Isaiah 2:20 - Bible Ni Thothup

²⁰ Nap’an nra taw ko rofen nem, ma bay ra n’iged e gol nge liyos ni silber nra ngongliyed, ngar n’iged ngak e boro’ nge magl’aw.

Isaiah 2:20 Referans Kwoze

Isaiah 30:22

Bay mu feked e pi liyos nni ngongliy ko silber nge pi liyos romed ni ka ni liyef ko gol, ngam n’iged ni bod e dow ni gimed be tolul ni gimed be ga’ar, “Mu chuw riy!”

Isaiah 31:7

Bay ba ngiyal’ ni be yib ni gimed gubin ni bay mu n’iged fapi liyos ni mu ngongliyed ko silber nge gol ni be waliymed ko denen.

Hosea 14:8

Ma girdi’ nu Israel e dakriy bochi ban’en ni yad ra rin’ ko pi liyos, ma aram e bay ug fulweg taban e meybil rorad ma gu be ayuwegrad. Bay gu par ni kug mang manaf rorad ni bod fa mit i gek’iy ni yugu ma par nib galunglung yuwan; I gag kenggin gubin e pi fla’ab rorad.”

Isaiah 46:6

Girdi’ e yad ma bing tafen e salpiy rorad ngar pu’oged e gol riy nga but’; miyad thabthabelnag e silber. Miyad pi’ puluwon be’ nma maruwel ko gol nge ngongliy ba liyos riy; mu ur siro’gad ngay ma yad be meybil ngay!

Isaiah 46:1

“Irera’ e ngiyal’ ni nge mus e pi got nu Babylon! Bel nge Nebo e un meybil ngorow, machane chiney e kan tayrow nga daken keru’ e dongki, nib gilab u daken keru’ e gamanman nike aw porowrad!

Levitikus 11:19

stork, heron ni demtrug ko mitin ngan riy, hoopoe nge magl’aw.

Luke 23:30

Ireram e re ngiyal’ i n’en ni bayi ga’ar e girdi’ ngak e burey, ‘Mmuchubu’ nga dakenmad!’ me lungurad ko burey nib sobut’, ‘Mmithagmad!’

Isaiah 17:8

Bay dab ku ra paged e taga’ ko pi altar ni rfel’egned nga pa’rad, ara lagan’rad ko pin’en ni yad ma chamey nga pa’rad ni bogi ya’an Asherah ni fare got ni bpin nge altar ni yima urfiy e incense riy.

Isaiah 40:19

De bod ba liyos nma ngongliy e girdi’ nib salap, ma be’ nma maruwel ko gol e gabdiy e gol nga wuru’, me duwgiliy ay nga daken e silber nge par nike sak’iy.

Ezekiel 7:19

Bay ron’ed e gol nge silber rorad ngalan e yupa’ i kanawo’ ni bod e dow, ni bochan e silber nge gol e dabiyag ni nge aywegrad u nap’an nra pu’og SOMOL e damumuw rok. Dabkiyag ni ngar faned nge gamaneg e ar ar rorad, fa suguy e yal rorad. Ya gol nge silber e fekrad i yan ko denen.

Ezekiel 14:6

“Ere chiney, e ngamog ngak yu Israel ni Gag fare SOMOL ni Th’abi Tolang e gu be ga’ar: Mu kalgad ngan’med mu sulod mi gimed pag e pi liyos romed ni sunsonogor.

Ezekiel 36:25

Bay gu atngiy e ran nib machalbog nga dakenmed nggu machalbog nagmed u urngin e meybil ni um ted ko pi liyos romed nge urngin ban’en nike taymed ni kam kirebgad u p’eowcheg.

Genesis 35:4

Ma aram miyad pi’ gubin fapi got rok piyu bang ngak Jakob nge talbuch u telrad, me k’eyag ni urngin nga tan bake gek’iy ni oak ni bay u charen yu Shekem.

Eklesiastes 3:6

Ma turguy ngal’an ni ngan gay ban’en nge ngal’an ni nge yan ban’en nga bang; nge ngal’an ni ngan chibgiliy ban’en nge ngal’an ni ngan n’ag ban’en;

Isaiah 10:3

Mang e gimed ra rin’ ko ngiyal’ ni nge gechig nagmed Got? Ma ba mang e gimed ra rin’ ko ngiyal’ nra girengiy e riya’ u reb e nam nga dakenmed? U uw e gimed ra mil ngay ni ngam pir’egged e ayuw riy? Ma uw e gin gimed ra mithag talinmed ngay?

Zefaniah 2:11

Bayi k’aring SOMOL e marus ngorad. Bayi sobut’eg e pi got nu fayleng nge m’ayfarad, ma aram e gubin e nam ni bay ra meybilgad ngak, ko gin’en ni yad bay riy.