Isaiah 21:1 - Bible Ni Thothup

¹ Irera’ e thin ni murung’agen yu Babylonia. Ba yib e riya’ u ba nam ni bay madgun ni bod ba nanyor ni wolguy daken e ted.

Isaiah 21:1 Referans Kwoze

Isaiah 14:23

Bay gu pilyeg yu Babylon nge bod lan ba mu’ut ni go’ ran, arche’ ni owl e bayi par u rom. Bay gu wolguy yu Babylon ko wolguw nge chuw gubin ban’en riy. I Gag, fare SOMOL ni Gubin ma Rayag Rok e gu be non.”

Jeremiah 51:42

Pi to’ogor rok yu Babylon e bay ra puw gad ngarbad ni gawa n’ew ni nge tharay fare binaw.

Isaiah 13:1

Irera’ e thin ni murung’agen yu Babylon, ni pi’ Got ngak Isaiah ni fak Amoz.

Zekariah 9:14

I SOMOL e bay yib i m’ug u puluwon e girdi’ rok ngalang; me yin’ gan e gat’ing rok ni bod e uluch ni mat. I SOMOL ni Th’abi Tolang e bayi thoy e rappa; bayi yib u lan e yimuch u fithik’ e yoko’.

Isaiah 17:1

I ga’ar SOMOL, “Damascus e dabki mang reb e binaw, bayi par ni ba ulung i dow.

Daniel 11:40

“Nap’an nra ganowrug u puluwon fare pilung nu Syria, me cham e pilung nu Egypt ngak, ma fare pilung nu Syria bayi cham ngak nike musmus gelngin, ni bayi maruwel ko chariot rok, nge pi os, nge barkow ni pire’. Bayi mael nga bo’or e nam ni gowa’ lul’ ni sugbur.

Ezekiel 31:12

Pi milekag nib kireb e leam rorad e ra th’eth’abed nga but’ miyad digey. Papa’ngin nge yochpa’ i tmal’gin e bayi mul nga daken urngin e burey nge loway u lan e nam. Urngin e nam ni ku’ur pired ko taglul’ riy e bay rchuwgad.

Ezekiel 30:11

Ir nge salthaw rok nib yargael e bay rabad ra wodmanggad u lan binaw. Bay rchamgad nga Egypt ko saydon, nge sug daken ko ldow.

BABYOR NI JOB 37:9

Nifngin e yoko’ e ma yib ko yimuch, me yib e garbeb ko lel’och.

Isaiah 5:28

Pi gan e gat’ing rorad e bm’uth, ma pi gat’ing rorad e ka ni fal’eg rogon ke par. Pi sus u ay e os rorad e bod feni el e pache’, ma pi chariot rorad e be cheal ni bod ba nanyor.

Ezekiel 1:4

Mu gu sap ngalang, mu gguy bangi lang ni ba ga’ nike yib ko lel’och ni bay e nifeng u fithik’ nib gel. Ma be matmat e uluch u fithik’, ma lanelang u to’oben e be gal ram’en. Me galgal ram’en ban’en ni bod ram’en e bronze ko gin’en ni ba’aram ni be matmat e uluch riy.

Ezekiel 38:9

Ir nge salthaw rok nge boch e nam nib yo’or ni yad mu’un ngak e bay ra chamgad ni bod bangi yoko’ ngar upnguyed fare binaw ni bod bang i manileng.”

Isaiah 13:13

Bay gu rurug e pi tharmiy, me durru’ e fayleng nge chuw u tagil’ ko rofen ni ba’aram ni gu ra dag e damumuw rog, I Gag SOMOL ni Gubin ma Rayag Rok.

Isaiah 14:1

I SOMOL e bayi kirban’ bayay ko girdi’ rok nu Israel me mel’egrad ni nge mil farad ngak. Bayi pagrad ngar pired bayay u lan e nam rorad, ma girdi’ u bang e bay rabad ngar pired rorad.

Isaiah 14:14

U mog ni ngam man ngalang nga p’ebgul e pi manileng ngam bod rogon e En ni Gubin ma Rayag Rok.

Isaiah 47:1

SOMOL e ga’ar, “Babylon, mu luw nga but’ ko liw rom, ngam par nga fithik’ e ab u daken e but’. Ummoy bingyal’ ni ga bod be’ ni bpin ni dawori nang e pumo’on, nib binaw ni dawor i waer ko mael, machane dakriy fal’ngim ngabang! Chiney e gur e sib!

Jeremiah 51:1

Be ga’ar SOMOL, “Arme nggu fek i yib e nifeng nib almarin ngak yu Babylon nge girdi’ riy.

Jeremiah 51:51

Gimed be ga’ar, ‘Kandariyfan nagdad ma kan tamra’ nagdad; kug nanged ni kari m’ay gelingmad ni bochan e pi milekag e yad e ke gel farad ko yungin nib thothup u lan fare Tempel.’