Isaiah 12:6 - Bible Ni Thothup

⁶ Urngin e girdi’ nma par u Zion e nge tolul ngalang me tang! Got nib thothup rok piyu Israel e ba sorok, mma par u fithik’ e girdi’ rok.”

Isaiah 12:6 Referans Kwoze

Zekariah 2:5

Ya SOMOL e ke micheg ni ir e bayi mang rungrung nib nifiy u wuru’ fare binaw ni nge yororiy ni dabi buch ban’en riy mu rom e bay i par riy nike sug nag felngin.”

Psalms 9:11

Ngan tangnag e sorok ngak SOMOL, ni ir e ma gagiyeg u Zion! Ngan weliy ngak gubin e nam e tin ke rin’!

Isaiah 41:14

Be ga’ar SOMOL, “Israel, ri gab achig ma gab me’waer, machane dab mu rus; ya bay gu ayuwegnem. I Gag fare Got nu Israel ni gu ba thothup e bay gu ayuwegnem u pa’ e to’ogor rom.

Ezekiel 48:35

N’umngin fa aningeg raba’ i rungrung u gubin e 10,080 e yard. Fithingan fare binaw e chiney i yan ngaram e ba’aray “I SOMOL E Bay U Roy!”

Isaiah 54:1

Jerusalem um par ni bod be’ ni bpin ndariy e bitir rok. Machane chiney e rayag ni ngam tang ma ga be garusnag e felfelan’. Ya chiney e bayi yag e bitir ngom nib pire’ boch ngak be’ ni bpin ni der chuw figirngin u charen!

Isaiah 41:16

Bay mon’rad ngalang; me yib e nifeng i fekrad, me weregrad e nifeng nib gel. Ma aram e bay mu felfelan’ ni bochan e Gag e Got rom; bay mu pining e sorok ngog i Gag fare Got nu Israel ni gub thothup.

Isaiah 40:9

Jerusalem, mman nga daken e burey nib tolang; mu weliy e re thin ney ni bfel’! Zion, mu tolul ni ba ga’ lamam; mu weliy e re thin ney ni bfel’! Mu non ni ba ga’ lamam, ma dab mu rus. Mog ngak e pi binaw nu Judah ni fare Got rorad e be yib!

Psalms 71:22

Ri bay gu pining e sorok ngom ko musik ni harp; Got rog, bay gu pining e sorok nga fanam yul’yul’. Talin e musik ni harp rog e bay gu chubeg ni fan ngom, I gur e En Thothup nu Israel.

Zefaniah 2:5

Bilig t’ay e gafgow e kam ted e girdi’ nu Filistia, gimed e girdi’ ni gimed ma par u dep’el’ay. Ya SOMOL e ke pag e gechig ni nge aw ngomed. Bayi thang owchamed, ni dabi magay be’ nib fos.

Ezekiel 43:7

“Fak e girdi’, irera’ tagl’ig. Bay gu par u roy u fithik’ e girdi’ nu Israel nggu gagiyeg nagrad ni manemus. Dakriy reb e girdi’ nu Israel fa reb e pilung rorad ni ku ra m’ay nag fan fithingag nib thothup ngi i tayfan yug boch e got ara malang ko yam’ rok fapi pilung rorad nike yim’.

Isaiah 49:26

Bay gu gagiyegnag e pi’in yad be gafgow nigem nge mang yad e ur li’ed yad; gelngin e mathang pogofan nge damumuw ni bayib ngorad e bay ra balyanggad ngay ni gowa karm’ad ko rrum. Ma aram e gubin e girdi’ e bay ra nanged ni Gag e SOMOL, ni gag e gu chuwegmed u pa’ e to’ogor romed. Bay ra nanged ni gag fare Got nu Israel nib gel gelngig.”

Isaiah 33:24

Dariy be’ ni be par u lan e nam rodad ni bayki yog nib m’ar, ma denen e kem’ay i n’ag fan ni urngin.

Isaiah 30:19

Gimed e girdi’ ni gimed ma par u Jerusalem e bay mu pired ndab kum yorgad. Ya SOMOL e rib wurngan’, nap’an ni gimed ra yornag e ayuw ngak, ma ra fulweg taban e meybil romed.

Isaiah 24:23

Pul e bayi lumor ra’en, me math ra’en e yal’, ni bochan e SOMOL ni Gubin ma Rayag Rok e bayi pilung. Bayi gagiyeg u lan yu Jerusalem u daken e Burey ni Zion, ma pi tayugang’ ko girdi’ e bay ra guyed feni maluplup’.

Isaiah 10:24

I SOMOL ni Th’abi Tolang ni Gubin ma Rayag Rok e be ga’ar ko girdi’ rok ni yad ma par u Zion, “Dab mu dugowgad ngak yu Assyria, ni yug aram rogon ni yad be gafgow nagmed ni bod ni i rin’ yu Egypt.

