Isaiah 25:10 - Bible Ni Thothup

¹⁰ I SOMOL e bayi yororiy e Burey ni Zion, machane girdi’ nu Moab e bay notrad nga but’ ni bod rogon e pan ni kanot nga fithik’ i t’ay e gamanman.

Isaiah 25:10 Referans Kwoze

Zefaniah 2:9

Rogon ni gu be par ni Gag SOMOL ni gub fos ni Got rok yu Israel, e gu be micheg nu Moab ngu Ammon e ngan thirif u but’ ni bod yu Sodom ngu Gomorrah. Bayi par nike sug nag e low ni go’ sol ni dabki fel’ bi’id, nike polo’ i pan. Ma tin ni magay ko girdi’ rog e bay ra giliw nigedrad ngar feked e binaw u pa’rad.”

Jeremiah 48:2

dakriy felngin yu Moab. Ke kol e to’ogor yu Heshbon ma kar makath niged ni ngar gathayed fare nam nu Moab. Fare binaw nu Madmen e bay i math gulngan; me thelap e salthaw nga langgin ni togopluw.

Isaiah 25:6

U roy u daken e Burey ni Zion e bayi fel’eg SOMOL ni Gubin ma Rayag Rok ba mur ni fan ko gubin e nam u fayleng — ba mur ni ggan nge wayin th’abi fel’ e yira pi’ riy.

Mikah 4:13

Be ga’ar SOMOL, “Mmarod piyu Jerusalem, ngam gechig niged e pi to’ogor romed! Bay gu gel nagmed ni bod ba garbaw ni pumo’on ni bay e gagey rok ni wasey ma rifrif u ay e wasey ni bronze. Pire’ e nam ni bay mu bilged u but’, ma pi fel’ rogon rorad nra feked u fithik’ e yargal e bay mu pi’ed ngog, I Gag Somol ko fayleng ni polo’.”

Ezekiel 48:35

N’umngin fa aningeg raba’ i rungrung u gubin e 10,080 e yard. Fithingan fare binaw e chiney i yan ngaram e ba’aray “I SOMOL E Bay U Roy!”

Lamentations 1:15

“I Somol e ke minmin ko urngin e salthaw rog ni yad ba chacheag; Ma ke pi’ barba’ i salthaw ni ngar li’ed e pumo’on ni bfel’ yangren rog. Ke pirdi’iy e girdi’ rog ni bod e grape ni yima udiy ni ngan fek l’ogwen.

Isaiah 26:6

Pi’in ni u ni yot’rad nga but’ ko gafgow e yad be yan u daken e chiney, yad be yot nga but’ u tan rifrifen ayrad.

Isaiah 18:4

I SOMOL e ga’ar ngog, “Bay gu changar u tharmiy nga but’ ni bod feni mocho’ e garbeb nma sum nnep’ ko ngiyal’ nike el wom’ngin e woldug, bod feni mayluy ram’en e yal’ nimsiw’.

Isaiah 14:19

machane gur e dariy e malang rom, ldow rom e kanon’ nga wean ni nge meal. Nike uponguy e ldow ko pi salthaw nli’rad u tan e mael, kanin’med ngalan ba low ni go’ malang kan yotyotmed nga but’.

Isaiah 12:6

Urngin e girdi’ nma par u Zion e nge tolul ngalang me tang! Got nib thothup rok piyu Israel e ba sorok, mma par u fithik’ e girdi’ rok.”

Isaiah 11:14

Ma bay ra chagil gow ngar togopluwgow ngak yu Filistia ko ngal miyad fek u yargal e chugom ko girdi’ nma par ko ngek. Miyow gal ko girdi’ nu Edom ngu Moab, me par e girdi’ nu Ammon ni yad be fol rorow.

Isaiah 11:10

Ra taw nga reb e rran me yib be’ nib pilung ko ganong rok Davib nib be’ech ni nge mang pow ngak e pi nam. Yad ra mu’ulung ngalan fare binaw ni pilung ngar tedfan.

Isaiah 10:31

Girdi’ nu Madmenah nge yu Gebim e ra milgad ni ka ra feked e pogofan rorad nga pa’rad.

Isaiah 10:6

Gu l’oeg yu Assyria ni ngar maelgad ngak e nam ndarir liyorgad ngak Got, ni girdi’ ni yad ma k’aring e damumuw ngog. Gu l’oegrad ni ngar feked u yargel e chugom miyad mororo’ miyad yotyot e girdi’ nga but’ ni bod rogon e rungdu’ u lan e kanawo’.”

Isaiah 5:25

I SOMOL e ke damumuw ko girdi’ rok ma ke k’iyag pa’ ni nge gechig nagrad. Pi burey e bayi rur ma downgin e pi’in karm’ad e bay nn’ag ni bod e dow u lan e pi kanawo’. Yug aram rogon ma damumuw rok SOMOL e dawori mus, ya ka be par pa’ nib k’iy ni nge gechig.

Psalms 83:10

Gur e mu gel ngorad u Endor, ni mel e ldow rorad u daken e but’.

Numbers 24:17

Kug guy e tin bay nga m’on e rran, ma kug guy yu Israel. Ba’ ba pilung ni bod ba t’uf ni ba ga’ ram’en ni bayi sum rorad. Rogon ba t’uf ni ba ga’ ram’en e aram rogon ni bayi yib rok yu Israel. Bayi li’ e pi’in yad ma yog e thin rok yu Moab, me thirif u but’ urngin e pi’in yad ba uf ma yad ma togopluw.

Isaiah 16:14

Ma chiney e be ga’ar SOMOL, “Ri dalip e duw me chuw e fla’ab rok yu Moab, aram feni yo’or e girdi’ riy, machane kemus nri in i yad e ra fos, miyad par ni yad ba me’waer.”

Jeremiah 48:1

Irera’ e n’en ni yog SOMOL ni Gubin ma Rayag Rok u murung’agen yu Moab: “Nge kireban’uy ngak e girdi’ nu Nebo — ya yochi binaw rorad e ke mogothgoth! Yu Kiriathaim e kan kol, yoror riy nib gel ni fan ko mael e kan buthug nga but’, ma girdi’ riy e kan tamra’nag;

Ezekiel 25:8

I SOMOL ni Th’abi Tolang e ke ga’ar, “Bochan e keyog yu Moab ni yu Judah e ba ta’reb rogon ko gubin e pi nam,

Isaiah 16:6

Me ga’ar e girdi’ nu Judah, “Ku gu rung’aged rogon feni uf uf e girdi’ nu Moab. Gamad manang ni yad ba tolngan’ ma yad ba ufanthin machane dariy ban’en ni ngar ufgad ngay.”