Isaiah 20:4 - Bible Ni Thothup

⁴ Emperor nu Assyria e bayi gafaliy fapi kalbus i yan ni dariy e mad u dakenrad, ni kolrad ko fa gal binaw. Fel’ yangren nge pi’lal e bay u ranod ni dariy e sus rorad nge mad, ni be m’ug chuguyenrad, nra kar tamra’ ngak yu Egypt.

Isaiah 20:4 Referans Kwoze

Isaiah 19:4

Bay gu pag yu Egypt nga pa’ reb e pilung nib kireb ngi i gagiyeg nagrad. I Gag fare SOMOL ni Gubin ma Rayag Rok e gu be non.”

Jeremiah 13:26

I SOMOL e bayi chuweg e upong u dakenmed ngam m’ug gad ngam tamra’gad.

Jeremiah 13:22

Fa’an gimed ra fith ko mang urngin e tiney nike buch romed — nge mang ni ka ni guchthuy e mad romed ka ni molegmed u gelngiy — ma fan e gafarig romed nib kireb.

Revelation 3:18

Gu be fonow nigem ni ngam chuw’iy rog e gol, ni gol ni de ma’athuk ban’en ngay, ni bochan e nge yag ni fel’ rogom. Ma ka ga chuw’iy e mad nib wechwech ngam chuw ngay ngam upunguyem ngay ni kam par u tamilang nib tamra’ u sum. Ma ka ga chuw’iy boch e flay ngam tay ngalan owchem nge yag ni mu guy ban’en.

Mikah 1:11

Gimed e girdi’ nu Shafir, mmarod nga reb e nam ngam pired riy ni gimed e kalbus, ni ngam marod ndariy e mad u dakenmed ma kam tamra’gad. Pi’in yad be par u lan yu Zaanan e dariy bagayad nra thay. Nap’an ni gimed ra rung’ag laman e girdi’ nu Bethezel ni yad be dololoy’, ma aram e kam nanged ndariy bang u rom ni yira mith ngay.

Ezekiel 30:18

Bayi aw e lumor nga daken Tahpanhes u nap’an ni gu ra kirebnag gelngin yu Egypt mu gu m’aynag gelnginrad ni ri yad ba uf ngay. Ra upnguy bang i manileng daken yu Egypt; ma gubin e girdi’ u lan e pi binaw riy e bay ni fekrad ni kalbus.

Jeremiah 46:26

nggu pi’rad nga pa’ e pi’in yad ba’adag ni ngar thanged e pogofan rorad, ni aram i Nebukadnezzar ni Pilung nu Babylon nge fa raba’ i salthaw rok. Machane ra munmun ma ku ra yan i par e girdi’ nga Egypt bayay, ni bod kafram. I Gag SOMOL e kugog e pi thin ney.

Isaiah 47:3

Girdi’ e bay ra guyed gur ni dariy e mad u dakenam; bay ra guyed gur nike m’ingkuwom ka mu tamra’. Bay gu fulweg taban ngorad, ndariy be’ nrayag ni nge talegneg.”

Isaiah 3:17

Machane rug ra gechig nagrad bay gu puy piyan lolugrad nggu pagrad ni kar mudro’gad.”

2 Samuel 10:4

Me kol Hanun fapi tamal’og rok David, nge puy barba’ e rob rorad, me th’ab ngemul e mad u chagiyrad, me l’ograd ngranod.

Isaiah 47:2

Mu cheleg e malang nib tlulbuy! Ngam blig e wheat ngay! Mu luf e mad u owchem ma ga luf e mad u dakenam ni fafalel’! Mu ker e sikato rom ngalang ngam th’ab e pi lul’.

Jeremiah 46:19

Ngam fal’egned rogomed ni ngan fekmed ni kalbus, gimed e girdi’ nu Egypt! Memfis e bayi par nike daken e ted, nike kireb ni dakriy be’ nma par riy.

Amos 9:7

I SOMOL e be ga’ar, “Gimed piyu Israel e ta’reb rogomed piyu Ethiopia u wun’ug. I gag e gu fek e piyu Filistia u Crete ngaray, ma piyu Syria e gu fekrad u Kir ngaray, ni bod rogon ni gu fekmed u Egypt ngaray.

Nahum 3:10

Girdi’ nu Thebes e kan fekrad ni kalbus nga wuru’ e nam. Gubin e m’ing ko kanawo’ ma go’ bay pifakrad riy ni kan li’rad karm’ad. Pi pumo’on ni tayugang’ rorad e kan chen nagrad kan fekrad kan graregrad u pa’ e pi to’ogor rorad.

Zefaniah 2:12

SOMOL e ku bayi thang e pogofan rok piyu Ethiopia u fithik’ e mael.

1 Kronicles 19:4

Me kol Hanun fapi tamol’og rok David nge puy e rob rorad, me th’ab e mad u chigiyenrad, me pagrad ngranod.

Isaiah 31:2

Manang e n’en ni be rin’! Ma pi’ e riya’ nge yib. Ra yog ni nge gechignag e girdi’ ni kireb nge pi’in yad be yoror rorad, ma ra rin’.

Isaiah 31:3

Piyu Egypt e gathiyad e got, kemus ni yad e girdi’! Pi os rorad e gathiyad e kan! Ra maruwel SOMOL, ma re nam nem nib gel e ra muchbu’ nga but’, ma fare nam nib waer ni be yib e ayuw ngak ko fare nam nib gel e ku ra thay; l’agruw nra kireb.