Isaiah 22:13 - Bible Ni Thothup

¹³ Machane mu rin’ed nib thil, ya um garusgad ma gimed be madnom. Ma gimed be li’e saf nge garbaw ni ngan languy, ma yibe unum e wayin. Me lungmed, ‘Kabfel’ ni ngu’ud abichgad ma gadad be garbad! Ya bayi gabul ma kadm’ad.

Isaiah 22:13 Referans Kwoze

Isaiah 56:12

Pi girdi’ ney ni yad ba chingnag e yad be ga’ar, ‘Da feked boch e wayin ngad unumed gubin e tin rayag rodad! Gabul e ba gel e fel’ riy ko daba’.’”

1 Korinth 15:32

Rogon e n’en ni kug rin’ e susun e kug chamgad e “gamanman ni malboch” u roy u Efesus, ni aram e girdi’ nu Efesus, machane mang e ren’en ni bfel’ nra yib riy ngog ni fa’anra dab ni faseg e yam’? Ni bod rogon fare bugithin ni yima yog nma lunguy, “Marod ngu’ud abichgad ma gadad be garbod, ya bayi gabul ma kadm’ad.”

James 5:5

N’umngin i nap’an e yafos romed u roy u fayleng e gimed be n’ag e salpiy ko tin tolang puluwon ban’en nge fafel. Kam duruw’iyed gimed kam sugsuggad ni fan ko rofen ni ba’aram ni bay nli’med ngam m’ad.

Isaiah 5:22

Gafgow gimed! Gimed eba gilbuguwmed ko melor ko wayin! Gimed e pi m’uthan’ nge falu’ i aruy e rrum.

Isaiah 5:12

Pi mur ni gimed be tay e bay talin e musik riy ni harp nge tambourines nge ngal, nge wayin. Machane dar tamilangan’med ko mang e be rin’ SOMOL,

Isaiah 5:11

Gafgow gimed! Gimed be od nri kakadbul ngam tabab niged e unum, me blayal’ mi gimed parnag e chignag nge n’uw e nep’.

Isaiah 26:10

Ni yug aram rogon ni gab gol ko pi’in kireb, ma darir nanged rogon i rin’ e tin bmat’aw. Mus u roy u lan e nam ko girdi’ nib mat’aw makyad be ngongol ni de mat’aw; yad be siyeg ni ngar nanged feni sorom.

Isaiah 29:1

Altar rok Got, Jerusalem e ke gafgow! Fare binaw ni i par David riy e ke gafgow! Ra yib reb e duw ara l’agruw nge thumur ni bmu’un e pi mur nge madnom riy ngay

Isaiah 47:8

“Ngam motoy ko ran’ey, i gur ni go’ fiti lanin’um e ga ma leamnag, gur ni ga ma leamnag ni gab muduwgil ni dariy ban’en nra buch rom. Ga ma yog nib ta’reb fanmew sorok Got — ni dariy be’ ni bodem. Um leamnag ni dariy e ngiyal’ ni nge yim’ figirngim ara pifakam.

Isaiah 58:3

Girdi’ e fith ni ga’ar, “Mang ni ngad paged e abich ni SOMOL ma dar guy? Mangfan ni dab kud ked ban’en ndar yaliy e n’en ni gadad be rin’?” Be ga’ar SOMOL ngorad, “Bin riyul’, e nap’an ni gimed ra pag e abich, ma tin gimed ba’adag e ir e gimed be leamnag, mi gimed gafgownag e pi’in yad be maruwel romed.

Ezekiel 16:49

Ir nge pifak nib ppin e yad ba ufanthin ni bochan e bo’or garad miyad ma par u fithik’ e gapas nib math gulungrad, machane darir ayweged e pi’in gafgow nge pi’in ba t’uf e ayuw rorad.

Hosea 9:1

Girdi’ nu Israel, mu talgad ko mur ko pi madnom romed ni bod e pi’in nde nang Got. Kam pi’ed keru’med ko Got romed ma dakumur yul’yul’gad ngak. Gubin yang u lan e re nam ney ma kam pi’ed gimed riy nchuway’ ni bod e pi’in yad ma pi’edyad nchuway’ ngak fare got ni Baal, ma kam adaged e grain ni gimed be leamnag ni aram puluwonmed nike pi’.