Isaiah 16:10 - Bible Ni Thothup

¹⁰ Chiney e dakriy be’ ni be felfelan’ u lan fa yungi flang nib yung’ol. Dakriy be’ ni be tolul ara be tang u lan fapi milay’. Dariy be’ ni be pirdi’iy e grape ni nge ngongliy e wayin riy; laman e felfelan’ e dakriy.

Isaiah 16:10 Referans Kwoze

Jeremiah 48:33

Felfelan’ nge uf e kan chuweg ko fare nam nu Moab nib yong’ol but’an. Kug taleg l’ogwen e wayin ni yibe pirdi’iy; dakriy be’ ni nge ngongliy e wayin me tolulnag e felfelan’.

Amos 5:17

Be ga’ar SOMOL, “Bay un yor u fithik’ urngin yang e milay’ ni grape, ya bay gub ni ngug gechig nagmed.”

Amos 5:11

Gimed be gafgownag e pi’in gafgow gimed be fek e grain rorad u yargal. Ere bay dab kum pired u lan e pi naun ni bfel’ ni malang e mu ngongliyed ngay, ara mu unumed e wayin ko yungi milay’ ko grapes ni bfel’ ya’an nim yunged.

Judges 9:27

Mranod nga ted ngar kunuyed e grape, ngar ngongliyed e wayin riy, miyad tay ba madnom. Ranod ngalan e tempel ko got rorad, ngu’ur abichgad ma yad be garbod ma yad be makak’arnag Abimelek.

Zefaniah 1:13

Urngin e tin ke fel’rogorad riy e bay ni fek u fithik’ e yargal min thirif e pi naun rorad u but’. Dabkur pired bi’id ko pi naun ni yad be toy ara ra unumed e wayin ni bay yib u wom’ngin fa yungi woldug ni grape ni yad be yung.”

Isaiah 32:10

Kam pired e chiney ni bfel’ rogomed, machane ngiyal’ney ko binem e duw e bay mpired nike magafan’med, ya dariy wom’ngin e woldug romed ni grape ni ngam t’ared ngam ayuweged nga naun.

BABYOR NI JOB 24:11

Yad ma uduy e olive ni nge yag e oil riy, nge grape ni nge mang wayin, ma yad e yad be yim’ ko balel.

Isaiah 24:11

Girdi’ e be tolul u lan e yupa’ i kanawo nib ga’ ni bochan e wayin ni dakuriy. Felfelan’ e ke chuw ni dabki sul bi’id; ya kan chuweg u daken fare binaw.

Joel 1:12

Fa yu ke grape nge gek’iy ni fig e ke l’ud, ma gubin e gek’iy nma k’uf e ke mororoy ke yim’. Ke chuw e felfelan’ ko girdi’.

Amos 9:13

Be ga’ar SOMOL, “Bay reb e rran ni bay taw ngay ni bayi ilal e grain nib papey boch nga payngin ni yi be t’ar wom’ngin, ma grape e ra tugul nib papey boch nga payngin ni yibe ngongliy e wayin riy. Pi burey e bay i lul’ e wayin ni bfel’ lamen riy, me tharey e yochi burey.

Ezekiel 7:7

Tungun e ke anog ngomed e girdi’ ni gimed be par ko re nam ney. Ke chugur ko ngiyal’ ni dab kun madnom ko pi tagil’ e meybil u daken e burey, kemus ni bay mu pired nike wagagay lanin’med.