Isaiah 17:10 - Bible Ni Thothup

¹⁰ Israel, kampag talin fare Got ni ir e lagnem me yoror rom ni bod ba war nib gel. Ka mu cheal ga be yung yungi milay’ nib taliw ni ngu’um tayfan e got nu bang riy.

Isaiah 17:10 Referans Kwoze

Jeremiah 2:32

Gur rayag rok be’ ni bpin ni kab rugod ni nge pag talin e churwa’ rok nib tolang puluwon, ara pag be’ ni bpin ni nge mabgol talin e mad rok ko m’agpa’? Machane girdi’ rog e ka ra paged talig nike yo’or i yo’or e rran ndabiyag i the’eg.

Isaiah 26:4

Nge pagan’uy ngak SOMOL ni manemus, gubin ngiyal’ ni bay i yoror rodad.

Deuteronomy 32:18

Ra paged talin e Got rorad, nib gel gelngin ni i ayuwegrad u pa’ e pi to’ogor rorad, ni en ni pi’ e yafos ngorad.

Psalms 106:21

Ra paged talin Got ni ir e ayuwegrad ko pi maang’ang ni i rin’ u Egypt.

Deuteronomy 32:4

“I SOMOL e ba gel ma bay i par ni manaf romed, ir e ba yal’uw ma bmat’aw urngin e tin ma rin’. Got romed e ba yul’yul’ ma der ma ban, ngongolen e bfel’ ma ba yal’uw.

Hosea 8:14

“Girdi’ nu Israel e kar toyed bogi tafen e pilung, machane kar paged talin e en ni sunmiyrad. Ma girdi’ nu Judah e kar toyed bogi binaw ni kan yaroriy ni fan ko mael, machane bay gu pi’ e nifiy nge urfiy fapi tafen e pilung nge fapi binaw rorad nga but’.”

Jeremiah 17:13

SOMOL, I gur e lagan’ rok yu Israel; urngin e pi’in yad ra n’igem e yad ra tamra’. Yad ra m’ay nga bang ni bod fithngey nni yoloy nga daken e fiyath, ni bochan e ka ra furyed gur, ni gur SOMOL, ni fare alublub nib machalbog.

Jeremiah 12:13

Girdi’ rog e ka ra yunged e wheat, ma rachangal e yad be kunuy riy; yad be maruwel nib gel, machane dariy ban’en nra yib riy ngorad. Bochan e damumuw rog nib almarin ma ke math mit e woldug rorad.”

Isaiah 51:13

Kam paged talin SOMOL ni sunmiymed, ni ir e filath lanelang me ayliy e deaf ko fayleng? Mangfan ni ngu’um pired ni gimed bmarus ko dumumuw rok e pi’in yad ma gafgow nagmed, ni pi’in ka ra fal’eged rograd ni ngar gafgow niged gimed? Dumumuw rorad e dabkiyag ni nge bit ngomed.

Isaiah 12:2

Got e ta’ayuw rog; Bayi pagan’ug ngak ma dab ku gu tamdag. I SOMOL e pi’ gelingig; ya ir e ta’ayuw rog.

Psalms 106:13

Machane de n’uw nap’an miyad pag talin e tin ke rin’ mra ngongolgad ni dakur son niged e fanow rok.

Psalms 85:4

A Got nta’ayuw romad, mu fulwegmad, ma dab ku mu dabuymad!

Deuteronomy 32:31

Pi to’ogor rorad e manang ni tirorad e got e ba waer, dar gelgad ni bod rogon e Got rok yu Israel.

Psalms 79:9

A Got, mu aywegmad nge pogofan romad; mu ayuwegmad ma ga n’agfan u wun’um e denen romad ni bochan fithingam ni nge par nib gil.

1 Kronicles 16:35

Nge lunguy ngak, “Got ni Tabyul romad mu ayuwegmad; mu kunuymad nga ta’bang; mu ayuwegmad u pa’ e pi nam, ya nge yag ni gu pininged e magaer magmad mathangeluwolnag fithingam nib thothup.”

