Isaiah 10:29 - Bible Ni Thothup

²⁹ Ra thumurgad ko fare wo’ ni wa’ich’ich miyad toffan reb e nep’ u Geba. Ma girdi’ nu lan fachi binaw nu Ramah e rrusgad, ma girdi’ nu lan e binaw rok i Saul ni Pilung u Gibeah e ra milgad.

Isaiah 10:29 Referans Kwoze

1 Samuel 13:23

Pi Filistine e ra l’oged baraba’ i salthaw ni ngar matanagiyed e kanawo’ u Mikmash.

1 Samuel 7:17

Me sul nga tafen ni bay u Ramah, ngki pithig e oloboch u rom. Me toy ba altar ni fan ngak SOMOL u Ramah.

1 Samuel 11:4

Me taw fapi mol’og nga Gibeah ko gin be par Saul riy, ma nap’an nra weliyed e thin ni kanog ngorad ni ngrogned, me yor e girdi’ nib gel.

Joshua 21:17

Ma gin tafen Benjamin e ni pi’ aningeg e binaw riy ngorad: Gibeon, Geba,

Hosea 10:9

Be ga’ar SOMOL, “Piyu Israel e dawor rtalgad ko denen nib togopluw ngog ni ka nap’an e ra denengad u Gibeah. Ere u rom u Gibeah e yad ra machda’nag e mael riy.

Hosea 9:9

Dakriy gam’ingrad nga bang nga farad kireb ko n’en ni yad be rin’, ni bod ni ur rin’ed u Gibeah. Bayib e denen rorad ngan’ Got me gechig nagrad ni bochan.

Hosea 5:8

Mu thoyed e yabul u Gibeah ni fan ko mael! Mu kum rin’ed u Ramah! Mu tolul niged e mael u Bethaven! Girdi’ rok Benjamin, marod ko mael!

Jeremiah 31:15

Be ga’ar SOMOL, “Ka ni rung’ag ba lam u lan yu Ramah, ni laman e meyor nib gel. I Rachel e be yornag pifak; ndabiyag i fal’eg laniyan’, ni bochan e daki moy pifak.

1 Kings 15:23

Ma tin kabay niki rin’ Asa ni Pilung, ni aram e ngongol rok ni madangdang nge yochi binaw ni i yororiy ni fan ko mael, e gubin ma go’ kan yoloy ngalan Chepin e Pilung nu Judah. Machane nap’an e ke pilbithir me mugutgut ni bochan bm’ar ni yib nga’ay.

1 Samuel 15:34

Me yan Samuel nga Ramah, me yan Saul ni Pilung nga tafen nga Gibeah.

1 Samuel 14:4

Mre kanawo’ ni ba’aram ni nge yan Jonathan i th’ab nge yan ko gin be par e pi Filistine riy e bay l’agruw i war ni gang’ riy nib madodongol, nra reb ma bay nga baraba’ e re kanawo’ nem, fithingan reb e Bozez ma reb e Seneh.

1 Samuel 13:16

Me par Saul nge Jonathan ni fak nge salthaw rorow u lan yu Geba, ni bay u lan e nug rok Benjamin; ma pi Filistine e karbad ra pired nga Mikmash.

1 Samuel 13:2

me mel’eg 3,000 e pumo’on nu Israel, me tay 2,000 rok u Mikmash ngu bang i n’en ni go’ burey u lan yu Bethel, me pi 1,000 nge un ngak Jonathan nib pagel ni fak nga Gibeah, u lan e nug ko ganong rok Benjamin. Tin ni magach e pumo’on e l’ograd Saul ngar sulod nga tabnaw.

1 Samuel 10:26

Ma ku er rogon Saul ni sul nga tafen nga Gibeah nike un boch e pumo’on ngak nib gel, ni Got e ke mithmitheg lanin’rad.

1 Samuel 14:2

Ma ke yan i par Saul nga tan ba ke gek’iy ni pomegranate u Migron, nde mal’af u Gibeah; ma gonap’an e 600 e pumo’on ni bay rok.

1 Samuel 14:5

Reb e bay nga ba’ ni lel’och ko re kanawo’ nem, ni ba sap nga Mikmash, ma reb e bay nga ba’ ni yimuch, ni ba sap nga Geba.