Isaiah 13:19 - Bible Ni Thothup

¹⁹ U Babylonia e th’abi fel’usun u fithik’ e pi gagiyeg ni bay ufan u daken e pi girdi’ rok. Machane, I Gag SOMOL, e gu ra gathay yu Babylon ni bod ni gu rin’ nga Sodom ngu Gomorrah!

Isaiah 13:19 Referans Kwoze

Daniel 4:30

me ga’ar, “Kari gilbuguwan yu Babylon! I gag e gu muruwliy ni nge par ni ir e ba ga’ u fithik’ e pi binaw rog ni ngi i dag gelngin nge rogon e gagiyeg ni gu be tay, nge feni sorog nge fanag pilung.”

Genesis 19:24

me pag SOMOL e sulfur ni be yik’ nge mul u lanelang nga daken yu Sodom nge yu Gomorrah.

Zefaniah 2:9

Rogon ni gu be par ni Gag SOMOL ni gub fos ni Got rok yu Israel, e gu be micheg nu Moab ngu Ammon e ngan thirif u but’ ni bod yu Sodom ngu Gomorrah. Bayi par nike sug nag e low ni go’ sol ni dabki fel’ bi’id, nike polo’ i pan. Ma tin ni magay ko girdi’ rog e bay ra giliw nigedrad ngar feked e binaw u pa’rad.”

Amos 4:11

“Gu thang owchen bochi gimed ni bod ni gu thang owchen yu Sodom ngu Gomorrah. Pi aromed ni de yim’ e yad bod ba ley i l’ud ni be yik’ min laeg u mit e nifiy. Machane ku da msulod ngog,” I SOMOL e be non.

Jeremiah 51:41

I ga’ar SOMOL u murung’agen yu Babylon: “Fare binaw ni i yog e fayleng e sorok ngay e kan kol! Kari aw yu Babylon nga bang u mit e pi nam!

Jeremiah 50:40

Ta’reb rogon e n’en nra buch u Babylon ko tin ni buch u Sodom ngu Gomorrah, u nap’an ni gu ra kireb nagrad nge yochi binaw nib chugur ngay. Dariy be’ ni ku ra par u rom bayay. I Gag SOMOL e kugog e pi thin ney.

Jeremiah 49:18

N’en ni buch rok yu Sodom ngu Gomorrah e aram rogon nra buch rok yu Edom, ni fa’an gubin e yochi binaw u charrow i yan e un ngorow ko mogothgoth. Dakriy be’ ni ku ra par u rom u Edom bayay. I Gag SOMOL e kugog e pi thin ney.

Deuteronomy 29:23

Pi yungi milay’ e bayi par ndakuriy ban’en ni bfel’ ngay ya ke upunguy e sulfur nge sol. Dariy ban’en ni yira yung riy, mus ko pan ma ku dabki tugul riy. Nam romed e bayi par nike bod fa gali binaw nu Sodom ngu Gomorrah ni bay u Admah ngu Zeboiim, ni fa’a ni thirif SOMOL u but’ ko fangiyal’ ni kari damumuw.

Roma 9:29

Ni bod rogon ni ka’a yog Isaiah ni ga’ar, “Somol ni Gubin ma Rayag Rok, e fa’an mang e de tay boch e girdi’ ni owchen pi chitamangidad ngar pired ma kad boded yu Sodom nge yu Gomorrah.”

Revelation 18:11

Ma girdi’en e tafolchuway’ nu fayleng e ku ri yor niged miyad dololoy’nag, ni bochan e dakuriy be’ ni ka be chuw’iy e chugum rorad;

Revelation 18:19

Miyad wereg e ab nga fithik’ i lolugrad, miyad yor ma yad be dololoy’ ni be lungurad, “Kari gafgow fare binaw nib gilbuguwan! Yi ir fare binaw ni urngin e girdi’ ni bay e barkow rorad ni be yan u maday e yo’or ban’en rorad ko fel’ rogon rok! Ma ke mul urngin ban’en u pa’ u lan ta’reb e awa!”

Genesis 19:25

Ma aram me kirebnag SOMOL e gal binaw nem nge fare loway ni ga’ngin, nib mu’un urngin e girdi’ ngay ni be par u lan fa gal binaw nge urngin ban’en nike tugul u daken e but’ u rom.

Isaiah 13:1

Irera’ e thin ni murung’agen yu Babylon, ni pi’ Got ngak Isaiah ni fak Amoz.

Isaiah 21:9

Aray e karbad! Ni girdi’ ni be yan u daken e os ni kar fochgad ni lal’agruw. Me pi’ fare matnag e thin nge yib, “Ke mul yu Babylon! Gubin e liyos ni yad ma tayfan e ke wagay u but’.”

Isaiah 47:5

Be ga’ar SOMOL ngak yu Babylon, “Mu par nib math gulngam u fithik’ e lumor; dakriy e ngiyal’ ni ku yira piningem ni gur fare bpin ni pilung ko pi nam!

Isaiah 48:14

“Mu’ulunggad ngam motoyilgad, ni gimed gubin! Dariy reb e got ni yag ni nge yi’iynag ni fare mo’on ni gu mel’eg e ra cham nga Babylon; ni bayi rin’ e n’en ni gu ba’adag ni nge rin’.

Jeremiah 25:12

Tomuren e bay gu gechignag yu Babylon nge pilung riy ni bochan e denen rorad. Bay gu buthug e re nam nem nggu pag ni dakriy e wulgo’ riy bi’id.

Jeremiah 51:26

Dariy reb e malang ko tin ke puth romed ni kuyra fanay bayay ko naun. Bay mu boded bang i daken e ted ni desert ni dariy n’umngin nap’an. I Gag SOMOL e kugog e pi thin ney.

Jeremiah 51:29

Be duru’ e but’ ma be rur ni bochan SOMOL e ke rin’ e n’en nike tanomnag ni nge tay yu Babylon ni bang i daken e ted ni desert, ni dakriy be’ nra par riy.

Jeremiah 51:62

Ma aram ma ga meybil ni nge lungum, ‘SOMOL, kamog ni ga ra kirebnag e re gin’ey, nge par ni dakriy e yafos riy, ni girdi’ nge gamanman, me bod bang i daken e ted ni desert ni dariy n’umngin nap’an.’