Isaiah 24:5 - Bible Ni Thothup

⁵ Girdi’ e ka ra alit niged e fayleng ni bochan e yad be th’ab e motochiyel rok Got miyad be kirebnag fare m’ag ni ngongliy ni nge par ni manemus.

Isaiah 24:5 Referans Kwoze

Hebrews 13:20

I Got e ke faseg e Somol rodad i Jesus ko yam’, ni ir e en Ga’ ni Tagafiy e Saf ni bochan racha’en, ni ir fare m’ag ni bayi par ndariy n’umngin nap’an.

Hebrews 9:1

Bin som’on e m’ag e immoy e motochiyel riy ni fan ko liyor nge bangi ban’en ni kan ngongliy ni tagil’ e liyor.

Daniel 7:25

Bayi welthin nib togopluw ku Got ni Ir e Th’abi Tolang me gafgownag e girdi’ rok Got. Ya bayi guy rogon ni nge thiliyeg e pi motochiyel rorad nge pi madnom ni yad ma madnomnag, ma bayi par e girdi’ rok Got u tan gelngin ni dalip nge baley e duw.

Luke 1:6

Ni yow l’agruw ma ur pirew ni bfel’ e ngongol rorow u p’eowchen Got, ma yow be fol ko tin keyog Somol nge pi motochiyel.

Mikah 2:10

Mu sak’iy gad ngam chuwgad; ya gathi irera’ tagil’ e toffan romed. Bochan e denen ni gimed be ngongliy ma aram e bay yib e riya’ ngaray nrib gel e gafgow riy.

Daniel 9:10

SOMOL ni Got romad, da ug rung’aged e thin rom ko fa ngiyal’nem ni mog ngomad ni ngu’ug ngongol gad nrogon fapi motochiyel ni gur e mpi’ ngomad u pa’ fapi profet ni tapigpig rom.

Ezekiel 20:24

Gu rin’ e biney ni bochan e kar pi’ed keru’rad ko thin rog, ma kar th’abed e motochiyel rog, ma kar dariyfan naged e Sabbath, ma yad be tayfan fapi liyos ni i pigpig e pi chitamangirad ngay.

Ezekiel 20:13

Machane mus u rom u daken e ted ma kuyad be togopluw ngog riy. Rth’abed e motochiyel rog miyad pi’ keru’rad ko tin gog ni ngan rin’ nra fek e yafos i yib ko en nra fol riy. Kar dariyfan niged e Sabbath. Ere kug fal’eg rogog ni nggu gechig nagrad ngar thamiyed ga’ngin gelngin e damumuw rog ni nggu thang owcherad u rom u daken e ted ni desert.

Jeremiah 50:5

Bay rabad ra fithed e wo’ nga Zion mranod ko re wo’ nem. Miyad ngogliy ba m’ag u thilmad ni manemus ni dariy bi’id ni yad ra th’ab.

Isaiah 50:1

Be ga’ar SOMOL, “Mogned, gimed be finey ma gu n’agmed e girdi’ rog ni bod be’ ni n’ag le’engin? Ere bu uw babyoren e machuw? Gimed be finey ma gu pi’med nchuway’ ngam kalbusgad ni bod be’ nib mo’on ni pi’ pifak nchuway’ ngar manged sib? Danga’, ni fekmed nga reb e nam ngan kalbus nagmed ni bochan e denen romed; ni fekmed ngam marod ni bochan e kireb romed.

Isaiah 10:6

Gu l’oeg yu Assyria ni ngar maelgad ngak e nam ndarir liyorgad ngak Got, ni girdi’ ni yad ma k’aring e damumuw ngog. Gu l’oegrad ni ngar feked u yargel e chugom miyad mororo’ miyad yotyot e girdi’ nga but’ ni bod rogon e rungdu’ u lan e kanawo’.”

Psalms 105:10

I SOMOL e ngongliy ba m’ag u thilrow Jakob, nra par ni dariy n’umngin nap’an.

Psalms 55:5

Ke koleg e dugow gu be da’da’; ku gum’ ko morus.

2 Kronicles 33:9

Manasseh e waliy e girdi’ nu Judah ngar rin’ed e denen nib gel e kireb riy ko tin i rin’ girdi’en e pi nam ni tulufrad SOMOL nga wuru’ fare nam nnap’an ni be yib e tirok e girdi’ i yib.

2 Samuel 23:5

Irera’ rogon ni bay i ayuweg Got e pi’in owcheg, ya ke ngongliy ba m’ag u thilmow ndabi m’ay, ni urngin riy e be par ni ba yaram ma mmudugil. Kemus e n’en ni gu ba’adag; ni ir e bayi gel nigeg, ya Got e rib mudugil ni bayi gagiyegnag nge yib i m’ug ni aray rogon.

