Isaiah 23:18 - Bible Ni Thothup

¹⁸ Salpiy ni nge yag ngak ko siyobay e bay ni pi’ ngak SOMOL. Dabi cha’riy ngabang, machane pi’in yad ma liyor ngak SOMOL e bay ra faned fare salpiy rok ni ngar chuw’iyed e ggan nge mad nib t’uf rorad ngay.

Isaiah 23:18 Referans Kwoze

Psalms 72:10

Pi pilung nu Spain nge pi donguch e bay ur pi’ed e tow’ath ngak; gal pilung nu Sheba ngu Seba e bay ur pi’ew e maligach ngak.

Galatia 6:6

Cha’ ni kan fil murung’agen Kristus ngak e susun e nge pi’ boch urngin e tin ni bfel’ ni bay rok ngak e cha’ ni ir e machibnag e re thin nem ngak.

Exodus 28:36

“Mu ngongliy bochi madeliya ko gol ni go’ gol min ker e yu bug i thin ni ba’aray nga daken, ‘Kan ognag ngak SOMOL.’

Acts 9:39

Ma aram me yib i fal’eg Peter rogon nge mu’ me un ngorow ngranod. Ma fa’ani taw mi ni fek i yan ko fare senggil ni bay ko thal ni lang fare naun. Ma urngin fapi ppin nike yim’ figirngirad nra mu’ulunggad ngak ni kar cholngobiyed, ni yad be yor ma yad be dag ngak yu wu i kenggin e mad nge yu wu i wuru’ e mad ni ngongliy Dorkas ko ngiyal’ ni ba’aram ni kabfos.

Luke 12:33

Ere mpi’ed ni chuway’ urngin e tin ni bay ban’en romed mi gimed pi’ e salpiy riy ngak e pi’in gafgow. Mu yagniged ngomed tafen e salpiy ndar ma kireb, mi gimed ayuweg e fla’ab romed nga tharmiy, ko gin ni dabi lich riy, ma dariy ba moro’ro’ nrayag ni nge ded pa’ ngay, ma dabi kirebnag e ngal.

Luke 8:3

nge Joanna, ni ppin rok Kuza ni ir reb e salthaw nib tolang u tafen Herod; nge Susanna, nge ku boch e ppin ni ur ayuweged Jesus nge pi gachalpen ko tin ni nge yag ngorad.

Mark 3:8

ngu Jerusalem, ngu lan e nug nu Idumea, ngu lan e nug u ba’nem e lul’ ni Jordan, ngu to’oben e pi binaw nu Tyre ngu Sidon. Pi girdi’ nem ni aram urngin e rabad ngak Jesus, ya kar rung’aged e pin’en ni be rin’.

Malaki 3:10

Mu feked i yib nga Tempel, ni urngin u gubin, ragag e pasent ko tin ba’ romed, ya nge yib e ggan nga naun rog. Mu sikeng niged gag, mi gimed guy ni bay gu bing mban e tharmiy mu gu pu’og nga dakenmed e pin’en ni bfel’ nge pag e fol riy.

Mikah 4:13

Be ga’ar SOMOL, “Mmarod piyu Jerusalem, ngam gechig niged e pi to’ogor romed! Bay gu gel nagmed ni bod ba garbaw ni pumo’on ni bay e gagey rok ni wasey ma rifrif u ay e wasey ni bronze. Pire’ e nam ni bay mu bilged u but’, ma pi fel’ rogon rorad nra feked u fithik’ e yargal e bay mu pi’ed ngog, I Gag Somol ko fayleng ni polo’.”

Eklesiastes 2:26

Got e pi’ e gonop, nge llowan’ nge felfelan’ ngak e pi’in yad ma rin’ e tin nib magan’ ngay, machane ma tay e pi tadenen ni ngar marwelgad, ngar thog naged ban’en miyad cha’riy, ma aram e n’en keyag ngorad e bay ni pi’ ko pi’in yad bfel’ u wan’ Got. Gubin nib m’ayfan. Bod ni yibe lol’oeg e nifeng.

Proverbs 28:8

Fa’anra fel’ rogom ko ris ni ga be yin’ ko salpiy rom ma kemang i tay ngom ni ga be gafgownag e girdi’, ma fla’ab rom e bayi fanay be’ nib gol ngak e pi’in gafgow.

Proverbs 13:22

Girdi’ nib manigil e ra pi’ e gayog rok nga pa’ pifak e pi’in pifak, machane gayog rok e pi tadenen e ra yan ngak e pi’in nib mat’aw.

Psalms 45:12

Girdi’ nu Tyre e bay ra feked e tow’ath rom i yib; girdi’ ni yo’or ban’en rorad e bay ra guyed rogon ni ngam adag dakenrad.

Psalms 72:11

Urngin e pilung e bay ur siro’gad ngak; urngin e pi nam ni bay ur pigpiggad ngak!

Ezekiel 26:12

Pi to’ogor romed e bay ra feked gubin e machaf romed nge pin’en ni gimed ma pi’ ni chuway’. Bay ra buthuged nga but’ e pi rungrung romed miyad bilig e pi naun romed ni fafelel’. Bay ra feked e malang nge ren nge gubin chabungen nga non’ nga maday.

Zekariah 14:14

Pumo’on nu Judah e bay rcham gad ni ngar yoror gad rok yu Jerusalem. Bay rfeked u fithik’ e yargal gubin e falel’ rok e pi nam ni gol, silber, nge mad ni yo’or.

Matthew 25:16

Ma fare tapigpig ni kan pi’ lal biyu’ e salpiy ni wasey nib gol ngak e yan ni kachingiyal’ nem nge maruwel ko fare salpiy ni kan pi’ ngak ngki yagnag reb e lal i biyu’ riy.