Isaiah 16:12 - Bible Ni Thothup

¹² Girdi’ nu Moab e thay porowrad ko yan nga daken e burey nga tagil’ e meybil nge lan e pi tempel rorad ko meybil, machane dariy ban’en riy ni bfel’ ngorad.

Isaiah 16:12 Referans Kwoze

Isaiah 15:2

Me yan e girdi’ nu Dibon ngalang ko burey ngu’ur yorgad u tagil’ e meybil. Girdi’ nu Moab e ur gogo’ naged e gafgowan’ rorad ni bochan yu Nebo ngu Medeba; ra pupuyed lolugenrad nge soroberad u fithik’ e gafgowan’.

Jeremiah 48:35

Bay gu taleg e girdi’ nu Moab ndab kur ngongliyed e maligach ni mo’oruf ko yung i tagil e meybil rorad nge maligach ni yad ma pi’ ko pi got rorad. I Gag SOMOL e kugog e pi thin ney.

1 Kings 18:29

Miyad par ni yad be non ni ba ga’ lamrad nge thig e yal’; machane de yib e fulweg ko meybil rorad, ma da nrung’ag ba lam ni non.

Numbers 23:28

Me fek Balak Balaam nga p’ebugul e burey ni Peor, ni yira par riy ma yibe guy daken e ted ni desert.

Numbers 23:14

Me fek ngranow nga daken bangi flang u Zofim ni bay u p’ebgul e Burey ni Pisgah. Miki ubung medlip e altar u rom, mra reb fapi altar miki maligachnag reb e garbaw ni pumo’on nge reb e saf ni pumo’on u daken.

Numbers 22:39

Me un Balaam ngak Balak ngranow ko fare binaw nu Huzoth.

Jeremiah 48:46

Ke gafgow e girdi’ nu Moab! Ni girdi’ ni yad ma tay fan Kemosh e kan thang owcharad, ma pumo’on ni pifakrad nge ppin e kan fekrad ni kalbus.

Jeremiah 48:13

Ma aram e piyu Moab e bay ra tamra’gad ko fare got rorad i Kemosh, ni ri bod piyu Israel nra tamra’gad ngak Bethel, ni fare got ni i pagan’rad ngak.

Jeremiah 48:7

“Gur yu Moab, e ke pagan’um nga gelngim nge fel’ rogon rom, ma mus ngom e chiney ma bay ni kolem; fare got rom i Kemosh e bay ni fek ngabang, nib chagil e pi tolang rok ngak nge pi prist.

Jeremiah 10:5

Mitney e liyos e bod e liyos ni yima tay u milay’ ko mayis; ni dabyag ni nge non; thingar unchibiy ngu’un fek ni bochan e dabyag ni nge yan. Dab mu rus gad ngay: dabyag ni nge maad’ad ngomed, ma dariy ban’en ni bfel’ nrayag ni nge rin’ ngomed.

Isaiah 47:13

Gab me’waer nike mayfan e fanow ni yag ngom. Mu pag e pi’in yad ma bon ko t’uf ngarbad ra aywegned gur picha’nem ni yad ma fil murung’agen e t’uf, ni pi’in ma fal’eg babyoren e mathil ko pi tharmiy ma urogned ngom u reb e pul ngu reb e n’en ni bayi buch rom.

Isaiah 37:38

Me reb e rran ni be meybil Sennakerib u lan e tempel ko birok e got ni aram Nisrok, me yib l’agruw i pumo’on ni fak ni aram e Adrammelek nge Sharezer ngar li’ew ko saydon ngem’, miyow mil ko nam nu Ararat. Me yan Esarhaddon nib mo’on ni fak nga luwan nge mang emperor.

Isaiah 26:16

SOMOL, ka mu gechignag e girdi’ rom, mu fithik’ e gafgow e yad be meybil riy ngom.

Proverbs 1:28

Ma aram e bay mu pininged e gonop, ma dab gu fulweg lungumed. Ra mu gayed gag u gubin yang, ma dab mu pir’eged gag.

2 Kings 19:12

Pi ga’ rog kakrom e ra gathayed e pi binaw nu Gozan, ngu Haran, ngu Rezef, miyad thang e fan ko girdi’ u Betheden ni ur pired u lan yu Telassar, ma dariy reb e pi got rorad ni yag ni nge ayuwegrad.

2 Kings 3:27

Ma aram me fek e bin nth’abi nganni’ ko pumo’on ni fak, ni ir e ra yan nga luwan nge mang pilung, me pi’ u daken e yoror ko fare binaw nib maligach ngak fare got nu Moab. Mri rus fapi Israel ma aram mar chuwgad ko fare binaw ngar sulod ko nam rorad.

1 Kings 11:7

Mu daken e burey ko ngek u Jerusalem e ubung bangi ban’en riy ni ngu’un tayfan Kemosh riy, ni fare got ni sonogor nu Moab, nge bang ni ngu’un tayfan Molek riy, ni fare got ni sonogor nu Ammon.

Numbers 24:17

Kug guy e tin bay nga m’on e rran, ma kug guy yu Israel. Ba’ ba pilung ni bod ba t’uf ni ba ga’ ram’en ni bayi sum rorad. Rogon ba t’uf ni ba ga’ ram’en e aram rogon ni bayi yib rok yu Israel. Bayi li’ e pi’in yad ma yog e thin rok yu Moab, me thirif u but’ urngin e pi’in yad ba uf ma yad ma togopluw.

Numbers 22:41

Me kadbul me fek Balak Balaam ngranow nga bang nib tolang u Bamoth Baal. Yu rom e ra changar Balaam riy me guy boch piyu Israel.

Numbers 21:28

Immoy bingyal’ ni re binaw nem nu Heshbon e yan e salthaw rok Sihon riy nga m’on ni gowa ba nifiy; I gathay fare binaw nu Ar u lan yu Moab Me ful’ e yochi burey ni bay nga talang u Arnon.

Isaiah 16:13

Irera’ e thin ni pi’ SOMOL ni somm’on u murung’agen yu Moab.