Isaiah 22:21 - Bible Ni Thothup

²¹ Bay gu chuweg nga madam mu gu m’ag e leed rom nga lukngun, ma bay gu pi’ urngin e lung ni i moy rom ngak. Ma bayi par nike bod ba matam ngak e girdi’ nu Jerusalem ngu Judah.

Isaiah 22:21 Referans Kwoze

Genesis 45:8

Ere gathi gimed e mpi’ed gag nggub ngaray, ya Got. Ke teg ni gu bod be’ ni chitamngin Farao; i gag e ke mil fan e nam rok ngog ni ga’ngin, mi gag e gu be gagiyegnag yu Egypt ni ga’ngin.

Ester 8:15

Me chuw Mordekai u tafen fare pilung nike yin’ madan e pilung nib ra’en mak’ef nge wech, nge ba wuru’ e mad nni ngongliy ko mad nrib fel’ nib purple, nge ba te’elyaw ko pilung nib gol ni rib fel’ ya’an. Min tolul mi ni garusnag e felfelan’ u lan e yu pa’ i kanawo’ u Susa.

Ester 8:2

Me luf fare pilung e luwaw rok ni bay e hang riy (nike fulweg rok Haman) nge pi’ ngak Mordekai. Me tay Ester Mordekai nge milfan tafen Haman ngak.

1 Samuel 18:4

I luf wuru’ e mad rok nge pi’ ngak David, nike chagiy ngay madan e mael rok, nge saydon rok, nge gat’ing rok, nge le’ed rok.

BABYOR NI JOB 29:16

Gu bod rogon ba matam ngak e pi’in gafgow ma gu ma pi’ e ayuw ngak e pi milekag nike l’ag e oloboch ngorad.

Ezekiel 23:15

Ni bay e leed u lukngurad nge yung i mad ni kan bachiy u daken lolugenrad, me yib wuran ngan’ fa picha’ nu Babylon ni pi’in tolang ko girdi’en e yan u os.