Isaiah 1:27 - Bible Ni Thothup

²⁷ Ya SOMOL e ba mat’aw ere bayi mat’awnag yu Jerusalem nge en ke pi’ keru’ ko kireb rok.

Isaiah 1:27 Referans Kwoze

Isaiah 63:4

Ya gu turguy ni ngiyal’ ni nggu ayuweg e girdi’ rog e ke taw; ya ke taw nga nap’an ni nggu gechignag e pi to’ogor rorad.

Isaiah 62:12

Bay ni piningmed ni “Girdi’ Rok Got Ni Thothup,” “Fapi Girdi’ Nike Ayuwegrad SOMOL.” Jerusalem e bay nog ni “Fare Binaw Nib T’uf Rok Got,” “Fare Binaw Ni de Fek Got Owchen Riy.”

Isaiah 5:16

Machane SOMOL ni Gubin ma Rayag Rok e be dag feni sorok ko n’en ni be rin’ nib mat’aw, ma be gagyalnag feni thothup ko pufthin ni be tay ko girdi’ rok.

Titus 2:14

I ir e pi’ ir ni bochdad ni fan e nge leagdad u fithik’ urngin e kireb me ngongliydad ngad manged ba ulung i girdi’ ni kad machalboggad nib mil fadad ngak me pasigan’dad ni ngad rin’ed e tin ni bfel’.

2 Korinth 5:21

Kristus e dariy e denen ni ngongliy, machane me fek Got e denen rodad nge tay nga daken, ni fan e ngad ta’ab girdi’gad ngak nge yag nda mat’awgad ni bod rogon Got.

1 Korinth 1:30

Machane Got e ke fekmed ke ta’ab girdi’nagmed Kristus Jesus, ma ke tay Got Kristus ni ir e kemang e birodad e gonop; nu daken Kristus e ke mat’aw nagdad Got riy ngak, kad manged e tirok’ Got e girdi’ nib thothup, ma ke pithigdad u gelngin mo’onyan’.

Isaiah 35:9

Ma dariy e gamanman ni layon riy; ma dariy e gamanman riy nma cham. Pi’in ke lagrad SOMOL u fithik’ e gafgow e yad ra yan nga taferad u daken e re kanawo’ nem.

Isaiah 35:10

Ma bay ra tawgad nga Jerusalem nike felan’rad, ni yad be tang ma yad be tolulnag e felfelan’. Ma bay ur pired ni yad be felfelan’ ndariy n’umngin nap’an, ndabki yib e kireban’ nge gafowan’ ngorad.

Isaiah 51:4

“Mmotoyilgad e girdi’ rog ngog, murung’aged e n’en ni nggog: Ku gu pi’ e machib rog ko pi nam; pi motochiyel rog e bay i fek e tamilang i yib ngorad.

Isaiah 52:3

Be ga’ar SOMOL ni Th’abi Tolang ngak e girdi’ rok, “Dani chuw’iymed ko salpiy ni ngam manged sib, ma ku aram rogon ni bay ni chuwegmed ko sib ni dab ni pi’ e salpiy ni puluwonmed ni ngan pagmed.

Isaiah 54:14

Ngongol nib yal’uw ma bmat’aw e bayi gel nigem; ma dakuriy e gafgow nge marus ni nge yib ngom.

Hosea 2:19

Israel, bay gu fekem ngam mang le’engig; bay gu par ni gub yul’yul’; bay gu dag ngom e t’ufeg rog ni derma thil nge marnguy rog ni dabimus, mu ug tem nike mil suwom ngog ndariy n’umngin nap’an.

Mikah 6:5

Gimed e girdi’ rog, mu leam niged e tin ni tanomnag Balak ni ir e pilung nu Moab ni nge rin’ ngomed, nge rogon ni fulweg Balaam ni fak Beor lungun Balak. Mu leam niged fa pin’en ni mpir’eged nnap’an ni gimed be yan ko binaw nu Akacia nga Gilgal, nge yag ni mu nanged e tin gu rin’ ni fan e nggu ayuwegmed.”