Isaiah 23:6 - Bible Ni Thothup

⁶ Mu gogo’gad ko gafowan’, gimed e girdi’ nu Foenicia! Mu guyed rogon e mil nga Spain!

Isaiah 23:6 Referans Kwoze

Isaiah 23:12

Binaw nu Sidon, felfelan’ romed e kemus, ma girdi’ romed e nge gafgow. Ni dariy fan ni yad ra mil nga Cyprus, ya ku dariy ba ayuw nra yib ngorad.

Isaiah 23:10

Marod ngam woldug niged fare nam, gimed e girdi’ ni gimed be par u Spain! Dakriy be’ nra yoror romed bingyal’.

Isaiah 21:15

Be mil e girdi’ ni ngar thaygad ko saydon ni ka ni fel’eg rogon ni ngan li’rad ngay, nge gat’ing ni ka ni fel’eg rogon ni ngan pag ngorad nge gubin tin yima riya’ riy ko mael.

Isaiah 16:7

Girdi’ nu Moab e bay ur yorgad ni bochan e pi oloboch ni bay ur gafgowgad riy. Yad gubin ni bay ur yorgad u nap’an nra yib wuran ngan’rad e ggan ni falel’ ni ur ked u lan fare binaw nu Kir Heres. Bay ra pired nike math e liyab rorad.

Jeremiah 10:9

Liyos rorad e kan ing ko silber nu Spain nge gol nu Ufaz, nni ngongliy u gubin e salap rok e pi’in ni bfel’ salpen i ngongliy ban’en; ma kanon’ e mad nga daken e pi liyos nem nib violet nge purple ra’en ni lifith e pi’in tha’bi salap i lifith e mad.

Ezekiel 27:35

“Urngin e pi’in yad ma par u dep’eday e ra gin gad ko tin ke buch rom. Mus ko pilung rorad ma ke digow, nike gagyel e marus u owcharad.

Jonah 1:3

Machane me mil Jonah rok SOMOL nge yan nga Tarshish. I yan nga Joppa, me pir’eg ba barkow u rom ni be n’en ni nge yan nga Tarshish; me pi’ puluwon nge un nga daken me cheag ngak e sala ko re barkow nem ngranod nga Tarshish, nike mal’af rok SOMOL.