Isaiah 1:18 - Bible Ni Thothup

¹⁸ Be ga’ar SOMOL, “Mired ngad puruy’gad. Kam alitgad ko denen nib row ram’en, machane bay gu maluk nagmed ngam be’echgad ni bod feni be’ech e ayis. Yug aram rogon ni kam alitgad nrib row ra’en, ma bay mu wechwechgad ni bod bunu’en e saf.

Isaiah 1:18 Referans Kwoze

Isaiah 44:22

Kug chuweg e denen rom ni bod bangi manileng. Mu sul ngog; ya gag e kug biyuliyem.”

Revelation 7:14

Mu gu fulweg ngak ni lungug, “Da gu nang, i gur e ga manang.” Me ga’ar ngog, “Pi cha’nem e fapi girdi’ ni kar thapgad ngaray u fithik’ fare gafgow ni ba ga’ ntay ngorad. Kar luk niged e mad rorad kar wechwech niged nga racha’en fare Fak e Saf.

Psalms 51:7

Mu chuweg e denen rog nggu be’ech; mmaluk nigeg, ya nge gel e wechwech rog ko ayis.

Isaiah 41:21

I SOMOL ni ir e pilung nu Israel e ba’aray e thin ni nge yog: “Gimed e pi got rok e pi nam, mu weliyed mat’awmed. Mu leam niged e tin ni bfel’ ni ngambad mu weliyed me ayuwegmed.

Isaiah 41:1

Be ga’ar Got, “Mu th’abed gulungmed ngam telmed ngog gimed e pi nam ni gimed bmal’af! Mu fal’eged rogomed ni ngam feked e oloboch romed nga tafen e puf oloboch. Bay ni pagmed ngam welthingad. Ngad mu’ulunggad ngad guyed ko mini’ e bmat’aw.

Roma 5:20

Motochiyel e ni pi’ ni fan e nge yib i m’ug gelngin e kireb ni yibe ngongliy i yan; machane fa’ani yo’or e denen, miki yo’or e runguy rok Got.

Acts 18:4

Ma gubin e Sabbath ni yad ma lulu’ag e girdi’ e thin u lan tafen e mu’ulung, ni aram e be guy rogon ni nge mich e tin be yog u wan’ piyu Israel nge piyu Greece.

1 Samuel 12:7

Yugu mpired ni gimed ba sak’iy u luwmed, nggu togopluw ngomed u p’eowchen SOMOL, ya nggu puguran ngomed urngin e pi maang’ang nike rin’ SOMOL ni nge ayuweg e pogofan romed nge pi chitamangimed kakrom.

Acts 17:2

Me yan Paul ngalan tafen e mu’ulung nrogon ni ka ma rin’. Ma dalip e rran ni Sabbath ni i welthin ngak e girdi’ u lan e babyor nib thothup,

Jeremiah 2:5

Be ga’ar SOMOL: “Be mang e ren’en nib kireb ni pir’eg e pi chitamangimed rog, nike gagiyeg nagrad ka ra pi’ed keru’rad ngog? Ur meybilgad ngak bogi liyos nib m’ay fan mranod ra pired nike m’ayfarad.

Acts 24:25

Machane nap’an ni ul ul Paul ngay nge weliy murung’agen rogon ni ngan par ni yi ba mat’aw, nge rogon ni ngan t’ar lanin’uy ko tin nde mat’aw, nge murung’agen e Chirofen ni ba’aram ni bayi pufthinnag Got e girdi’ riy, me yib e marus ngak Felix me ga’ar, “Mman e chiney, ma bay puf rogog bangiyal’ mu kugog nga mub.”

Mikah 6:2

Gimed e pi burey, gimed e pi def ni manemus nni toy e fayleng nga kaken, mu telmed ko tin nge yog SOMOL! I SOMOL e bay e aloboch u thilrad e girdi’ rok. Nge weliy e tin ke daliban’ ngay nib togopluw ngak piyu Israel.

BABYOR NI JOB 9:33

Machane dariy be’ nra yib nga thilmow — dariy be’ nra pufthin nagmow, I Got nge gag.

Isaiah 50:8

ya Got e ba chugur ngog, me ir e bayi micheg ni bfel’ e rog. Gur bay be’ nra math’ loran rok ni nge yog ban’en nib kireb ni kug rin’? Ere ngani pagmow nggu warow nga tafen e puf oloboch! Mi ni pag nge weliy e kireb ni gomanga kug rin’!

Isaiah 55:7

Pi’in kireb e ngongol rorad e ngar paged, miyad thiliyeg rogon e leam ni yad be tay. Miyad sul ngak SOMOL, ni Got rodad; ya ri ma runguy e girdi’, ma ba gur ni ma n’ag fan ban’en u wan’.

Ezekiel 18:27

Ma be’ nib kireb e fa’anra tal ndabki denen me rin’ e tin nib mat’aw ma bfel’, ma ke ayuweg e birok e pogofan.

Ezekiel 33:16

Ma gu ra n’ag fan u wun’ug e pi denen ni i rin’. Me par nike yag e yafos ngak ni bochan e ke rin’ e tin nib mat’aw ma bfel’.

Psalms 51:9

Mu fek owchem ko denen rog, ma ga chuweg urngin e kireb rog.

Isaiah 1:23

Pi’in yad be yog e thin rom e yad be togopluw ka ra manged tafager rok e pi moro’ro’; gubin ngiyal’ ni yad be fek e pi tow’ath nge puluwon e sasalap. Darir ayuweged e bitir ni kanim’ rorad u tafen e puf oloboch, ara rmotoyilgad ko oloboch rok e ppin nike yim’ figirngirad.

Isaiah 3:13

I SOMOL e ke fal’eg rogon ni nge yog e tin nge buch, nike fal’eg rogon ni nge pufthinnag e girdi’ rok.