Isaiah 24:18 - Bible Ni Thothup

¹⁸ En nra guy rogon ni nge mil ko marus e ra mul nga low, ma en nra thay u low e yira kol ko wup. N’uw nib gal e ra po’ u lanelang, ma pi defngin e fayleng e ra rur.

Isaiah 24:18 Referans Kwoze

Psalms 18:7

Ma aram me yib e durru’ nge rur e fayleng; ma enggin e pi burey e rur ma be dada’, ni bochan e ke damumuw Got.

Genesis 7:11

Nap’an ni gaman 600 e duw yangren Noah, ko chirofen ni ragag nge medlip fen e pul ko bin l’agruw e pul, ma urngin e alublub ni yib ko ran nu tanebut’ u fithik’ e fayleng e mab nib tomgin, me aw e n’uw ni ba ga’,

Amos 5:19

Ra yan i par ni bod be’ ni mil rok ba layon me mada’ nag ba bear! Ara bod be’ ni yib nga tabinaw rok me gif nga pa’ nga downgin e rungrung me k’ad ba porchoyog pa’!

Psalms 18:15

T’ay e regur e ke m’ug, ma pi enggin e fayleng e ke chuw e upong u daken, u nap’an e mu puwan’ ko pi to’ogor rom, SOMOL, ma ga tolul ngorad u fithik’ e damumuw.

BABYOR NI JOB 20:24

Nap’an nra guy rogon ni nge mil u bangi saydon ni wasey, ma ba nguwalen e gat’ing ni bronze e ra aw ngak nge thig nga but’.

2 Kings 7:2

Ma fare salthaw nib tolang ni un ngak fare pilung e ga’ar ngak Elisa, “Ri dabiyag ni nge ydor, mus ni nge pi’ SOMOL e n’uw e chiney ma dabiyag!” Me ga’ar Elisa, “Bay mu guy ni bod ni kugog, machane dab mu koy boch e pi ggan nem.”

Genesis 19:24

me pag SOMOL e sulfur ni be yik’ nge mul u lanelang nga daken yu Sodom nge yu Gomorrah.

Eklesiastes 9:12

Dariy be’ nra nang e ngiyal’ nike taw nga tol’. Ni bod e arche’ nra gin ma ke aw ko wup, bod e nig nma aw ko nug, e re gadad nra ngalol e riya’ ni yug gadad ra dada’ ma kad awgad nga tafich.

Isaiah 2:19

Girdi’ e bay ra mithgad ngalan e yiy ko yochi burey ni go’ war fa ra kired e low nga fithik’ e but’ ni yad be guy rogon ni ngar milgad ko damumuw rok SOMOL, miyad mith u gelngin nge feni maluplup’, ko ngiyal’ ni bay yib ni nge rurug e fayleng.

Isaiah 2:21

Ngiyal’ nra yib SOMOL ni nge rurug e fayleng, ma girdi’ e bay ra mithgad ngalan e pi yiy ko yochi burey ni go’ war ni yad be guy rogon ni ngar milgad ko damumuw rok miyad mith u gelngin nge feni maluplup’.

Isaiah 8:14

Bochan e ri gu ba thothup ma aram fan ni gu bod ba malang ni nge tun ay e girdi’ ngay; gu bod ba wup ni bayi aw e girdi’ nu Judah ngu Israel ngay nge girdi’ nu Jerusalem.

Isaiah 13:13

Bay gu rurug e pi tharmiy, me durru’ e fayleng nge chuw u tagil’ ko rofen ni ba’aram ni gu ra dag e damumuw rog, I Gag SOMOL ni Gubin ma Rayag Rok.

Isaiah 42:22

Machane chiney e ka ni fek e chugum ko girdi’ rok u fithik’ e yargel; kan lok nagrad u lan e kalbus ni bay u tan e but’ ma kan mithagrad nga kalbus. Ka ni fek e chugum rorad u fithik’ e yargel, ma dariy be’ ni nge yib i ayuwegrad.

Jeremiah 48:43

Marus nge low nge wup e be sonnag e girdi’ nu Moab. I SOMOL e keyog e pi thin ney.

Jeremiah 48:44

En nra guy rogon ni nge mil ko marus e ra mul ngalan e low, ma en nra gararaw ngalang ko fare low e bayi aw ko wup, ni bochan e ke duwgiliy SOMOL e ngiyal’ ni nge aw e riya’ nga Moab.

Lamentations 3:47

Kug warod u fithik’ e riya’ nge bilig tay e gafgow; ma gamad be par u thatharan e riya’ nge marus.

Ezekiel 11:8

Gimed ma rus ko saydon? Bay gu fek boch e pumo’on ni bay e saydon rorad ngar cham gad ngomed.

Ezekiel 12:13

Machane bay gu pithig radan e nug rog nge aw ngay. Ma aram e bay gu fek ko fare binaw nu Babylon, ko gin bayi yim’ riy ni dabi guy e re binaw nem nga owchen.

Ezekiel 15:7

nggu gechig nagrad. Kar thaygad u reb e nifiy, machane chiney e ku nifiy e bay ra yikgad ngay. Ma ngiyal’ ni gu ra gechig nagrad, ma ga ra nang ni Gag fare SOMOL.

Psalms 18:8

Yib e ath u lan p’ethngun nga but’, ma nifiy ni be daramram nge coal ni be yik e yib u l’ugun nga but’.

Amos 5:18

Kar mu gafgow gad e pi’in gimed ba’adag ni nge taw fare rran rok SOMOL! Mang e bfel’ ko re rran nem ngomed? Ya reb e rran nib rumug u pulwonmed, ma gathi tamilang.