Isaiah 14:29 - Bible Ni Thothup

²⁹ Gimed e girdi’ nu Filistia, fare dumow ni aw ngomed e ke m’ing, machane dariy rogon ni ngam felan’gad. Nap’an ra yim’ reb e parchoyog, me yib reb nga luwan ni ka ba gel feni kireb. Tamango ko parchoyog e ra pil ma ba dragon nma changag.

Isaiah 14:29 Referans Kwoze

Isaiah 30:6

Ba’aray e thin nike yog Got ni murung’agen e pi gamanman nma par ko fa gi ted ni desert ni bay ko yimuch ni be ga’ar: “Pi’in owchen e nam nga reb nam e yad be milekag u daken e ted ni yad be yan u thathren e riya’, ya bay e gamanman ni layon riy, nge porchoyog ni bay e yub u l’ugun, nge dragon nma changeg. Ka ra sug niged daken keru’ e gamanman rorad ni dongki nge kamel ko tow’ath nib tolang puluwon ni tow’ath rorad ngak ba nam ndabiyag ni nge pi’ e ayuw ngorad.

Isaiah 11:8

Mus ko bitir ni ka ba’achig ndabi buch ban’en rok ni fa’anra i fafal nib chugur ngak ba porchoyog ni bay e yub u l’ugun.

2 Kronicles 26:6

Me m’ag Uzziah e mael ngak piyu Filistia. Me buthug nga but’ e yoror ko fapi binaw nu Gath, ngu Jamnia, ngu Ashdod, miki fal’eg boch e binaw nib gel ni fan ko mael u to’oben yu Ashdod nge gin kabay u Filistia.

Zefaniah 3:11

Gimed e girdi’ rog, re ngiyal’ i n’em e bayi dab kum tamra’gad ni um togopluwgad ngog. Bay gu chuweg e pi’in yad ba tolngan’ nge pi’in yab ba fenuwan’, ma gimed e dakriy e ngiyal’ ni gimed ra togopluw ngog u daken fare burey rog nib thothup.

Mikah 7:8

Pi to’ogor rodad e dariy rogon ni ngar girig gad ngodad. Kad mulgad machane bay kud sak’iy gad bayay. Gadad be par u fithik’ e lumor e chiney, machane SOMOL e bayi pi’ e tamilang ngodad.

Obadiah 1:12

Thangri dab mu girig ngak pibe’ rom nu Judah ko buch wa’athan ni kar ted. Thangri dab mu felfelan’ e rofen nem ni pil nga pa’rad. Thangri dab mu minmin ngorad ko buchbuchan’ ni kar ted.

Hosea 9:1

Girdi’ nu Israel, mu talgad ko mur ko pi madnom romed ni bod e pi’in nde nang Got. Kam pi’ed keru’med ko Got romed ma dakumur yul’yul’gad ngak. Gubin yang u lan e re nam ney ma kam pi’ed gimed riy nchuway’ ni bod e pi’in yad ma pi’edyad nchuway’ ngak fare got ni Baal, ma kam adaged e grain ni gimed be leamnag ni aram puluwonmed nike pi’.

Ezekiel 35:15

nri bod rogon ni u mu felfelan’ ko mogoth ni tay yu Israel ni gag e suwog. Burey nu Seir, nge ga’ngin e nam nu Edom, e bayi mogothgoth. Ma aram e bayi nang gubin e girdi’ ni Gag fare SOMOL.”

Ezekiel 26:2

Ni ga’ar, “Fak e girdi’, irera’ e n’en ni be felfelan’ e girdi’ nu lan e binaw nu Tyre ngay. Yad be tolul ni be lungrad, ‘Ke puth yu Jerusalem! Dakuriy gelngin ko siyobay! Dakriy e ngiyal’ nra magawon nagdad.’

Proverbs 24:17

Dabi felan’um ko ngiyal’ nra mada’nag e to’ogor rom e riya’, ma dab mu girig ko ngiyal ni yad ra dol’.

2 Kronicles 28:18

Ma ku ngiyal’ n’ey e ku be cham piyu Filistia ngak e yuchi binaw nu enggin e burey ko ngal ngu lan e yimuch u Judah. Ngar feked u fithik’ e yargel fapi binaw nu Beth Shemesh, Aijalon, Gederoth, nge pi binaw nu Soko, ngu Timnah, ngu Gimzo nib mu’un e yuchi binaw u to’obrad ngay, me par piyu Filistia u rom nda kura chuwgad.

2 Kings 18:8

Me gel ngak e pi Filistine nge wodmang u lan e gin ni yad ma par riy, ni tabab ko bin nth’abi achig e binaw me yan ni mada’ ko bin nth’abi ga’ e binaw, nib mu’un yu Gaza ngay nge yungi binaw nib liyeg.

