Isaiah 24:10 - Bible Ni Thothup

¹⁰ Lan fare binaw e dakuriy yaramen gubin ban’en riy, ma girdi’ riy e ka ra man’ niged e mab ngorad u naun ni fan e nge dabki buch ban’en rorad.

Isaiah 24:10 Referans Kwoze

Revelation 18:2

Me non ni ba ga’ laman ni ga’ar, “Ke waer! Fare Babylon nib gilbuguwan e ke waer! Chiney e kemang tafen e mo’onyan’ nge pi kan nib tagan; urngin mit e arche’ nib golong nge pi arche’ ni fanenikay ni be par u lan yu Babylon.

Luke 21:24

Ma bay nthang e fan rorad ko saydon, min fekrad ni kalbus nga urngin e nam, ma pi’in gathi yad piyu Israel e bay ur yot’ed daken yu Jerusalem nge mada’ ko ngiyal’ ni ngar musgad riy.”

Luke 19:43

Ya bayi taw nga boch e rran me yib e to’ogor rom ngar cholngobiyed gur ko yoror ni but’ nge malang, mu ur bad i yib ngom u gubin yang.

Mikah 3:12

Ere yu Zion e bay ni gi’ e but’ riy ni bod bangi ted ni yibe gi’ ni nga ni yung e woldug ngay ni bochan e kireb romed, ma yu Jerusalem e bayi par ni go’ ke puth e naun riy, ma gin nib tolang ni bay e Tempel riy e bayi par ni ba chuwo’ i gargaer.

Mikah 2:13

I Got e bayi bing e kanawo’ ngorad me fekrad nga wuru’ e re nam ni yad bay riy ni kar kalbus gad. Bay ranod nga wuru’ e garog ko fare binaw nike puf mat’wonrad. Pilung rorad ni aram SOMOL e bayi pow’iyrad nga wuru’ e pi binaw nem.

Jeremiah 52:7

mi ni kuruf bang ko rungrung ko re binaw nem. Yug aram rogon nike yin’ yu Babylon fare binaw nga longob, me mil oren fapi salthaw nnep’. Ra milgad u bang ni ba chugur ko kanawo’ ni yan ko milay’ rok e en pilung, ngranod riy nga barba’ fare garog ni bay u thilin fa gal rungrung, miyad mil i yan ko loway nu Jordan.

Jeremiah 39:8

Ngiyal’ i nem, ma ke urfiy piyu Babylon tafen e pilung nge naun ko girdi’ ma kar buthged nga but’ e pi yoror nu Jerusalem.

Jeremiah 39:4

Ma nap’an ni guy pilung Zedekiah nge gubin e salthaw rok e n’en ni yad be rin’, miyad guy rogon ni ngar milgad ngar chuwgad ko fare binaw nnep’. Ranod u kanawo’ ko milay’ rok e pilung ngar thumurgad u langan e fare garog u thilin fagal yoror, ni yad be sor i yan ko loway u Jordan.

Isaiah 34:11

Ma arche’ ni owl nge gapluw e bay ra tafned fare binaw. I SOMOL e bayi gagyeynag bayay nge par ndariy ban’en ni bfel’ riy, ni bod rogon ko som’on ni sunmiy urngin ban’en.

Isaiah 32:14

Mus nga tafen e pilung ni bay nn’ag, ma fare binaw ni tochuch ko nam e bay nn’ag. Pi tafen e girdi’ nge pi naun ni kan yororiy ni fan ko mael ma matanagen e binaw e bayi par nib puth ndariy n’umngin nap’an. Pi gamanman ni dongki ni malboch e bay ur gorbalgad riy, ma saf e bay ur pir’eged e pan riy ni ngar ked.

Isaiah 27:10

Fare binaw ni kan yororiy ni fan ko mael e ke magoth ke par ni go bang i ted ni dakriy ban’en riy. Bayi par ni bang i tagil’ e garbaw nrayag ni ngu’ur toffangad riy miyad be kay e pan.

Isaiah 25:2

Ka mu gathay fapi binaw ma ka mu buthug e pi yoror rorad nib gel ni fan ko mael. Fapi tafen e pilung ni toy e pi to’ogor romad e kan thirif u but.

Isaiah 24:12

Fare binaw e ke mogothgoth, ma pi garog riy e kan t’ar nga but’.

Isaiah 23:1

Irera’ e thin ni murung’agen yu Tyre. Mu gogo’gad ko gafgowan’ gimed e sala u maday! Gin ma yan i gif e barkow romed ngay e ka ni gathay; naun riy nge gin yima yuluy e barkow riy e ke mogoth. Ra sul e barkow romed u Cyprus, mi gimed nang salpen.

2 Kings 25:4

min kirebnag bang ko yoror ko binaw nni ubung ko malang. Yugu aram rogon nike yin’ e salthaw nu Babylonia yu Jerusalem nga longob, machane me mil urngin e salthaw nu Jerusalem nnep’, nranod ko gin ni bay e milay’ ko en ni pilung riy miyad yan u langan fare garog nike puthuy fa gali yoror ko binaw, miyad mil ngar sorgad ngalan e loway ko lul’ ni Jordan.

Genesis 11:9

Fithingan e re binaw nem nra toyed e naun ngay ni pire’ e yu Babylon, fithingan, ni fan e u rom e athkuy SOMOL e thin rok urngin e girdi’ riy, mu rom e weregrad riy nga gubin yang u fayleng.

Isaiah 32:19

(Ma sigre’en e burey nike tugul e gek’iy riy e bay i par ni bfel’ gelngin e garbeb riy, ma pi binaw e bay i par u fithik’ e gapas ko yungi n’en ni ba ga’ e rad riy.)

Isaiah 26:5

I sobut’nag e pi’in nib tolangan’; ke buthug fare binaw nib gel gelngin ni ur pired riy, ma ke tharbeg e pi rungrung riy ke aw nga fithik’ e ab.