Isaiah 1:19 - Bible Ni Thothup

¹⁹ Fa’an gimed ra fol rog, ma gimed ra kay e pin’en ni bfel’ ni be tugul ko nam romed.

Isaiah 1:19 Referans Kwoze

Isaiah 3:10

Pi’in mat’aw e yad ra felfelan’ mra fel’ e urngin rorad. Ma yad e bay ra felan’gad ko tin ur marwuliyed.

Joel 2:26

Chiney e aram e bayi yo’or ganmed mi gimed par ni kam chum’er gad. Ma bay mogned e sorok ngak SOMOL ni ir e Got romed, ni ir e ke rin’ bogi n’en nrib fel’ ngomed. Girdi’ rog e gathi bay kun fananikayrad bayay.

Hebrews 5:9

Ma fa’ani yan i par ni kari fel’ rogon ni bochan e gafgow ni tay, me par ni ir e be thapeg e girdi’ ngak Got ngar pired rok ndariy n’umngin nap’an, ni urngin e pi’in yad be fol rok,

Deuteronomy 28:1

“Fa’an gimed ra fol rok SOMOL ni Got romed mi gimed yul’yul’ i ayuweg urngin e tin keyog ni ngam rin’ed ni kug weliy ngomed e daba’, mra taymed ni gimed e re nam nth’abi sorok u daken e fayleng.

Isaiah 25:6

U roy u daken e Burey ni Zion e bayi fel’eg SOMOL ni Gubin ma Rayag Rok ba mur ni fan ko gubin e nam u fayleng — ba mur ni ggan nge wayin th’abi fel’ e yira pi’ riy.

Isaiah 65:13

Ma ere nggog ngomed ni pi’in ma meybil ngog mma fol rog e ra yo’or garad nge n’en ni ngu’ur garbodgad ngay, machane gimed e bay um m’ad ko bilig nge balel. Bay ur felfelan’gad, machane gimed e bayi m’ay famed.

Jeremiah 7:5

“Mu thiliyeged pangimed nge pin’en ni gimed be rin’. Nge bigimed mi i rin’ e tin bmat’aw ngak bigimed.

Jeremiah 21:8

Ma aram me yog SOMOL ngog ni nge lungug ko girdi’, “Mmotoyilgad! I Gag SOMOL e ku gu pi’ mat’awmed ni ngam mel’egged e bin bu uw e kanawo’, bin ni yan ko yafos fa bin ni yan ko yam’.

Haggai 1:12

Ma aram e Zerubbabel nge Joshua nge gubin e girdi’ ni ur kalbusgad u wuru’ e nam u Babylon, ni karsuled e yad be rin’ e n’en ni yog e SOMOL rorad ngorad ni ngar rin’ed. Kar pired ni yad ba marus ma yad be fol rok Haggai ni profet ni fare mal’og rok SOMOL.

Levitikus 25:19

Re gi but’ nem e bayib wom’ngin, ma bayi yag gubin e tin gimed ba’adag ni ngam koyed mi gimed par ndariy ban’en nra buch romed.

Levitikus 26:3

“Fa’anra um pired nrogon ko motochiyel rog mi gimed tay u gil’ e tin kugog,

Levitikus 26:5

Pi woldug romed e bayi yo’or nge dab mmu’gad i t’ar wom’ngin e grain miki taw ko ngiyal’ ni ngam tar’ed wom’ngin e woldug romed ni grape, ma ku dab mmu’gad i t’ar wom’ngin e grape miki taw nga nap’an ni ngam yunged e woldug ni grain. Urungin e tin gimed ba’adag ni ngam ked ma bay, mi gimed par ndariy ban’en nra buch romed u lan e binaw romed.

Isaiah 58:14

ma aram e gimed ra pir’eg e felfelan’ nma yib ko pigpig ni yima tay ngog. Ma gu ra gagiyeg nagmed ngu’un tay famed u gubin yang u fayleng; me fel’ rogomed ko re nam ni gu pi’ ngak e ga’ romed i Jakob. I Gag SOMOL e kugog e pi thin ney.”

Jeremiah 7:7

Fa’anra mu thil gad, ma aram e gu ra taymed ngu’um pired u daken e re nam ney ni gu pi’ ngak pi chitamangimed ni kakrom ni ngi i par ni taferad.