Joshua 24:25

Me ngongliy Joshua reb e m’ag ni fan ngak e girdi’ nu Israel e rofen nem, me yog ngorad u rom u Shekem e tin yad ra rin’ nge tin ndab rrin’ed.

Deuteronomy 32:20

Me ga’ar, ‘Ri dab kug ayuwegrad, nga ayug guy e n’en ni bayi buch rok e pi girdi’ ney ni gel laniyan’, ma darir yul’yul’gad.

Deuteronomy 32:15

“Girdi’ rok SOMOL e i pire’ ban’en rorad, machane ba gel e togopluw ni ur ted; ra sugsuggad ya pire’ e ggan ni yad be kay. Miyad pi’ keru’rad ngak Got ni ir e sunumiyrad, ma en ni ta’ayuw rorad nib gel gelngin e ra pi’ed keru’rad ngak.

Levitikus 20:22

Ke ga’ar SOMOL, “Mu folgad ko urngin e pi motochiyel rog nge tin kugog ni ngam rin’ed, ya nge dab i sul’ugun nagmed fare nam ni ku gu fekmed ngay.

Daniel 9:5

“Kug denen gad kug ngongliyed e kireb, ma kug ngongliyed e tin nde mat’aw. Kug paged e tin mog ngomad ni nggu rin’ed ma kug pi’ed keru’mad ko tin kam dag ngomad ni ir e bmat’aw.

Ezekiel 37:26

Bay gu ngongliy ba m’ag u thilmad nra micheg ni dabki buch ban’en rorad bingyal’. Bay gu tayrad ni yad bmuduwgil mu gu yo’or nagrad, ma bay gu duwgiliy ni Tempel rog e nge par u lan taferad ndariy n’umngin nap’an.

Isaiah 9:17

Ere Somol e dabi digey reb e pagel nge thay nge mil ko gechig, ma dabi runguy e pi’in keyim’ figirngirad nge pi’in kanim’ rorad, ni bochan e ke gubin e girdi’ mada kurir liyorgad ngak Got ma ba kireb ngongolrad, ma urngin e pin’en yad be yog e thin ko balyang. Damumuw rok SOMOL e dawrimus, ni ka be par pa’ nib k’iy ni nge gechig.

Isaiah 30:9

Gubin ngiyal’ ni yad be togopluw ngak Got, gubin ngiyal’ ni yad be lifith l’ugunrad, ma gubin ngiyal’ ndaburad ni ngar motoyilgad ko fonow rok Got ngorad.

Isaiah 33:8

Kanawo’en e yo’or e dabkiyag e yan riy ko wodmang nge riya’. Pi m’ag e yibe th’ab, ma pin’en nike ta’reban’uy ngay ni ngan rin’ e danir tay nga tagil’. Dariy be’ ni ku yibe tay fan.

Ezekiel 16:59

I SOMOL ni Th’abi Tolang e be ga’ar, “Rogon e n’en ni bay gu rin’ ngom e ba m’ag nga rogon ni nge aw ngom, ni bochan e mu furuy e tin gu michmicheg mag th’ab fare m’ag.

Joshua 23:16

Fa’anra dab mu ayuweged fare m’ag nike yog SOMOL ni Got romed ni ngam ayuweged, ma gimed be pigpig ma gimed be tayfan yug boch e got, ma aram e ra gechig nagmed u fithik’ e damumuw rok, ma dabi n’uw nap’an ma dakuriy ta’ab gimed ni kura magey u lan e re nam ney nib manigil nike pi’ ngomed.”

2 Kings 21:12

Ere Gag SOMOL ni Got rok yu Israel, e bay gu fek e riya’ nga daken yu Jerusalem ngu Judah ni gubin e pi’in yad ra rung’ag murung’agen e ra balyangan’rad ngay.

2 Kings 21:15

Gu ra rin’ e pin’ey ngak e tirog e girdi’ ni bochan e kar denengad nib togopluw ngog kar puged e damumuw rog ni ka nap’an fa ngiyal’ ni chuw e pi chitamangirad u Egypt ke mada ko bin daba’ e rran.”

Jeremiah 11:10

Ka ra sulod ko fapi denen ni i rin’ e pi chitamangirad, ni fa’anra siyeged ni ngar rin’ed e n’en ni gog; ngu’ur ted fan yug boch e got. Judah nge yu Israel e yow lag’ruw ni ka ra th’abew fare m’ag ni gu ngongliy u thilmad e pi chitamangirad.

Hosea 6:7

“Machane bod Adam yug nap’an e rabad ngalan fare nam, miyad th’ab fare m’ag u thilmad.