Joshua 13:3

ma ku errogon gubin yang e binaw rok yu Avvim ni bay ko yimuch. (Fare gi binaw ni tabab ko fa chipa’ i lul’ ni Shihor, ni bay ko mathil rok yu Egypt, me yan ko lel’och nib orel nge mada’ ko mathil u Ekron ni yima tay ni tafen piyu Kanaan; pi pilung rok yu Filistia e yad ma par u Gaza, ngu Ashdod, ngu Ashkelon, ngu Gath, ngu Ekron.)

Numbers 21:8

Me yog SOMOL ngak Moses ni nge ngongliy ba porchoyog ni wasey nge tay nga p’ebgul ba ley i gek’iy ni fan e nge k’ad e porchoyog be’ ni yan i changar ko re porchoyog ni wasey nem ma dabki yim’.

Isaiah 2:6

Got, ka mu n’ag e girdi’ rom, ni pi’in owchen Jakob! Fare binaw e ke suguy ngonglen e pi bey ko pi nam nu lan e ngek nge pong thagith ni bod yu Filistia. Girdi’ e yad be folwok u yalan boch e nam.

Isaiah 11:14

Ma bay ra chagil gow ngar togopluwgow ngak yu Filistia ko ngal miyad fek u yargal e chugom ko girdi’ nma par ko ngek. Miyow gal ko girdi’ nu Edom ngu Moab, me par e girdi’ nu Ammon ni yad be fol rorow.

Isaiah 14:31

Gimed gubin e binaw nu Filistia ni bay um gawolgad ngalang ma gimed be yornag e ayuw! Mu rusgad ni gimed gubin! Be yib byil’ i ath ko lel’och ni barba’ i salthaw ndariy buchu’uw i marus rorad.

Jeremiah 47:1

U m’on ni nge cham fare pilung nu Egypt ko yochi binaw nu Gaza, me yog SOMOL ngog ni ngugog ngak piyu Filistia:

Lamentations 2:17

I SOMOL e ke rin’ n’en ni yog nra rin’: Ke gechig nagdad ndaki wurngan’, ni bod ni yog ngodad kakrom. Ke pag e pi to’ogor ke gel ngodad, ni kar uf uf gad ko waer ni kadted.

Ezekiel 25:15

I SOMOL ni Th’abi Tolang e ga’ar, “Piyu Filistia e yug ra puthuyed e falbiy ngak e pi to’ogor rorad ngar gafgow nigedyad u fithik’ e fananikan rorad.

Joel 3:4

“Gimed yu Tyre, nge yu Sidon, nge yu Filistia ni ga’ngin, mang e gimed be guy rogon ni ngam rin’ed ngog? Mogned, gimed be guy rogon ni ngam fulweged taban ban’en ngog? Fa’anra er rogon ni gimed be leamnag, ma bay gu fulweg taban ngomed ni papey!

Amos 1:6

Be ga’ar SOMOL, “Girdi’ nu Gaza e kar denen gad bayay nge bayay. Ri bay gu gechig nagrad, ya kar feked girdi’en reb e nam ni polo’ kar pi’ed nchuway’ ngak e girdi’ nu Edom ni ngar manged sib.

Amos 1:8

Bay gu chuweg e pi’in yad be gagiyeg ko pi binaw nu Ashdod ngu Ashkelon. Bay gu gechignag e binaw nu Ekron, ma urngin piyu Filistia ni kar mageygad e bay ram’ad.”

Zefaniah 2:4

Dariy be’ nra magey u lan fare binaw nu Gaza. Ma fare binaw nu Ashkelon e bay ni pag ndabki par be’ riy. Girdi’ nu Ashdod e bay ni tulufrad nga wuru’ fare binaw u ta’ab ngiyal’. Ma fare binaw nu Ekron e bay kun tuluf e girdi’ riy.

Zefaniah 2:5

Bilig t’ay e gafgow e kam ted e girdi’ nu Filistia, gimed e girdi’ ni gimed ma par u dep’el’ay. Ya SOMOL e ke pag e gechig ni nge aw ngomed. Bayi thang owchamed, ni dabi magay be’ nib fos.

Zekariah 9:5

Fare binaw nu Ashkelon e ra guy e ran’ey me rus ngay. Fare binaw nu Gaza e ra guy me gafgow ko amith nib gel. Ma ku arrogon yu Ekron, ni dabki pagan’ ko pin’en ni i lagan’ ngay. Gaza e bayi par ni dakriy e pilung riy, mu Ashkelon e bay ni pag ni dakriy e wulgo’ riy.