Isaiah 2:6 - Bible Ni Thothup

⁶ Got, ka mu n’ag e girdi’ rom, ni pi’in owchen Jakob! Fare binaw e ke suguy ngonglen e pi bey ko pi nam nu lan e ngek nge pong thagith ni bod yu Filistia. Girdi’ e yad be folwok u yalan boch e nam.

Isaiah 2:6 Referans Kwoze

Roma 11:20

Er rogon; nt’arrad ni bochan e de mich Jesus u wun’rad, mi gur e mpar u luwam ko re ke gek’iy nem ni bochan e mich Jesus u wun’um. Machane dab mu uf ngay; ya ngam tamdag.

2 Kings 1:2

Ahaziah ni Pilung nu Israel e mul u daken e naun rok nga but’ u Samaria nge maad’ad nib gel. Ma aram me l’oeg boch e tamal’og ni ngar fithed lanyan’ Baalzebub, ni got rok fare binaw nu Ekron u Filistia, ni nge nangfan ko ku ra gol fa dangay.

Lamentations 5:20

Mangfan ni ar fini n’uw nap’an ni kam fek owchem romad? Mog kagmad ra yib ngan’um bingyal’?

Jeremiah 10:2

Be ga’ar, “Dab mu leked kanawo’en boch e nam; ma dabi wagagey lanin’med nga boch e pow ni be m’ug u lane lang, ni yug aram rogon ni be rus boch e nam ngay.

Isaiah 8:19

Machane bayi yog e girdi’ ngomed ni ngam marod ngak e pi tamanbey nge pi sothiw nge tapong thagith ni yad ma sakathkath ma yad ma sononnon nga but’. Bayi lungurad, “Susun e nge de’eriy e girdi’ e pi kan nge pi thagith ko tin ngrogned ni fan ko girdi’.”

Proverbs 6:1

Fakag, mog kammicheg ni nge milfan e malfith rok be’ ngom?

Psalms 106:35

ma aram mu ur mabgolgad girdi’en fapi nam miyad un nga yalrad.

Nehemiah 13:23

Ngiyal’ nem e kug pir’eg ni bo’or e pumo’on nu Israel ni kar le’engiyed e ppin nu Ashdod, Ammon, ngu Moab.

2 Kronicles 24:20

Ma aram me yib e Kan Nthothup rok Got nga daken Zekariah nib mo’on ni fak Jehoyada ni prist. Me sak’iy ko gin nra guy e girdi’ riy me non nib ga’ laman ni ga’ar, “Be fithmed SOMOL ni Got ko mangfan nda kumur folgad ko tin ke ta’chiylen ma gimed be girengiy e gafgow nga dakenmed! Ka mu paged, ere ke pagmed!”

2 Kronicles 15:2

me yan ni nge mada’nag Asa ni Pilung. Me tolul ngak nib ga’ laman ni be ga’ar, “Asa ni Pilung mmotoyil ngog, nge gimed gubin e girdi’ nu Judah nge Benjamin! I SOMOL e bay romed u n’umngin nap’an ni gimed bay rok. Fa’an gimed ra gay, ma ra pagmed ngam patgad ngak, machane fa’an gimed ra pag, ma ra n’agmed.

1 Kronicles 10:13

Saul e yim’ ni bochan e de yul’yul’ ngak SOMOL. De fol ko tin ni yog SOMOL: I mang pi thagith e i fithrad u rogon ni nge rin’ ban’en

Numbers 23:7

Me weliy Balaam e re yi’iy ni ba’aray ngak: “Balak ni Pilung nu Moab e ke fekeg u Syria, ko fapi burey ni bay ko ngek ni be ga’ar, ‘Moy ngam weliy e yi’iy, ngam bucheg wa’athan e girdi’ nu Israel.’

Levitikus 20:6

“Fa’anra yan be’ ni be ning e ayuw ngak e girdi’ nma non ko pi thagith, ma bay gu cheal nggu togopluw ngak ma dakriy bangyal’ ni gu ra leamnag ni ir reb e girdi’ rog.

Levitikus 19:31

“Dab marod ngak e sothiw ni ngar pininged e thagith; ya fa’an gimed ra rin’ ma aram e kam ta’aygad nrogon ko motochiyel. I Gag fare SOMOL ni Got romed.

Exodus 34:16

Ma richey me le’engiy pifakam e ppin u rom, ngar waliyedrad nge dab ku ra yul’yul’gad ngog miyad un i tayfan e pi got rorad.

Exodus 22:18

“Mu thanged e pogofan rok ere pin ni tamapig.

1 Samuel 6:2

me pining e girdi’ e pi prist nge pi tamerong ngar fithedyad ni lungurad, “Be mang e ngad rin’ed ko fare Kahol ko M’ag rok SOMOL? Fa’an gadad ra fulweg ko gin i par riy, ma be mang e ngad pi’ed nge un ngay?”

Isaiah 14:29

Gimed e girdi’ nu Filistia, fare dumow ni aw ngomed e ke m’ing, machane dariy rogon ni ngam felan’gad. Nap’an ra yim’ reb e parchoyog, me yib reb nga luwan ni ka ba gel feni kireb. Tamango ko parchoyog e ra pil ma ba dragon nma changag.

Jeremiah 12:7

I SOMOL e be ga’ar, “Ku gu n’ag yu Israel; kug furuy fare nam ni gu mel’eg. Fapi girdi’ nib t’uf rog e ku gu pagrad nga tan gelngin e pi to’ogor rorad.

Mikah 5:12

Bay gu kirebnag e pi pa’ e pig rom, ma dab gu pag reb e pi tamanbey rom.

Zefaniah 1:8

Be ga’ar SOMOL, “Rofen nem ni yaran e mli’ girdi’, e bay gu gechignag e pi tolang, nge pumo’on ni fak e pilung, nge pi’in urfolgad u yalen boch e nam.

2 Kings 17:20

Me fek SOMOL owchen rok urngin piyu Israel, me gechig nagrad me pi’rad nga pa’ e pi to’ogor ni buchan’ nma’ngach nge yan i taw ko ngiyal’ nike tharbegrad u p’eowchen.

Mikah 5:11

Mu gu thirif u but’ e pi binaw ni bay u lan e nam rom mu gu buthug e yungi n’en ni kam yororiy ni fan ko mael.