Isaiah 24:8 - Bible Ni Thothup

⁸ ma musik rorad ni harp nge drum ni uf uf rorad e dakriy.

Isaiah 24:8 Referans Kwoze

Hosea 2:11

Urngin e pin’en ni be pi’ e felfelan’ ngak e bay gu taleg, ni aram e mur nma tay ko yu duw, nge rran nib thothup ko yu pul, nge madnom ko Sabbath ko yu wik — urngin e madnom nma tay.

Revelation 18:22

Musik rok girdi’en e harp nge pi girdi’en e musik, nge girdi’en e methow ngal nge rappa e gathi bay kun rung’ag rom bayay! Ma dakuriy be’ u yugu bmit e maruwel ni bay kun pir’eg rom bayay; ma lingan e malang ni be bilig e wheat ni yima ngongliy e flowa riy e gathi bay kun rung’ag lingan!

Ezekiel 26:13

Ma bay gu taleg e pi tang ni gimed ma yin’, mu gu m’aynag lingan e musik romed ni harp.

Jeremiah 7:34

Re gi but’ nem e bayi ngal’ ni bangi ted dar tugul ban’en riy, mu lan e pi binaw nu Judah ngu lan e yu pa’ i kanawo’ nu Jerusalem e bay gu gagiyegnag nge dabki yan laman e girdi’ riy ni yad be felfelan’, ma ku er i tay laman e ppin nge pumo’on ni kafni mabgol ni yibe madnomnag e mabgol rorad.

Jeremiah 25:10

Bay gu thang gulngan e uf uf nge felfelan’ nge lingan e garus ko madnom ko mabgol. Ma bayi m’ay e gapgep ko magal rorad, ma ku bay i m’ay e grain.

Jeremiah 16:9

Mmotoyil ko mang e nggu weliy, I Gag fare SOMOL ni Gubin ma Rayag Rok, ni fare Got nu Israel. Bay ggapaseg lungun e uf uf nge felfelan’ ko madnom ko mabgol. Girdi’ u roy e yad ra par ni yad bafos ngar guyed e ran’ey ni nge yodro’.

Isaiah 5:12

Pi mur ni gimed be tay e bay talin e musik riy ni harp nge tambourines nge ngal, nge wayin. Machane dar tamilangan’med ko mang e be rin’ SOMOL,

BABYOR NI JOB 30:31

Immoy bingyal’ ni ug rung’ag e musik nib felfelan’, ma chiney kemus ni lingan e kirban’ nge meyor e gu be rung’ag.

Psalms 137:2

Ma gamad the’ e pi tatelin e musik romad ni harp nga l’ugun yu ke gek’iy ni willow ni bay u to’obmad.

Isaiah 5:14

Fayleng ko yam’ e ke par ni be son nagrad, kefal langan nib ga’. Ni be ful’ e pi tayugang’ nu Jerusalem nib mu’un e yug girdi’ ngay ni yad be mayngar.

Isaiah 16:10

Chiney e dakriy be’ ni be felfelan’ u lan fa yungi flang nib yung’ol. Dakriy be’ ni be tolul ara be tang u lan fapi milay’. Dariy be’ ni be pirdi’iy e grape ni nge ngongliy e wayin riy; laman e felfelan’ e dakriy.

Lamentations 5:14

Pi’in ke pumo’on e dakriy e ngiyal ni yad ma par nga but’ u langan e garog ko binaw, ma pagel ni felyangren e dakiryag e musik rorad.

Ezekiel 28:13

Ku’um par u Eden, ni fare gi milay’ rok Got, ni um nunuw ko urngin mit e churwa’ nib totolang puluwon: Rubies nge diamonds; topaz, beryl, carnelian, nge jasper; sapphires, emeralds, nge garnets. Immoy e nunuw rom ni go’ gol. Nni ngongliy ni fanam fa rofen nni sunmiyem.

BABYOR NI JOB 3:7

mu tay nreb e nep’ ni dariy ban’en riy ni felan’uy ngay.

Amos 6:7

Ere gimed e som’on ni bay ni fekmed nga reb e nam ngam kalbus gad. Pi madnom nge pi mur ni gimed be tay e bayi m’ay.