Isaiah 17:13 - Bible Ni Thothup

¹³ Fapi nam e kar gurgad i yib ni bod payngin e n’ew, machane Got e puwan’ ngorad miyad sul nga tomur, rchuwgad ni bod e fiyath ni un ko nifeng u barba’ e burey ara pan ni mlik’ u fithik’ e nanyor.

Isaiah 17:13 Referans Kwoze

Psalms 9:5

Kam puwan’ ngak e pi nam, ma kam thang owchen e pi’in kireb; dab kurbad ngan’uy bingyal’.

Psalms 1:4

Ma girdi’ nib kireb e gathi ara’rogorad! Yad bod kenggin e grain ni kan th’ab ke mlik’, nra aw e nifeng ngay me changegnag.

BABYOR NI JOB 21:18

ara thoyrad ngar uned u fithik’ e nifeng ni bod e chabung nike mlik, fa bod e fiyath ni un ko yako’?

Isaiah 29:5

Jerusalem, gubin e girdi’ nu bang ni yad be cham ngom e bay ra’ uned ko nifeng ni bod e fiyath, ma yu raba’ i salthaw rorad nib kandaguwen e bay ra changaggad ni bod e chabung. Nib tomgin ni yad ra gin ngay

Hosea 13:3

Ere pi girdi’ ney e bay ra m’aygad ngabang ni bod e garbeb ni kadbul, ma bod e wa’angchol nma m’ay ngabang nri kakadbul u reb e rran. Bay ra boded keru’ e grain nike fek e nifeng ke chuw ko gin yima chuweg keru’ e grain riy, ku bod e ath ni be chuw u tafen e ath.

Daniel 2:35

Ka chingiyal’nem me muchubu’ fapi wasey, nge fapi but’, nge fapi wasey ni bronze, nge fapi silber, nge fapi gol nge yan i par ni bod e fiyath u daken bangi n’en ni yima gunugunuy wom’ngin e grain riy ko ngal’an e gowel. Me yib i aw e nifeng ngay nge changegnag ni gubin, nde pag buchu’uw i chabungen. Machane me ga’ fare malang nge yan i par nike ngal’ nib burey nike upunguy e fayleng ni ga’ngin.

Isaiah 27:1

Rofen nem e SOMOL e ra fek fa gi saydon rok nib gel nma cham ngay ni nge gechignag fare Leviathan, ni fare gamanman ni be guleplep, ma aram me thang e fan rok fare gamanman nu maday.

Isaiah 14:25

Bay gu thang mit yu Assyria u daken e but’ nu Israel nggu yot’yot’rad nga but’ u daken e pi burey rog. Bay gu chuweg e pi girdi’eg u tanggin gilban piyu Assyria ngu tanggin e pi tomal ni immoy u porad.

Psalms 35:5

Mang e ra boded e chabung ni be changegnag e nifeng, nnap’an ni be tulufrad fare engel rok SOMOL!

BABYOR NI JOB 38:11

Me lungug ngak, “Ngam mus u wur! N’ew rom nib gel e nge mus u roy.”

Psalms 65:7

Ga ma mocha’nag e day nike cham, nge lingan e n’ew ni be pil; ma ga ma gapasnag e wagey ni be tay e girdi’.

Isaiah 8:7

ma aram fan ni gag SOMOL e bay gu fek e emperor nu Assyria nge urngin e salthaw rok i yib ni ngar m’aged e mael nga Judah. Bay rabad ni bod e lul’ nu Eufrates ni sugbur nge tharey e binaw.

Isaiah 21:15

Be mil e girdi’ ni ngar thaygad ko saydon ni ka ni fel’eg rogon ni ngan li’rad ngay, nge gat’ing ni ka ni fel’eg rogon ni ngan pag ngorad nge gubin tin yima riya’ riy ko mael.

Isaiah 22:18

Bayi chibiyem ngalang ni bod bbat’ me yon’em ngalan bbinaw nib ga’. Nu rom e ga ra yim’ riy u charen e pi chariot nri ga ba uf ngay. I gur e ka mu thiyernag e naun rok e masta rom.

Isaiah 34:17

I SOMOL e ir e ra f’oth e binaw rorad nge pi’ ngorad nra bagyad ma pi’ e gi rok. Bay ra pired riy u reb e mfen ngu reb, nge milfan ngorad ndariy n’umngin nap’an.

Isaiah 40:15

U p’eowchen SOMOL e pi nam e yad bod ba wa’angachal u lan ba pakit, ara bod ba tabyu’ u daken e thabthabel, ma pi donguch nib orel e bod feni ba’ud ba ab.

Isaiah 40:24

Yad bod e woldug ni kafini tugul, kafini thay lik’ngin. Ma nap’an ni pi’ SOMOL e nifeng nge yib, me mororay me changegnag e nifeng ni bod ba ke pan nike mlik’.

Isaiah 41:11

“Pi’in yad be damumuw ngom e bayi m’ayfarad miyad par ni ka ra tamra’gad. Pi’in yad ra cham ngom e yad ra yim’.

Zefaniah 2:2

u m’on ni nge thoyem e nifeng ngam changeg ni bod e chabung ni un ko nifeng, u m’on ni nge yib e damumuw rok SOMOL ni be yikyik nga dakenam, ngu m’on ko fare rran ni nge dag gelngin e damumuw rok.

Psalms 65:8

Ke ngat e fayleng ni polo’ ni bochan e pi maang’ang ni ka mu ngongliy. Ngongol rom e yi be garusnag ko felfelan’ u baraba’ e fayleng nge mada’ nga baraba’.

Isaiah 30:28

Ma pi’ nifngin nge m’on rok ni bod e sugbur nma fek gubin ban’en nge chuw. Me wolguy e pi nam nge thirifrad u but’ me museg e pi tanom rorad nib kireb.