Isaiah 8:18

Gu ba’aray nge pi bitir ni SOMOL e ke pi’ ngog. I SOMOL ni Gubin ma Rayag Rok ni bay tagil’ ko Burey ni Zion e ke l’oegmad ni nggu manged tamal’og rok nib fos ngak e girdi’ nu Israel.

Psalms 132:14

“Irera’ e gin bay gu par riy ndariy n’umngin nap’an; irera’ e gin gu ba’adag ni ngu’ug gagiyegnag.

Psalms 89:18

A SOMOL, i gur e ka mmel’eg en nge yororiymad; gur, fare Got Nthothup nu Israel, e mu pi’ ngomad e pilung romad.

Psalms 68:16

Burey ni yo’or p’ebugul mang ni ga be thinthin’an ko fare burey nike mel’eg Got ni nge par riy ndariy n’umngin nap’an.

Psalms 46:5

Got e be par u lan e re binaw nem, ndabiyag ni ngan kirebnag; ra yib i ayuweg e re binaw nem nnap’an ni fini be puf e woch.

Psalms 99:2

I SOMOL e rib gel gelngin u lan yu Zion; ir e ba tolang u fithik’ urngin e pi nam.

Isaiah 1:24

Ere chiney e ngam telmed ko tin nge yog SOMOL ni Gubin ma Rayag Rok, ni ir fare Got rok yu Israel nrib gel gelngin, be ga’ar, “Bay gu fulweg taban ngomed gimed e pi to’ogor rog, nge dab ku mu k’arnged e damumuw rog nga dakenmed.

Isaiah 24:14

Pi’in rfosgad e bay ra tang niged e felfelan’. Ma pi’in bay ko ngal e bay ra weliyed feni sorok SOMOL,

Isaiah 60:16

Pi nam nge pi pilung e bay ur ayuweged gur Ni bod ba matin ni be tathuthnag fak. Ma bay mu nang ni Gag SOMOL e kug chuwegem u pa’ e to’ogor rom, Fare Got nu Israel nib gel gelngin e ke tem nike puf rogom.

Jeremiah 10:6

SOMOL, dariy be’ ni bod gur; I gur e th’abi gel gelngim, ma fithingam e ba mathangeluwol ma ba gel gelngin.

Ezekiel 35:10

“Kamog ni fagal nam, nu Judah ngu Israel nge binaw riy, e bmil fan ngom ni ngam tafnay, ni yug aram rogon ni Gag SOMOL e Got rorad.

Ezekiel 39:7

Bay gguy rogon ni nge urngin e girdi’ rog nu Israel me nang fithingag nib thothup, ma dab kug pag fithingag ngu’un dariyfannag. Ma aram e bayi nang e pi nam, ni Gag fare SOMOL, ni gag fare Got nib thothup rok piyu Israel.”

Ezekiel 48:8

Ma ba’ ni migid e binaw e ngan tay nib muduwgil e n’en ni ngan fanay ngay. Ni ragag e mayel ga’ngin radan ko lel’och nge yan ko yimuch, ma n’umngin ko ngek nge yan ko ngal e ku ta’reb rogon ko tin kan pi’ e binaw ko tin ba’aram e genong. Fare Tempel e yira tay u lan e giney e binaw.

Hosea 11:9

Dab gu gechig nigem u fithik’ e damumuw rog; dab kug kirebnag Israel bayay. Ya Gag Got, ma gathi gag e girdi’. I Gag fa En nib Thothup e gu bay rom. Dab gub ngom u fithik’ e damumuw.

Numbers 23:21

Kug guy ndariy e buch wa’athan ara kireb ni nge yib ngak yu Israel. I SOMOL ni Got rorad e bay rorad; yad be tolulnag ni Ir e pilung rorad.

Deuteronomy 23:15

“Fa’anra mil ba sib ko master rok nge yib ngomed ni ngam ayuweged, ma dab mu l’oged nge sul.

Psalms 135:21

Ngan pininged e sorok ngak SOMOL u lan yu Zion, ngu lan yu Jerusalem, ni tafen. Ke sorok SOMOL!

Isaiah 33:21

I SOMOL e bayi dag ngodad e fla’ab rok. Bay ud pired u to’oben bogi lul’ nge yu pa’ i lul’ ni ba ga’ radan, ma dariy e barkow ko to’ogor nra yan u langgin.

Joel 2:27

Ma gimed piyu Israel e bay mu nanged ni gu ba’ u fithik’med, me Gag SOMOL, e Gag e Got romed, ma dakuriy yugu reb e Got ngabang. Girdi’ rog e gathi bay kun darifannagrad bayay.

Zekariah 2:9

“I SOMOL e ir e bayi cham nib togopluw ngomed, ma pi girdi’ ni urmed bangiyal’ ni ur pigpig gad romed e bay i mangyad e ra giliw niged gimed.” Nap’an nra buch e ren’ey, ma gubin e girdi’ nra nang ni SOMOL ni Gubin ma Rayag Rok e ke l’ogeg.