Isaiah 16:5 - Bible Ni Thothup

⁵ Ma aram e reb e pi’in owchen David, e bayi mang pilung, ni bayi gagiyegnag e girdi’ ko yul’yul’ nge t’ufeg. Bayi gur ni nge rin’ e tin nib yal’uw’, me guy ni ngu’un rin’ e tin nib mat’aw.)

Isaiah 16:5 Referans Kwoze

Daniel 7:14

Min pi’ mat’wun ko gagiyeg ni nge tay ma ngan tay fan, ma nge par ni ir e pilung, ya girdi’ u urngin e pi nam, nge pi racha’, nge pi thin e ngu’ur folgad rok. Ma mat’wun ko gagiyeg ni nge tay e bayi par ndariy n’umngin nap’an, ma gagiyeg rok e dabimus.

Mikah 4:7

Kar pired ni kar marwoth gad ma yad ba orel ko nam rorad, machane bay gu tabab i gagiyeg nagrad bayay, ngar manged reb e nam nib gel. Bay gu par u daken e Burey ni Zion ngu’ug gagiyeg nagrad e ngiyal’nem i yan nga m’on ndariy n’umngin nap’an.”

Daniel 7:27

Gelngin nge buguwan nge gagiyeg rok e pi pilung nu fayleng e bay ni pi’ ngak e girdi’ rok fare Got ni Ir e Th’abi Tolang. Gelngirad ni kar manged pilung e dabimus, ma urngin e pi pilung nu fayleng e bay ur pigpiggad ngorad ma yad be fol ko thin rorad.”

Zekariah 9:9

Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.

Proverbs 20:28

Ba pilung e ra i par lungun u gil’ u n’umngin nap’an ni be gagiyeg nib yul’yul’, ma ba mat’aw, ma der lanyan’.

2 Samuel 7:16

Gubin ngiyal’ ni bay um par ni be yib e girdi’ ni owchem, ma bay gu tay e gagiyeg rom ngi i par ndariy n’umngin nap’an. Rogom ni gab pilung ni ga be gagiyeg e dabi m’ay.’”

Amos 9:11

Be ga’ar SOMOL, “Girdi’en e tabinaw rok David ni yad be par ni bod ba naun nike puth e bay gu fulwegrad nga rogorad e rofen nem. Bay gu fal’eg rogon e rungrung riy, mu gu fulweg nga rogon. Bay gu toy bayay nge yan i par ni bod kakrom.

Isaiah 55:4

Gu gagiyegnag nge yog e thin me tay murung’agen e pi nam, mu daken e gu dag ngorad riy gelngig.

Proverbs 29:14

Fa’anra ayweg ba pilung mat’wun e gafgow, mra gagiyeg nib n’uw nap’an.

Psalms 99:4

Pilung nib gel, bt’uf rom e tin nib mat’aw; kam sunmiy e tin nib mat’aw u lan yu Israel; kam fek i yib e tin nib mat’aw ma ba yal’uw.

Psalms 98:9

ni bochan e yib ni nge gagiyegnag e fayleng. Ir e nge gagiyegnag e girdi’ u fayleng nib mat’aw ma ba yal’uw.

Psalms 96:13

nap’an ni bayi yib SOMOL ni nge gagiyegnag e fayleng. Bayi gagiyegnag girdi’en e fayleng nib mat’aw rogon, ma dabi laniyan’.

Psalms 89:14

Gagiyeg rom e ntoy nga daken e mat’aw nge yal’uw; t’ufeg nge yul’yul’ e be m’ug ko urngin e ngongol rom.

Psalms 85:10

T’ufeg nge yul’yul’ e yow ra mada’; mat’aw nge gapas e yow ra gamuchmuch nga ta’bang.

2 Kronicles 31:20

Me rin’ Hezekiah ni Pilung e tin nib mat’aw ma bm’agan’ SOMOL ni Got rok ngay u daken yu Judah ni ga’ngin.

1 Kings 10:9

Ke sorok SOMOL ni Got rom! Ya ke dag ni ga be par ni gab fel’ u wan’ ya ke tem ni gur e pilung nu Israel. Bochan e be par nrib t’uf yu Israel rok ndariy n’umngin nap’an, ma ke pilung nigem ni ngu’um gagiyeg nib yal’uw ma bfel’ ngak e girdi’.”

2 Samuel 23:3

Fare Got nu Israel e ke non, en nma yoror rok piyu Israel e ke ga’ar ngog: “Re pilung nma gagiyeg nib yal’uw e ngongol rok, mma gagiyeg ni bay madgun Got u wan’

2 Samuel 5:9

Me par David u lan fa gin’en nni yororiy ni fan ko mael me tunguy fithingan ni Binaw rok David. Me longobiy ko yoror ni fan ko mael, ni mus ko yoror nu Millo nge yib i mada’ ko gin ni bay tafen e pilung riy.

Isaiah 33:22

Urngin e rigin ni bay u daken e pi barkow nem e ra par nib m’ay fan; ma lay riy e dabiyag ni ngan pithig! Bay da feked gubin fel’ rogon rok e pi to’ogor rodad, ni kaygi pire’ ni mus ko girdi’ ni mugutgut ma yira pi’ e f’oth rorad riy. I SOMOL e ra mang pilung rodad; Ir e bay i gagiyeg nagdad mi i yoror rodad.