Isaiah 17:1 - Bible Ni Thothup

¹ I ga’ar SOMOL, “Damascus e dabki mang reb e binaw, bayi par ni ba ulung i dow.

Isaiah 17:1 Referans Kwoze

Zekariah 9:1

Irera’ e thin rok SOMOL: Ke turguy e gechig ni fan ko nam nu Hadrak nge fare binaw nu Damaskus. Gathi kemus ni go’ fapi ganong nu Israel ya kub mu’un fare tochuch nu Syria ngay nib milfan ngak SOMOL.

Isaiah 25:2

Ka mu gathay fapi binaw ma ka mu buthug e pi yoror rorad nib gel ni fan ko mael. Fapi tafen e pilung ni toy e pi to’ogor romad e kan thirif u but.

Acts 9:2

me wenig ngak ni nge pi’ e babyor ngak ni nge weliy e re gi babyor nem murung’agen Saul ngak e girdi’ u lan e pi tafen e mu’ulung rok piyu Israel ni bay u lan yu Damaskus, ni fan e nge pir’eg u rom e pi’in yad be fol ko fare Kanawo’ rok Somol, ma nge yib mat’wun ni nge kolrad nge fekrad, ni pumo’on nge ppin, nge fulwegrad nga Jerusalem.

Mikah 1:6

Ere be ga’ar SOMOL, “Bay gu tay yu Samaria ni bod yu ulung i dow u lan e tafelfel’, nge par ni bangi ban’en ni ngu’un yung e woldug ni grape riy. Bay gu pu’og chachabungen e mogoth ko re binaw nem nga pe’ning ngalan e loway, nge m’ug e def nni toy re binaw nem nga daken.

Jeremiah 49:2

Machane bayi taw nga bingyal’ ni bay gu gagiyegnag nge rung’ag e girdi’ ko fare binaw ni tochuch u Rabbah lingan e mael, bay ni pag yu Rabbah nike mogoth ni yochi binaw riy e kan urfiy nga but’. Ma aram e yu Israel e bay ra sulwegned taferad u pa’ e pi’in ra feked.

Isaiah 7:8

Mangfan? Ya yu Syria e de gel ko fare binaw nu Damaskus ni tochuch rok, ma yu Damaskus e de gel ngak Rezin ni Pilung. Ma yu Israel e ra yan i gaman nel’ i ragag nge lal e duw ma kari me’waer ndabiyag ni nge par rok ni reb e nam.

Genesis 14:15

Me ruw raba’nag e girdi’ rok u rom ngar pired ni kar ruw ulunggad, miyad cham ngak fapi pilung nge salthaw rorad ni nep’ ngar gelgad ngorad. Miyad lol’oegrad ngar mada’gad nga Hobah, ni bay nga lel’och u Damaskus,

Mikah 3:12

Ere yu Zion e bay ni gi’ e but’ riy ni bod bangi ted ni yibe gi’ ni nga ni yung e woldug ngay ni bochan e kireb romed, ma yu Jerusalem e bayi par ni go’ ke puth e naun riy, ma gin nib tolang ni bay e Tempel riy e bayi par ni ba chuwo’ i gargaer.

Isaiah 37:26

“Amog, dawor mu rung’ag ni gag e gu tanomnag gubin e pin’ey ni kab kakrom? Ma gag e gu gagiyegnag ni nge yodro’ e chiney. I gag e gu pi’ gelngim ni ngam gathay e pi binaw ni kan yororiy ni fan ko mael.

Isaiah 19:1

Irera’ e thin u murung’agen yu Egypt. I SOMOL e ke yib ni nge yib nga Egypt, ni be yib u daken bang i manileng nib papey. Ma fapi liyos nu Egypt e be duru’ u puluwon, ma ke mulan’ e girdi’ nu Egypt.

Isaiah 15:1

Irera’ e thin ni murung’agen yu Moab. Binaw nu Ar ngu Kir e nni gathay u lan ta’ab nep’, me aw e cho’ u lan fare binaw nu Moab.

Isaiah 13:1

Irera’ e thin ni murung’agen yu Babylon, ni pi’ Got ngak Isaiah ni fak Amoz.

Isaiah 10:9

Kug kol e pi nug nu Kalno nge Karkemish, nge pi binaw nu Hamath nge Arpad. Kug kol yu Samaria ngu Damaskus.

Isaiah 8:4

Ra dawori yag ni nge pining e re tir nir e Nina’ nge Papa’ ma urngin e pi machaf nu Damaskus nge urngin e chugum nu Samaria e bayi fek e pilung nu Assyria u fithik’ e yargal.”

2 Kronicles 28:23

I pi’ e pi maligach ngak e pi got rok yu Syria, ni aram fare nam nike gel ngak ko mael. Ya ga’ar Ahaz, “Fapi got rok yu Syria e kar ayuweged e pi pilung nu Syria, ere fa’an gu ra pi’ e maligach ngorad ma sana kuyad ra ayuwegneg.” Ren’ey e girengiy e riya’ nga daken nge nga daken e nam rok.

2 Kronicles 28:5

Bochan e denen Ahaz ni Pilung, ma aram me pag SOMOL ni Got rok, e pilung nu Syria nge gel ngak nge fek e girdi’ nu Judah nib yo’or nga Damascus ni yad ba kalbus. I SOMOL e ki pag e pilung nu Israel, i Pekah nib mo’on ni fak Remaliah nge gel ngak Ahaz me li’ ngem’ ra’ay nge rliw’ e biyu’ e salthaw rok nib muthan’rad u lan ta’borran. I SOMOL, ni fare Got ko pi chitamngirad e gagiyegnag ni nge yodroy, ni bochan e girdi’ nu Judah ni ka ra pi’ed keru’rad ngak.

2 Kings 16:9

Ma fulweg rok Tiglath Pileser ko wenig rok Ahaz, e yan nge pi salthaw rok ngar maelgad ngak yu Damaskus ngar koled, miyad thang e fan rok Rezin ni Pilung, mar feked fapi girdi’ nga Kir ni yad bogi kalbus.

Genesis 15:2

Machane me ga’ar Abram, “SOMOL ni Got, uw rogon ni ngam fal’eg wa’athag, ni dariy e bitir ni fakag? Cha’ nra gum’ me mil suwon urngin ban’en rog ngak e Eliezer nu Damaskus.

1 Kronicles 18:5

Nap’an ni l’oeg e pi Syrian nu Damaskus ba raba’ i salthaw ni ngar ayuweged Hadadezer ni Pilung, me mael David ngorad nge thang e fan rok rliw’ nge l’agruw e bbiyu’ e salthaw.

1 Kings 11:24

ma kemang tagagiyeg u barba’ i girdi’ nma togopluw ko motochiyel ko nam. (Ran’ey e buch nga tomuren nike gel David ngak Hadadezer ma ke thang e fan rok e piyu Syria ni ur folgad ngak.) Me yan Rezon nge fa raba’ i girdi’ rok ngar pired u Damaskus, ni aram e gin ni pilungnag pichongin riy, nge mang pilung nu Syria.

Deuteronomy 13:16

Mu kunuyed nga ta’bang urngin e chugum rok fapi girdi’ ni yad ma par u rom ngam ulungyed nga lulukngun fare binaw. Ma aram migmed orfeg fare binaw nge urngin e tin bay riy ni aram e ba maligach ngak SOMOL ni Got romed. Thingar ni pag fare binaw ndakuriy wotan u but’, ma dab kun ngongliy bayay.

Isaiah 7:16

Ra dawori taw ko ngiyal’nem, ma nam ko gali pilung nem ni yow be k’aring e marus ngom e kann’ag.