Isaiah 14:19 - Bible Ni Thothup

¹⁹ machane gur e dariy e malang rom, ldow rom e kanon’ nga wean ni nge meal. Nike uponguy e ldow ko pi salthaw nli’rad u tan e mael, kanin’med ngalan ba low ni go’ malang kan yotyotmed nga but’.

Isaiah 14:19 Referans Kwoze

Jeremiah 41:9

Fare luwed ni yin’ Ishmael e ldow rok fapi pumo’on ngay ni li’rad e rib ga’ ni ker Asa ni Pilung u nap’an ni mael Baasha ni Pilung nu Israel ngak. Ishmael e suguy fare luwed ko fapi ldow.

Jeremiah 41:7

Ma yug nap’an nra tawgad ngalan fare binaw, me thang Ishmael nge fapi pumo’on e pogofan rorad nga ron’ed yad ngalan ba luwed.

Ezekiel 32:23

ma low rorad e bay u lan e gin th’abi to’ar ko fayleng ko yam’. Urngin e salthaw rok ni yim’ u fithik’ e mael, e ba langbiy e malang rorad e birok’ e malang. Immoy bingyal’ ni ur karnged e marus u daken e binaw ko pi’in yad bfos.

Jeremiah 22:19

Yira k’eyag ni bod ba dongki, bay ni girengiy e dagur rok ngan garpay nga wuru’ e pi garog nu Jerusalem.”

Jeremiah 16:6

Pi’in yo’or ban’en rorad nge pi’in dariy ban’en rorad e yad ra yim’ u daken e re but’ ney, machane dariy be’ nra k’eyagrad fa yor nagrad. Ma dariy be’ nra th’ab downgin fa puy piyan lolgen ni nge dag nike kirban’.

2 Kings 9:25

me ga’ar Jehu ngak Bidkar ni ta’ayuw rok, “Mu fek e ldow rok nga mun’ nga daken fare gi flang rok Naboth. Kagmanang nnap’an ni u darow u os u ta’bang u keru’ e chitamngin Joram ni Pilung ni aram Ahab, me yog SOMOL e pi thin ni ba’aray nib togopluw ngak Ahab ni ga’ar:

1 Kings 21:24

Ma girdi’ ko tabinaw rom ni bay yim’ u lan binaw e bayi longuyrad e pilis, ma tin bay yim’ u daken e tafelfel’ e bayi longuyrad e arche’ ni vulture.” (

1 Kings 21:19

Mog ngak ni gag SOMOL e be lungug ngak, ‘Mog, kam thang e pogofan rok Naboth, ma ngkum fek tafen ngam tafnay?’ Mog ngak ni be lungug, ‘Gin’en ni i lil’ e pilis racha’en Naboth riy e ireram e gin ku bayi lil’ e pilis e racha’ rom riy!”

Isaiah 5:25

I SOMOL e ke damumuw ko girdi’ rok ma ke k’iyag pa’ ni nge gechig nagrad. Pi burey e bayi rur ma downgin e pi’in karm’ad e bay nn’ag ni bod e dow u lan e pi kanawo’. Yug aram rogon ma damumuw rok SOMOL e dawori mus, ya ka be par pa’ nib k’iy ni nge gechig.

Isaiah 13:15

Arorad ni yira kol e ran rugoy e saydon ngak nge math e pogofan rok.

Isaiah 14:18

Gubin e pilung u fayleng ma ka ni k’eyagrad ngalan e low ko yam’ rorad ni bfel’usun,

Isaiah 34:3

Pi ldow rorad e dab ni k’eyag, ma bayi par downgirad u but’ nge meal nge kireb bon; pi burey e bayi row ko racha’ rorad.

Jeremiah 51:4

Bay ra maad’adgad ngarmad’ u lan e yupa’ i kanawo’ ko pi binaw rorad.

Ezekiel 32:27

Dan tay fan e gum’eyag rorad ni bod e gume’yag rok e pi’in nib gilbugwan kakrom, ni yima k’eyagrad ngaranod ko fayleng ko yam’ nib mu’un talin e cham rorad ngorad, pi saydon rorad e yima tay nga tan lolugenrad ma yung i shield rorad e yima ta’ nga daken e ldow rorad. Yad bogni’ ni yad ba gilbugwan nib gaman gelngirad ni ur karnged e marus ko pi’in nib fos.