Isaiah 14:27 - Bible Ni Thothup

²⁷ I SOMOL ni Gubin ma Rayag Rok e turguy ni nge rin’ e ran’ey; ke k’iyag pa’ ni nge gechig, ni dariy be’ nrayag ni taleg.

Isaiah 14:27 Referans Kwoze

Isaiah 43:13

I gag e Got, ma gubin ngiyal’ ni bay ug par ni Gag e Got. Dariy be’ nrayag rok ni nge thay u gelngig; dariy be’ nrayag rok ni nge thiliyeg e n’en ni gu be rin’.”

BABYOR NI JOB 23:13

Got e der ma thil. Dariy be’ nrayag ni nge togopluw ngak ara taleg ndabki rin’ e tin ni ba’adag ni nge rin’.

2 Kronicles 20:6

me meybil nib ga’ laman ni ga’ar, “A SOMOL ni Got rok e pi chitamngimad, u tharmiy e ga bay riy ni ga be gagiyegnag gubin e nam u fayleng. Gur e ba gel gelngim ma ga ba gel, ni dariy be’ nrayag rok ni nge togopluw ngom.

Proverbs 21:30

Gonop ko girdi’, nge tamilangan’, nge nangan’ — e dabi ayuwegnem ni fa’anra ba togopluw SOMOL ngom.

BABYOR NI JOB 9:12

Ma fek e tin ba’adag, ma dariy be’ nrayag ni taleg; ma dariy be’ ni m’ath dugwan rok ni nge fith ngak ni nge ga’ar, “Ba mang e ga be rin’?”

Roma 8:28

Urngin e pi’in ke piningrad Got ko tin be leamnag ni pi’in nib t’uf Got rorad, e gadad manang nma ayuwegrad Got nge pingeg urngin ban’en nge fel’ ngorad.

Proverbs 19:21

Bo’or e pin’en ni be tanomnag e girdi’ u lanin’rad, machane laniyan’ SOMOL e ra aw nga rogon.

Psalms 33:11

Machane tin ke tanomnag e ndariy n’umngin nap’an, ma tiriggil rok e ma par ni manemus.

Roma 8:31

Mang e bay ni kagadad ra weliy u murung’agen e pin’ey? Fa’anra bay Got u ba’ rodad, me mini’ e rayag rok ni nge togopluw ngodad?

Jeremiah 4:28

Bayi yor e fayleng; ma lanelang e bayi lumor. I SOMOL e be non ni dabi thilyeg lanyan’. Ke turguy e tin nge rin’ ni dabi sulsul riy nga tomur.

Isaiah 46:11

Gu be pining be’ nib mo’on ni nge yib u ngek; bay yib ni bod ba arche’ ni pag ir nge yib nga but’ ni nge kol ban’en, me rin’ e tin kem’ay i leamnag rog. I gag e kug non, ma tin kugog e bay nrin’.

Isaiah 23:9

I SOMOL ni Gubin ma Rayag Rok e tanomnag. I tanomnag ni fan e nge museg e tolngan’ rorad ko n’en ni kar rin’ed me sobut’nag e pi’in yad ma tayfan.

BABYOR NI JOB 40:8

Mog, ga be guy rogon ni nge m’ug ni gu ba kireb me par ni gur e ga ba manigil?

Isaiah 9:12

Syria ko ngek me Filistia ko ngal e kar falew langrow ni ngar ful’ew yu Israel. Ni yugu aram rogon ma damumuw rok SOMOL e daworimus; kab k’iyeg pa’ ni nge gechig.

Jeremiah 51:59

Serayah e ir e ta’ayuw rok Zedekiah ni Pilung, i Serayah e be’ nib mo’on ni fak Neriah nib mo’on ni fak Mahseyah. U lan e bin aningeg e duw nike pilung Zedekiah u Judah, me un Serayah ngak nga ranow nga Babylon, mu gog boch ban’en ngak ni nge rin’.

Jeremiah 44:28

Machane ri’in i gimed e ra thay ko yam’ nge sul u Egypt nga Judah. Ma aram e fapi girdi’ ni de yim’ e bay ra nanged ko mini’ e yib i m’ug e thin rok nib riyul’, ko gag fa yad.

Jeremiah 49:20

Ere mmotoyilgad nga rogon ni kug tanomnag ni nggu togopluw ko girdi’ nu Edom, nge n’en ni ku gu leamnag ni nggu rin’ ko girdi’en fare binaw nu Teman. Mus ngak pifakrad ni bay ni chuwegrad, ma gubin e girdi’ nra rus.

Ezekiel 26:14

Bay gu pag ta’ab malang u but’ ndariy ban’en u daken ni aram e gin bay i gilk’ad e pi tafita’ e nug rorad riy. Fare binaw e dariy bi’id ni ku yira ubung. I Gag SOMOL ni Th’abi Tolang e gu be non.”

BABYOR NI JOB 11:10

Fa’anra oloboch Got ngom nge fekem i yan ko puf oloboch, me mini’ e bay u rom nra taleg?

BABYOR NI JOB 42:2

SOMOL, gu manang ni gubin mrayag rom; ni gubin e tin ga ra finey mrayag rom ni ngam rin’.

Isaiah 8:10

Mu tanom niged rogon ni ngam gelgad, machane dabi fel’. Mu feked gubin e tin gimed ba’adag! Machane rib m’ayfan, ya Got e bay romad.