Isaiah 10:15 - Bible Ni Thothup

¹⁵ Machane me ga’ar SOMOL, “Rayag ni nge ga’ar bang i tow i ir e ba ga’ boch ko en nma maruwel ngay? Ba ga’fan ba glayoch ko en nma glayoch? Dar ma chibiy baley i gul be’ ngalang, ya en nma maruwel ngay e ma chibiy ngalang.”

Isaiah 10:15 Referans Kwoze

Isaiah 45:9

Rayag rok ba th’ib ni but’ ni nge tugthin ngak e cha’ ni ir e ngongliy, ni ba th’ib ni ta’reb rogon nga urngin e th’ib ni bay? Rayag rok e but’ ni th’ib ni nge fith ngak e en ni be ngongliy ko mang e be rin’ fa’anem? Rayag rok ba th’ib ni nge thibthibnag salapen pa’ e en ni ngongliy?

Isaiah 10:5

I SOMOL e ga’ar, “Gu tay yu Assyria nib dumow rog ni nggu gechegnag e pi’in ku gu damumuw ngak.

Isaiah 29:16

Ka ra tibuliyed gubin ban’en. Bin ngan e ba ga’ fan, facha’ nma ma’ th’ib ara fare gi but’ nth’ib? Rayag rok ban’en ni gur e mu ngongliy ni nge ga’ar ngom, “Gathi gur e mu ngongliyeg.” Ara ga’ar, “I gur e damur nang ko mang e ga be rin’.”

Ezekiel 28:9

Nap’an ni yad ra yib ni ngar li’ed gur, ma kag ra yog ni gur reb e got? Nap’an ni ga ra sabliy e pi’in ngar thanged e pogofan rom, ma gab girdi’ gathi gur reb e got.

Isaiah 7:20

“Ra taw ko ngiyal’nem, me gagiyegnag SOMOL be’ nma puy lolgey nge yib u ba’nem e Eufrates ngaray, ni aram fare emperor nu Assyria, ma bayi puy sorobmed me th’ab piyan lolugmed nge piyan dowmed.

Isaiah 37:23

Mini’ e ga be leamnag ni ga be togopluwnag e welthin ngak ma ga be moningnag? Ga be dariy fan nigeg, i Gag fare Got nib thothup nu Israel.