Isaiah 21:13 - Bible Ni Thothup

¹³ Irera’ e thin ni murung’agen yu Arabia. Gimed e girdi’ nu Dedan, fare thelep romed e gif u lan e nam nu Arabia,

Isaiah 21:13 Referans Kwoze

Ezekiel 27:15

Girdi’ nu Rhodes e um thilyeged e chugom; ma girdi’ ko pi binaw u dap’eday e ra pi’ed ngom e ivory nge ebony ni muthilyeg ko tirom ban’en.

1 Kronicles 1:32

Ma Abraham e bay reb e bpin rok ni fithingan e Keturah, ni diyennag n’el e pumo’on ni fak Abraham: i Zimran, Jokshan, Medan, Midian, Ishbak, nge Shual. Ma immoy l’agruw i pumo’on ni fak Jokshan: ni Sheba nge Dedan.

Genesis 25:3

Jokshan e chitmangin Sheba nge Dedan. Ma pi’in owchen Dedan e Asshurim, Letushim nge Leummim.

Galatia 4:25

I Hagar e be yip’ fan e burey ni Sinai u lan yu Arabia, mi ir e be yip’ fan fare binaw nu Jerusalem ni bay e chiney, nike un ngak urngin e girdi’ rok kar manged sib.

Isaiah 13:20

Dariy be’ nrayag ni ngki par u rom. Dakriy reb e Arab i yug be yan ni ku ra n’uf e tent rok u rom, ma aram rogon e pi tagafaliy e gamanman ni dakriy bagyad nra gafaliy e gamanman rok u rom.

Isaiah 13:1

Irera’ e thin ni murung’agen yu Babylon, ni pi’ Got ngak Isaiah ni fak Amoz.

1 Kronicles 1:9

Pi’in owchen Kush e girdi’ nu Seba, Havilah, Sabtah, Raamah, nge Sabteka. Ma pi’in owchen Raamah e girdi’ nu Sheba nge Dedan.

1 Kings 10:15

nge cheag ngay urngin e tax ni be fek u pa’ e girdi’ ni be fol chuway’, nge win ni be yib ko fol chuway’, nge wolbuw ni be pi’ e pi pilung nu Arabia nge pi governor ko pi nug nu Israel ngak.

Genesis 10:7

Pi’in owchen Kash e yad e girdi’ nu Seba, Havilah, Sabtah, Raamah ngu Sabteka. Pi’in owchen Raamah e yad e girdi’ nu Sheba ngu Dedan.

Isaiah 21:12

Mug fulweg, “Be n’en ni nge kadbul, machane bay ki nep’ bayay. Ma fa’anra ka ga ba’adag ni ka ga ra fith bayay, mag sul ngam fith.”

Jeremiah 49:8

Girdi’ nu Dedan, mu pigichealgad ngam milgad ngam mman mithgad! Arame nggu thang mit e pi’in owchen Esau ni bochan e ke taw nga nap’an rog ni nggu gechig nagrad.