Deuteronomy 32:15

“Girdi’ rok SOMOL e i pire’ ban’en rorad, machane ba gel e togopluw ni ur ted; ra sugsuggad ya pire’ e ggan ni yad be kay. Miyad pi’ keru’rad ngak Got ni ir e sunumiyrad, ma en ni ta’ayuw rorad nib gel gelngin e ra pi’ed keru’rad ngak.

Deuteronomy 28:30

“Bay ni duwgliy be’ ni bpin ni ngam mabgolgow — machane yug reb e pumo’on e ra le’engiy fare pin. Bay mu toy ba naun, machane dariy bi’id ni ga ra par riy. Bay mu yung bangi milay’ ni grape, machane dariy bi’id ni ga ra kay wom’ngin.

Deuteronomy 8:19

Ri dab mpaged talin SOMOL ni Got romed fa mu pi’ed keru’med ngak ngu’um ted fan yugu boch e got ma gimed be pigpig ngorad. Fa’an gimed ra rin’ ma gu be micheg ngomed e daba’ nrib muduwgil ni yira thirifmed u but’.

Deuteronomy 8:14

ma ngar mu guyed rogon ya richey nge tolangan’med ngam paged talin SOMOL ni Got romed, ni ir e chuwegmed u Egypt, ni um pired riy ni gimed e sib.

Deuteronomy 8:11

“Ngu’um guyed rogon ndab mpaged talin SOMOL ni Got romed; thingar um folgad u urngin e pi motochiyel rok ni kug pi’ ngomed e daba’.

Deuteronomy 6:12

ma ngam guyed rogon nge dab mu paged talin SOMOL ni ir e fekmed nga wuru’ yu Egypt, ko gin um pired riy ni gimed e sib.

Levitikus 26:20

Gubin e pi maruwel ni kam ted nib gel e da biyib angin ni bfel’ ngomed, ni bochan e dabi pi’ e but’ romed e woldug, ma gek’iy e dabi yib wom’ngin.

Levitikus 26:16

ma gu ra gechig nagmed. Gu ra pag e buch wa’athan nge yib ngomed, nge m’ar ndab mu golgad riy nge gowel u dakenmed nra malmit nagmed me ngochnag e yafos romed. Bay mu yunged e pi woldug romed, machane dabi yib fal’ngin ngomed, ni bochan e bayi gel e pi to’ogor romed ngomed miyad kay e pin’en ni kam yunged.

Zefaniah 1:13

Urngin e tin ke fel’rogorad riy e bay ni fek u fithik’ e yargal min thirif e pi naun rorad u but’. Dabkur pired bi’id ko pi naun ni yad be toy ara ra unumed e wayin ni bay yib u wom’ngin fa yungi woldug ni grape ni yad be yung.”

Habakkuk 3:18

ma kug ra par ni gub felfelan’ ni bochan e SOMOL ni Got e ir e be ayuwegneg.

Amos 5:11

Gimed be gafgownag e pi’in gafgow gimed be fek e grain rorad u yargal. Ere bay dab kum pired u lan e pi naun ni bfel’ ni malang e mu ngongliyed ngay, ara mu unumed e wayin ko yungi milay’ ko grapes ni bfel’ ya’an nim yunged.

Hosea 4:6

Girdi’ rog e kan thirifrad u but’ ya dakriy madgug u wun’rad. Gimed e pi prist e kam pi’ed keru’med ngog, are nggu n’agmed ni dabkum manged prist rog. Ma bochan e kam paged talin e motochiyel ko Got romed, ma aram e bay kug pag talin pifakmed ni pumo’on.

Psalms 65:5

Taban e meybil romed ni ga ma fulweg e gel ni gamad ma tay ko mael, ga be rin’ bogi ban’en ni yira ngat ngay nga mu ayuwegmad. Girdi’ u gubin yang u fayleng, nge girdi’ ni yad mmal’af nga ba’nem e pi regur e gur e pagan’ rorad.

Psalms 31:2

Mmotoyil ngog! Mu ayuwegneg e chiney! Mu mang manaf rog ngam ayuwegneg; mmang rungrung ngog ngam yororiyeg!

