Isaiah 13:18 - Bible Ni Thothup

¹⁸ Gan e gat’ing nge gat’ing rorad e bay ra li’ed e pi’in pagel ngay. Ma dab rrungyed e bitir ni kab madway ara pi bitir.

Isaiah 13:18 Referans Kwoze

2 Kings 8:12

Me fith Hazael ni ga’ar, “Siro’, mangfan ni ga be yor?” Me fulweg Elisa ni ga’ar, “Ya kugnang e pin’en nib gel e kireb riy ni bay mu rin’ nib togopluw ngak e girdi’ nu Israel. Bay mu tay e nifiy ko pi yoror rorad, ma ga thang e fan rok e pi pagel rorad ni th’abi gel, ma ga pirdi’iy pifakrad ngarm’ad, ma ga sey e yal rok e ppin rorad nib diyen.”

2 Kronicles 36:17

Ma aram me pag SOMOL fare pilung nu Babylon nge cham ngorad. I thang fare pilung e fan rok e pi’in pagel nu Judah ni mus ngak e tin bay u Tempel. Dariy be’ ni runguy, fel’ yangren fa pilbithir, pumo’on ara ppin, m’ar nge pi’in de m’ar. I pi’rad Got nga pa’ ni yad gubin.

Hosea 13:16

Samaria e thingar ni gechignag ni be togopluw ngog. Girdi’ rok e bay yim’ u fithik’ e mael; pi bitir ni kab ran e bay ni garpay nga but’, ma ppin nib diyen e bay ni guchthuy yinrad.”

Ezekiel 9:10

Machane dab kug runguyrad; nggu rin’ ngorad e n’en ni kar rin’ed ngak boch e girdi’.”

Isaiah 13:16

Ngiyal’ ni yad be changar ni dariy ban’en nrayag ni ngar rin’ed, mi ni pirdi’iy pi bitir rorad ngarm’ad, mi ni gochowriy gathon e naun rorad u yargal, mi ni kol pi le’engirad u gelngiy.

Nahum 3:10

Girdi’ nu Thebes e kan fekrad ni kalbus nga wuru’ e nam. Gubin e m’ing ko kanawo’ ma go’ bay pifakrad riy ni kan li’rad karm’ad. Pi pumo’on ni tayugang’ rorad e kan chen nagrad kan fekrad kan graregrad u pa’ e pi to’ogor rorad.

Nahum 2:1

Nineveh, kan mael ngom! Fare gelngin ni nge biligem e ke yib. Mu fal’eg rogon e talin e cham rom! Mu matanagiy e kanawo’! Mu fal’eg rogom ko mael! (

Psalms 127:3

Bitir e ba tow’ath nma pi’ SOMOL; yad e bin riyul’ e tow’ath.

Isaiah 5:28

Pi gan e gat’ing rorad e bm’uth, ma pi gat’ing rorad e ka ni fal’eg rogon ke par. Pi sus u ay e os rorad e bod feni el e pache’, ma pi chariot rorad e be cheal ni bod ba nanyor.

Isaiah 47:9

Machane u lan ta’boch ngiyal’, u ta’abo rran, ma l’agruw e galin’ey nra buch. Dariyfan urngin e pig ni um tay, ma figirngim nge pifakam e bay ra mulgad u pa’am.

Jeremiah 5:16

Girdi’en e mun gat’ing rorad e bogi salthaw nib gel gelingrad ni yad ma cham ni dariy be’ ni yad ma runguy.

Jeremiah 6:23

Ka ra feked e gat’ing nge saydon rorad; ri yad ba kireb ma darir runguyed be’. Yad ra yan u daken e pi os rorad, ma be yan lingrad ni bod lingan e regur ni be cham e day riy. Ka ra fal’eged rogorad ni ngar maelgad nga Jerusalem.”

Jeremiah 18:21

Machane chiney SOMOL, e gu be wenig ngom ni ngam pag pifakrad nge math e fan rorad ni uyongol; ma ga pagrad ngan li’rad u fithik’ e mael. Mu pag e pi’in ni ppin nge thay figirngirad nge pifakrad u pa’rad; mu pag e pi pumo’on ngarm’ad ko liliy, ma ga pag e pi’in ni pagel ngan li’rad u fithik’ e mael.

Jeremiah 50:30

Pi’in pagel riy e bay ni li’ u daken e yupa’ i kanawo’, ma gubin e salthaw u rom e bay ni thang owcharad e rofen nem. I Gag SOMOL e kugog e pi thin ney.

Jeremiah 50:42

Kar feked e gat’ing rorad nge saydon, yad bbuchan’ ni darir rungyed be’. Nap’an ni yad ra yan u daken e pi os rorad, ma ba lingan i n’ew. Kar fal’egned rogorad ni ngar maelgad nga Babylon.

Jeremiah 51:22

gu li’ e pi pumo’on nge ppin, gu thang mit e labthir nge fel’yangren, gu li’ e sarpagel nge bulyal,

Daniel 7:5

Mu gguy e bin migid e gamanman ni bod ya’an ba gamanman ni bear nike sak’iy ko fa gal raba’ nem i ay ni bay nga tomur, ni bay dalip i yaw u l’ugun nike k’ad, ma bay ba lam ni be ga’ar ngak, “Mu longuy e ufin ngam fos.”