Isaiah 14:9 - Bible Ni Thothup

⁹ “Fayleng ko yam’ e ke fal’eg rogon ni fan ko wub rok fare pilung nu Babylon. Pi kan rok e pi’in immoy nib gel gelngirad u fayleng e ke mada’ ufrad ngalang. Ma pi ya’al rok e pi pilung e kar sak’iygad u tagilrad.

Isaiah 14:9 Referans Kwoze

Jeremiah 50:8

“Girdi’ nu Israel, mmilgad u Babylon! Mu chuwgad ko re nam nir! Gimed e som’on ni ngam chuwgad!

Proverbs 15:24

Girdi’ nib gonop e be yan ko kanawo’ nib sor ngalang ko yafos, ma gathi ba kanawo’ ni sor nga but’ ko yam’.

Isaiah 5:14

Fayleng ko yam’ e ke par ni be son nagrad, kefal langan nib ga’. Ni be ful’ e pi tayugang’ nu Jerusalem nib mu’un e yug girdi’ ngay ni yad be mayngar.

Ezekiel 26:20

Ma aram e bay gu l’oegem nga’ar ko fayleng ko yam’ ngam pired fapi girdi’ ni urmed kakrom. Bay gu tem u rom ko fare fayleng u tan e but’ u fithik’ e tin ke mogoth ni dariy n’umngin nap’an, ni nge mang gimed e pi’in ni karm’ad e ngu’um puruy’gad. Ma aram ma ga par ni gab binaw ni dakriy be’ riy ma dabkiyag ni ngam sul ko gin ummoy riy ko fayleng rok e pi’in nib fos.