Psalms 18:2

SOMOL e ir e ta’ayuw rog; I ir e yoror rog nib gel. Got rog e ir e yoror rog, mra gu bay rok ma dariy ban’en nra buch rog. Ma yororiyeg ni bod bangi shield; Ir e manaf rog ma be guyeg ndabi buch ban’en rog.

Psalms 9:17

Yam’ e ir ra yan i mus e pi’in kireb ngay, ni gubin e pi’in nra paged Got.

Isaiah 17:9

Ra taw ko rofen nem, ma pi binaw ni kan yororiy ni fan ko mael e bay ni pag nge mogoth ni bod fapi binaw nike n’ag e pi Hivite nge yu Amorite fa’anra milgad rok yu Israel.

Isaiah 18:5

U m’on ni yira kunuy wom’ngin e grape, u nap’an nike mulmul e mak’uf ni flores ma be lol e grape, ma aram e bayi gathay e en to’ogor piyu Ethiopia ni bod feni mom papa’ngin e grape ni yima th’eth’ab ko yar.

Isaiah 25:4

Pi’in gafgow nge pi’in dariy ban’en nrayag rorad e ra milgad ngom made buch ban’en rorad ko ngiyal’ e gafgow. Gur e ga ma pi’ e gin ngar gifgad ngay ko yoko’ nge taglul’ ni nge aywegrad u nifiyen e gowal. Pi to’ogor nib kireb e yad ma cham ni bod e yoko’ u nap’an e ayis.

Isaiah 30:29

Machane gimed e girdi’ ku Got, e bay um tanggad ni ka mu felfelan’gad ni bod ni gimed ma rin’ ko fare nep’ ni bay e madnom ni thothup. Ni felfelan’ ni bay mu ted e bod e felfelan’ ko girdi’ ni yad be un u lingan e musik ni ngal ni yibe thoy i yan nga Tempel rok SOMOL, ni ir e ma n’ufeg yu Israel.

Isaiah 33:2

SOMOL, mu runguymad. I gur e ke l’agan’mad ngom. Um yoror romad u reb e rran nge reb, ma ga ayuwegmad ko ngiyal’ nike yib e oloboch ngomad.

Isaiah 44:8

Gimed e girdi’ rog, dab mu rusgad! Gimed manang ni kakrom ke mada’ ko chiney e u gu yi’iynag urngin e pin’en ni bayib, ma gimed e mich rog! Gur bay yugu reb e got ngabang? Gur bay yugu reb e got ngabang nib gel ndawor gu rung’ag murung’agen?”

Isaiah 61:10

Jerusalem e be felfelan’ ni bochan e n’en ke rin SOMOL. Ir e bod be’ ni bpin nike chuw nga madan e m’agpa’. Rogon nike yib Got i ayuweg ke mat’awnag ngak e bod ba mad nike yin’ Got nga daken e re pin nem!

Isaiah 62:11

I SOMOL e be weliy ko fayleng ni ga’ngin ni ngan rung’ag: “Mogned ngak e girdi’ nu Jerusalem ni Fare SOMOL e bayib ni nge thapegmed, Me fek e girdi’ nike lagrad ngar uned ngak.”

Jeremiah 3:21

Ba lam ni yibe rung’ag nga daken p’ebugul e burey: ni laman e girdi’ nu Israel ni yad be yor ma yad be wenig ni bochan e ku’ur pired u fithik’ e denen ni ka ra paged talin SOMOL ni Got rorad.

Ezekiel 23:35

Irera’ e n’en ni be yog SOMOL ni Th’abi Tolang: “Bochan e kampag talig kam pi’ ker’um ngog, ere thingar mu fek wenegan e darngal nge falchuway’ ni um tay ngom.”

Joel 1:17

Be yim’ awochngin e woldug u fithik’ e but’ nike mlik’. Ma dariy e grain ni ngan cha’riy, ere fapi naun ni tafen e grain ni dariy ban’en u langgin e ke kireb.

Ezekiel 22:12

Boch e girdi’ romed e be fek puluwon ni nge thang e pogofan. Ma boch i yad e be pi’ e salpiy ni ku ran fulweg, me yin’ e pasent ngay nib pag oren nike mangita’ ngorad kefel’ rograd riy. Ma kar paged talig.” I SOMOL ni Th’abi Tolang e be non.