Isaiah 10:34 - Bible Ni Thothup

³⁴ I SOMOL e ra th’abrad nga but’ ni bod e gak’iy u lukngun e loway nni th’ab ko tow, ni ta’reb rogon ko pi gak’iy thabi fel’usun u Lebanon ni thig nga but’.

Isaiah 10:34 Referans Kwoze

Isaiah 37:24

Kam l’oeg e pi tapigpig rom ngar thin ni ufanthin gad ngog ni gubin e chariot rom e ka mu kol ko pi burey ntotolang u Lebanon. Ma kag be yog nu rom e bay mu th’ab e tin th’abi nun’uw e gek’iy ni cedar riy nge tin th’abi fel’ e gek’iy ni cypress, ma kam taw ko yungin thabi to’ar u lan e loway.

Revelation 18:21

Ma aram me fek ba engel nib gel bmalang ni bod ga’ngin fare malang ni ba ga’ ni yima bilig e wheat ngay ngan ngongliy e flowa riy, me yin’ nga daken e day, ni be ga’ar, “Fare binaw nu Babylon nib gilbuguwan e bay ni pag nga but’ nib gel merin ni aray rogon, ma aram e dab ku ni guy bayay.

Revelation 10:1

Ma aram mu ku gguy reb e engel nib gel nike yib u tharmiy nga but’, ni bangi manileng e mad rok, ni ba longob ba ragim nga lolugen; ma owchen e bod lan mit e yal’, ma ay e bod ruw pa’ i nifiy.

2 Peter 2:11

Mus ngak e pi engel ni yad ba gel ma kab sororad ngak e pi tamchib nem ni go’ bogi ban’en ma darir rogned e thin nib kireb ngak e pi cha’nem u p’eowchen Somol.

2 Thessalonika 1:7

ma bayi chuweg e gafgow romed e pi’in gimed be gafgow ngam pogofan gad, ma ku errogon ni bayi rin’ ngomed. Ra rin’ e ren’ey ko ngiyal’ nra m’ug Somol Jesus u lanelang nike yib u tharmiy ni yad e pi engel rok nib yargel,

Nahum 1:12

Irera’ e n’en ni yog SOMOL ngak e girdi’ rok ni piyu Israel: “Yug aram rogon nu Assyria e yad ba yargal ma yad ba yo’or, ma yira thirifrad u but’ ngar m’aygad. Girdi’ rog, gu pagmed ngam gafgowgad, machane dabkug rin’ bayay.”

Daniel 4:23

Pilung, nap’an ni ga be changar me yib ba engel u tharmiy nga but’ nge yib i ga’ar, ‘Ngan th’ab e re ke gek’iy nir ngan li’, machane nga ni pag muchun’ u fithik’ e but’ nge par. Ngan longobiy bangi wasey nga kenggin nni ngongliy ko yug wasey nge wasey ni bronze, min pag u rom u lan e flang u fithik’ e pan. Nga ni pag e wa’angachal ngi i aw ngak, min pag ngi i par u rom u fithik’ e pi gamanman ni medlip e duw.’

Jeremiah 48:2

dakriy felngin yu Moab. Ke kol e to’ogor yu Heshbon ma kar makath niged ni ngar gathayed fare nam nu Moab. Fare binaw nu Madmen e bay i math gulngan; me thelap e salthaw nga langgin ni togopluw.

Jeremiah 22:7

Arme nggu pi’ e pi pumo’on ngar gathayed. Bay ra feked gubin e tow rorad ngar th’abed e pi duga’ ni ren e cedar ni fafalel’, nga ron’ed nga mit e nifiy.

Isaiah 37:36

Re nep’ i n’em e yan ba engel rok SOMOL ko gin be par e salthaw nu Assyria riy me thang e pogofan rok 185,000 e salthaw. Ma fa’ani puf e woch ma yad gubin ni yad bay u but’ ni karm’ad.

Isaiah 31:8

Assyria e bay ni m’ag e mael ngay ngan kirebnag, machane gathi gelngin e girdi’ e bayi gagiyegnag nge yodorom. Yu Assyria e bay ra milgad ko mael, ma pi pagel rorad e bay ni fekrad ni ka ra manged sib.

Isaiah 10:18

Pi loway nib chap ko gek’iy nge yungi milay’ nib yong’ol e bayi mogothgoth, nib ta’reb rogon ko m’ar ni ubchiya’ nma thangey.

Psalms 103:20

Gimed e pi engel ni bay gelngimed nib gel, ni gimed be fol ko tin keyog ni ngu’un rin’, ma gimed ma rung’ag e tin nma yog, mu pininged e sorok ngak SOMOL!

Isaiah 2:13

Bayi thikiy e pi gak’iy ni cedar nib n’uw kaen u Lebanon nge gubin e gak’iy ni oak u lan e binaw nu Bashan.

Isaiah 33:9

But’ ko re nam ney e dakunir muruwliy ma kann’ag. Geargear nu Lebanon e ke mororoy, fare loway nu Sharon nib yong’ol e but’ riy e ke bod bangi ted ni desert, mu lan yu Bashan ngu daken e Burey ni Karmel e be mulmul yuwan e gek’iy riy nga but’.

Ezekiel 31:3

Ga bod e gek’iy ni cedar u Lebanon, Nrib fel’usun nib taglul’ papa’ngin, Nib ke gek’iy nib n’uw nike tun ko manileng.