Isaiah 23:4 - Bible Ni Thothup

⁴ Binaw nu Sidon, mu tamra’gad, kem’ay famed! Day nge nge t’ay e regur e ke n’agmed ma be ga’ar, “Dariy e bbitir ni fakag. Ma dariy e ngiyal’ ni gu chugol pagel ara ppin.”

Isaiah 23:4 Referans Kwoze

Revelation 18:23

Ma gathi bay ku ni guy bayay ram’en e magal rom; ma gathi bay kun rung’ag laman e ppin nge pumo’on ni ngan m’ag e mabgol rorad. Ya girdi’ nma folchuway’ rom e ba ga’ buguwrad u fayleng ni polo’, ma kam bannag e girdi’ ko pi nam u fayleng ko pig rom ni yigo’o bogi ban’en!”

Genesis 10:19

ngranod ra tawgad ko yimuch u Sidon i yan nga Gerar nge mada’ nga Gaza, ma ku’ur garergad i yan ngalan e ngek nga Sodom ngu Gomorrah ngu Admah ngu Zeboiim nge mada’ nga Lasha.

Genesis 10:15

I Kanaan e chitamngin Sidon ni ir e bin nganni’ i fak, nge Heth,

Joshua 11:8

Me gelnag SOMOL piyu Israel ngak e pi to’ogor rorad ko mael. Cham yu Israel ngorad ngar tulufedyad i yan ngalan e lel’och ngar mada’gad nga Misrefoth Maim ngu Sidon, mu kuyad tulufrad ngalan e ngek ngar mada’gad ko loway nu Mizpah. Min cham nge mada’ ko ngiyal nri dakuriy ta’reb fapi to’ogor rorad ni kabfos.

Judges 10:6

Miki denen piyu Israel bayay nib togopluw ngak SOMOL ngu’ur ted fan fapi kan ni Baal nge pi ya’an Astartes, nge pi got rok yu Syria, Sidon, Moab, Ammon, nge Filistia. Ra n’aged SOMOL miyad pag ni da kur liyorgad ngak.

Jeremiah 27:3

Ma aram me yog SOMOL ngog ni nggu pi’ e thin nge yan ko pilung nu Edom, Moab, Ammon, Tyre, ngu Sidon, ni nggog ko pi’in ni mayan ni owchen reb e nam nga reb ni karbad nga Jerusalem ni ngar guyed Zedekiah ni Pilung.

Ezekiel 28:21

“Fak e girdi’, mup nga owchen e binaw nu Sidon e kireb rok.

Ezekiel 28:22

Mog ko girdi’ u rom ko mang e gu be yog I Gag SOMOL ni Th’abi Tolang u murung’agrad: Sidon, I gag e to’ogor rom; girdi’ e bay roged e sorok ngog ni bochan e tin kug rin’ ngom. Bay ra nanged ni Gag SOMOL, u nap’an ni gu ra dag fanag thothup ko gechig ni gu ra tay ngak e pi’in yad ma par rom.