Isaiah 16:8 - Bible Ni Thothup

⁸ Pi milay’ nib chugur nga Heshbon nge pi milay’ ni grape Sibmah e go’ ke kireb, ireram e pi milay’ ko grape ni i chingaw’ e pi’in ur gagiyeg niged e pi nam ko pi wayin ni i yib riy. Bay bangiyal’ ni garer e pi milay’ nem nge mada’ ko binaw nu Jazer, me yan ko ngek ngalan e ted ni desert, me yang u rom ko ngal nga ba’nem e Dead Sea.

Isaiah 16:8 Referans Kwoze

Isaiah 15:4

Girdi’ nu Heshbon ngu Elealeh e yad be yor ngalang, ni yira rung’ag e meyor rorad nga orel nge taw nga Jahaz. Ni mus ko pi salthaw ni yad be dada’ nike mulan’rad.

Numbers 32:38

Nebo, Baal Meon (ni biney e fithingan e kan thilyeg), ngu Sibmah. Miyad tunguy fithingan e pi binaw nem ni kar fal’eged.

Jeremiah 48:32

Bay gu yornag e girdi’ nu Sibmah, nib gal ko meyor ni gu tay ko girdi’ nu Jazer. Fare binaw nu Sibmah, ga bod kenggin e grape nike yib papa’ngin ke mada’ nga ba’ nem e Dead Sea ke yan i taw nga Jazer. Ma ke chiney ma pi wom’ngin e gek’iy rom u nap’an e yal’ nge grape rom e kan gothgathay.

Isaiah 24:7

Ke mroray kenggin e grape, ma ke lich e wayin. Gubin e pi’in urmed ni yad ba felfelan’ e ke kireban’rad e chiney,

Isaiah 16:9

Ma chiney e gu be yornag e grape nu Sibmah ni bod ni gu yornag yu Jazer. Be map’ lu’ag ni fan nga Heshbon ngu Elealeh, ni bochan e dakriy wom’ngin e woldug nra felan’ e girdi’ ngay.

Isaiah 10:7

Machane emperor nu Assyria e bay e n’en nike tanomnag u lanyan’ nib almarin. Ke mu’ i leamnag rok ni nge gathay bo’or e nam.

2 Samuel 1:21

“Manga yigi siy i aw e n’uw ara wa’angachal nga daken e yungi ted nu Gilboa; manga yigi par daken e ted riy ndab ki tugul ban’en riy. Ya fapi shield ni fen fapi salthaw nib falu’ ko mael e ke par u daken e but’ u rom ni kem’ay fan, fa gi shield rok Saul e daknir gapgepnag.

Joshua 13:25

Gin ni taferad e ba mu’un yu Jazer ngay nge urngin e pi binaw nu Gilead, nge baley ko fare but’ nu Ammon ni yan nge mada’ nga Aroer, ni bay ko ngek u Rabbah;

Joshua 13:19

Kiriathaim, Sibmah, Zereth Shahar ni bay u daken e ted ko fare loway,

Numbers 32:3

“Re gin’ney nike ayweg SOMOL yu Israel kar pired ngay — ni pi binaw nu Ataroth, Dibon, Jazer, Nimrah, Heshbon, Elealeh, Sibmah, Nebo, ngu Beon — e bfel’ ko chugol gamanman, ma gamad e bo’or e gamanman romad.

Numbers 21:32

me l’oeg Moses boch e pumo’on ni nga ranod ngar gayed e re kanawo’ ni bfel’ ni ngar chamgad ko fare binaw nu Jazer. Ma aram me kol yu Israel yu Jazer ngar thabay niged e pi yochi binaw u langgin ngar tulfed e pi Amor ni yad ma par u rom.

Numbers 32:35

Atroth Shofan, Jazer, Jogbehah,