Isaiah 10:33 - Bible Ni Thothup

³³ I SOMOL ni Gubin ma Rayag Rok e bayi pirdi’iyrad nga but’ ni bod papa’ngin e gek’iy nthab u lang. Yu kan nth’abi tolang ma th’abi uf uf e bay ni th’ab nga but’ ngan sobut’nag.

Isaiah 10:33 Referans Kwoze

Amos 2:9

“Ni yugu aram rogon ni gag e gu li’ e yu Amor ni bochrad, ni bogi pumo’on ni bod feni n’un’uw e gek’iy ni cedar, ma yad bod feni gel e gek’iy ni oak. Go’ gu li’rad ngarm’ad.

Isaiah 37:38

Me reb e rran ni be meybil Sennakerib u lan e tempel ko birok e got ni aram Nisrok, me yib l’agruw i pumo’on ni fak ni aram e Adrammelek nge Sharezer ngar li’ew ko saydon ngem’, miyow mil ko nam nu Ararat. Me yan Esarhaddon nib mo’on ni fak nga luwan nge mang emperor.

Luke 14:11

Ya en nra tolangnag ir e yira sobut’nag, ma en nra sobut’nag ir e yira tolangnag.”

Daniel 4:37

“I gag Nebukadnezzar e chiney e gu be pining e sorok ngak e en ni Pilung nu Tharmiy, ma gu be tay fan, ma gu be yog ni ir e ba gilbuguwan. Urngin ban’en nma rin’ e bmat’aw. Gubin ngiyal’ nib yal’uw e ngongol rok, mrayag rok ni nge sobut’nag e en nma ngongol u fithik’ e tolngan’ nge ufanthin.”

2 Kronicles 32:21

Me l’oeg SOMOL ba engel nge thang e fan rok e salthaw nge tolang ko fa raba’ i salthaw nu Assyria. Ma aram me sul fare pilung nga Assyria nike tamra’. Me yan i reb e rran ni bay u lan e tempel ko got rok, me yib boch i pifak ni pumo’on ni bay e saydon rorad ngar li’ed nge yim’.

Isaiah 5:15

Urngin e girdi’ ni bayi m’ayfarad, ma gubin e pi’in yad ba tolngan’ e ra sobutan’rad.

Isaiah 33:3

Ga ra cham ni pa’mad, me mil e pi nam ni bochan lingan e mael.

Jeremiah 22:7

Arme nggu pi’ e pi pumo’on ngar gathayed. Bay ra feked gubin e tow rorad ngar th’abed e pi duga’ ni ren e cedar ni fafalel’, nga ron’ed nga mit e nifiy.

Ezekiel 31:3

Ga bod e gek’iy ni cedar u Lebanon, Nrib fel’usun nib taglul’ papa’ngin, Nib ke gek’iy nib n’uw nike tun ko manileng.

Nahum 1:12

Irera’ e n’en ni yog SOMOL ngak e girdi’ rok ni piyu Israel: “Yug aram rogon nu Assyria e yad ba yargal ma yad ba yo’or, ma yira thirifrad u but’ ngar m’aygad. Girdi’ rog, gu pagmed ngam gafgowgad, machane dabkug rin’ bayay.”

Isaiah 18:5

U m’on ni yira kunuy wom’ngin e grape, u nap’an nike mulmul e mak’uf ni flores ma be lol e grape, ma aram e bayi gathay e en to’ogor piyu Ethiopia ni bod feni mom papa’ngin e grape ni yima th’eth’ab ko yar.

Isaiah 32:19

(Ma sigre’en e burey nike tugul e gek’iy riy e bay i par ni bfel’ gelngin e garbeb riy, ma pi binaw e bay i par u fithik’ e gapas ko yungi n’en ni ba ga’ e rad riy.)