiyeg riy.

Jeremiah 48:1

Irera’ e n’en ni yog SOMOL ni Gubin ma Rayag Rok u murung’agen yu Moab: “Nge kireban’uy ngak e girdi’ nu Nebo — ya yochi binaw rorad e ke mogothgoth! Yu Kiriathaim e kan kol, yoror riy nib gel ni fan ko mael e kan buthug nga but’, ma girdi’ riy e kan tamra’nag;

Ezekiel 28:17

U mu ufanthin nga fanam picho’ay, ma fenam gamog e gagiyeg nagem ngam ngongol i balyang. Ni arfan ngay ni kug tharbegem nga but’ kug pagem ni ngam mang ba magin ni nge ginaeng boch e pilung.