Isaiah 21:17 - Bible Ni Thothup

¹⁷ Pi’in ma mun gat’ing e aram e pi’in th’abi falu’ u Kedar, machane buchu’uw i yad e ra par nib fos. I Gag SOMOL ni Got nu Israel, e gu be non.”

Isaiah 21:17 Referans Kwoze

Zekariah 1:6

U daken e pi tapigpig rog nge fapi profet e gu pi’ e motochiyel nge tin ngan kol ayuw riy ngak e pi chitamangimed kakrom, machane miyad fek yathin miyad gafgow u wenegen. Ma aram miyad cheal ngar pi’ed keru’rad ko kireb rorad miyad yog ni Gag fare SOMOL ni Gubin ma Rayag Rok, e kug gechig nagrad ni bay tapgin ni nge aw ngorad ni bod rogon ni kug turguy ni nggu rin’.’”

Isaiah 1:20

Machane fa’an gimed ra siyeg mi gimed togopluw ngog, ma aram e gafgow gimed ya ngam m’ad. I Gag SOMOL e kugog e pi thin ney.”

Numbers 23:19

Got e gathi bod e girdi’, nma ban; Gathi ba girdi’ nma thiliyeg laniyan’. Tin nma micheg ni nge rin’ e ma rin’; Ra non ma kem’ay i ngongliy.

Matthew 24:35

Tharmiy nge fayleng e bay chuw, ma thin rog e ri dabi math bi’id.

Jeremiah 44:29

I Gag SOMOL, e bay gu dag e mich riy ngomed ni bay gu gechig nagmed ma fare riya’ ni ku gu micheg ni nggu fek nga dakenmed e ra rriyul’.

Psalms 107:39

Nap’an ni waer girdi’en Got ko mael ngar tamra’gad, ni bochan e gafgow nni gelnag ngorad ngar gafgowgad,

Jeremiah 49:28

Irera’ e n’en ni yog SOMOL u murung’agen e ganong nu Kedar nge yungi nug u tan pa’ yu Hazor, ni fa’an ni kol Nebukadnezzar ni Pilung nu Babylon: “Ngan cham ko girdi’ nu Kedar min thang owchen e girdi’ ni bay ko ngek!

Isaiah 31:2

Manang e n’en ni be rin’! Ma pi’ e riya’ nge yib. Ra yog ni nge gechignag e girdi’ ni kireb nge pi’in yad be yoror rorad, ma ra rin’.

Isaiah 34:16

U lan fare ke babyor rok SOMOL e rayag ni ngam sapnag ngam pir’eg e gin kan yoloy ngay ni be yog riy, ni dariy ta’reb e tin ni sunmiy Got nra malog, ma dariy reb nra par ndariy e pluw rok. I SOMOL e keyog ni aray rogon; i ir e bayi kunuyrad nga ta’bang.

Isaiah 45:23

Tin gu be yog e ba riyul’, ma dabi thil. Ri gu be micheg nga rarogog: Gubin e girdi’ ni bay rabad ngar ragbuggad u p’eowcheg miyad micheg ni bay ur yul’yul’gad ngog.